ابي اتعدل بصالون سلوى لزواجي..بنات البحرين شرايكم؟؟

ن

نور البحرين

عروس مشاركة

20-04-2010 | 12:56 PM

السلام ..

خبيت استشيركم بموضوع..

انا بسوي جلوة وعرس بنفس اليوم ..

وراح يكون عائلي بس بعد مليان ناس..

وبلبس فيه فستاني الابيض..

وبصور بصحاري ..

وبحجز باقتي من الزنبقة..

وابغي احجز عند ام سجاد للحنى..

ولو تعرفون احد بعد يحني عرايس من25 دينار الى 35دينار وبمثل مستوى ام سجاد ..دلوني..

المهم بغيت اخذ رايكم..

الحين لو كنت بروح صالون سلوى ..

اختار منو يمكيجني لمياء او مروة..؟

وسمعت ناس واااايد مسويين عند لمياء ويقولون فضيع..

وحتى ناس اتقول احلى من سلوى..

وانا جفت حماتي سمراء وسوتها شحلاتها في خطوبتها..

المهم اذا رحت الصالون ما بتعب نفسي باقول لهم عروس لان اساسا شغلهم حلو..

بس اقول حق لمياء ابي مكياج عجيب مال عروس..وهي بنفسها تسوي اللي يناسب؟؟

والا بس اختار المكياج ويكون له اسعاره ..لان سمعت هي تحط بالسعر مثل ابو 10 او ابو15 ؟؟

والشعر اختار عند من غير نورية لاني منقهره عليها في خطوبتي سوت لي تسريحه فاشله تخرع وكان شعري طويل حسافه ما بينت جماله.. سوته لي باف وفوقه دائره ومو لهناك..

وناس يمدحون صفيه وصج حلوه تسريحاتها..

وحماتي تقول ان سوت لها وحده كان اسمها يبدا بحرف د بس ما تدري شنو اسمها نست..

وانا ابغي اروح عند لمياء وعند صفيه .. لان تعرفون ان الصالونات هالايام شابه من الغلاء ..

وانا حاليا في تاثيث شقتي الي بسكنها بالاجار فالظروف شوي ما تخدم..

بس بنفس الوقت ما ابي اندم ابي اطلع حلوه..

لان شكلي الحمدلله ما بقول جميله بقول حلوه بس بعد ابغي احد يحط مكياج ويسوي تسريحه عدله مو يطلعني جنيه..

فانتوا شرايكم؟؟

ولو كنت ابي مكان لحشوات واكسسوارات الشعر وين احصل وباسعار معقوله..؟
ادري هذرت وااايد بس محتاره ومتشتته ومرتبكه مو عارفه اركز بشي..:091:

وخبركم بعد امتحانات الوزارة..:01:

ح

حصاصي

عروس ماسية

20-04-2010 | 01:21 PM

اذا بتروحين سلوى فلمياء شغلها واييييييييييد احلى من مروة
وانا اصلا سلوى مايعجبني شغلها لوص في لوص

ه

همسات عشق

عروس رائعة

20-04-2010 | 02:05 PM

آنه انصحج بـ لمياء وبقوة ..

رحت لها في خطوبتي وسوت لي شي ناعم وفخم وستايل..

والحين بعد حق زواجي ان شاء الله باخذها..

وعن نورية بعد ما عليها كلام .. سوت لي شي عجيب..

ونفس الشي خذتها للعرس :)..

ش

شوشو 87

عروس ماسية

20-04-2010 | 02:14 PM

اختي لمياء يمدحونه اكثر من مروه يعني أخذي لمياء ..

أ

أميرة * A *

مشرفة سابقة

20-04-2010 | 04:03 PM

ربي يوفقك و يتمم فرحتك على خير
:083:

ز

زمن الطفولة

عروس ذهبية

20-04-2010 | 05:43 PM

لمياء حليو

والشعر منى

ز

زخت مطر

عروس مبدعة

20-04-2010 | 06:36 PM

اختي انا في الخطوبه والملجه رحت سلوى المكياج كان سلوى بس انتي اخدي لمياء لان احلى واجدد المكياج والشعر صفيه حلو بس منى اخبر انا منى سوت شعري في الملجه كان حلو وصفيه سوته في الخطوبه وصار عادي

&

ۼرٲﻡ ٲحـٻٵٻ

عروس مبدعة

21-04-2010 | 11:40 AM

اخذي للشعر .. نورية أو منى

وللمكيااج .. سلوى او لمياء

بس آناا سمعت أنه لمياء ماتضبط أي فيس !

وسلوى اهياا التووب في الصالوون

وآناا اقول لج هالكلاام عن تجربة ، بما إني رحت في خطوبتي عندهم

سويت شعري عند نورية ومكياجي عند سلوى .. وكاان ناعم وفي نفس الوقت فخم

والحمدلله كاان رووعة وبشهادة الكل :)

والله يوفقج .،

ك

كلاسيكية ذوق

عروس مشرقة

24-04-2010 | 09:57 AM

حبيبتي عند الحناية زهرة المحاري وااايد حلو حناها ماشالله حنتني في خطوبتي وسعرها 35 احلا من ام سجاد بعد بس ماعندي رقمها انشالله احد غيري ايفيدج