ازيكم ياقمرات ؟؟
بما إننا فيمصر مقاطعين اللحمه حاليا فا كان عندى حته لحمه بدهن من ساعه العيد
قولت استغلها واعملها مفروم واعمل كمان برجر في البيت
كان نفسي في البرجر جدا ومش عاوزا اجيب الجاهز
والحمد لهل بجد طلع احلى من الجاهز صدقااا
المقادير :
علبه بهارات برجر ( من العطار)
نصف ك لحمه مفروم
بصله مفرومه
وبصله جوانج
وخس والكاتشب والماستردا والعيش
الطريقه :
اهى شكل العلبه بتاعت البهارات
مكتوب عليها اعجنها في كوب ونصف ماء
هنا عجنتها كويس اووووووى والميا بتختفى خاااااااااااالص واحطها بعد كدا 10 دقائق في التلاجه
اقرب
ودى اللحمه (شايفين نظيفه ازاى ,, احسن من ايلي بنشتريها مفروم جاهز)
افرمها في الكبه واحط اللحمه على خلطه البهارات
وعليهم بصله مفرومه
واعجنهم كويس اووووووووووووووى
اقرب
ودى البتاعه :) ايلي بنقرص بيها البرجر
الكميه دى عملت 20 قطعه برجر في حجم الجاهز
دول بقا ايلي كنا هناكلهم ساعتها :) حطتهم في التلاجه شويا وبعدين جبت الطاسه التيفال علشان اسويهم ولما قلبتهم النحيا التانيه حطيت بصله جوانج واااااااو بيكون تحفه كدا
وهنا استوى والبصله دبلت بس
حضرت تجهيزه الساندويتشات
جبت العيش الكيزر وحطيت الخس وقطعتين طماطم
وحطيت شويه بصل وعليهم البرجر والكاتشب والمستردا
وحطيت خس على الوش تانى
ودا الشكل النهائى ( ودل كان طبق زوجى)
اقرب
ودا تجهيزه طبقى (لانى عامله دايت فا حطيت في توست ليا)
اقرررب
وبجد كان طعمه احلى والله من الجاهز بكتيييييييييير وانظف واللحمه موثوق فيها الحمد لله
وبالهنا والشفااااااا