بلييز همتكم - منتديات عروس

~

~ملكة الجنون~

عروس نشيطة

20-04-2010 | 12:07 AM

السلام عليكم
كيفكم صبايـــــــــــــــــــا :
انا زواجي بعد شهرين بلييز ابغى فكره جديده للدفتر الي ينكتب فيه التهاني
طبعا ما ابغى اعمل دفتر ممكن تكون شجره البنات يكتبوا فيها التهاني ويعني زي كده يلا فيدوني

:025:

c

chocolate baby

عروس ماسية

20-04-2010 | 01:35 AM

هلا اختي
شخبارج؟ ان شاء الله بخير
حبيت احط لج بعض الافكار للدفاتر
وان شاء الله يعجبونج

وان شاء الله قدرت اساعدج وافيدج
والله يعطيج العافية

&

άĻяά7έέĻ άĻмoя

مشرفة سابقة

20-04-2010 | 01:49 AM

اول شي الف مبروك اختي والله يتمم زواجج على خير
فكرتي ان شاء الله تعجبج
تاخذين برواز كبير شوي
تشيلين الزجاجه مالت البرواز
وتحطين الخلفيه اسمج واسم زوجج او اي عباره تحبينها
بعدين تسوين مثل حبال نشر الغسيل بس في الوان حلوه فضي او ذهبي
تعلقين الحبال من الطرف لين الطرف بشكل مرتب وتزينين نهاية الاطراف بورده تناسب القاعه
نفس التصميم اللي سويتيه للخلفيه تسوينه كبطاقات صغار عشان يكتبون عليهم
تحطين البطاقات في فازة مزينه وتاخذين فازه اصغر تحطين فيها مشابيك الغسيل الصغيرونات وممكن تزينين نهاية المشبك بورده
وتزينين القلم بعد

الفكره اهي ان عقب الشخص ما يكتب يعلق البطاقه بالمشبك على الحبل

اتمنى فكرتي تعجبج
موفقه ان شاء الله

~

~ملكة الجنون~

عروس نشيطة

20-04-2010 | 01:06 PM

تسلمي يا شوكلت بابي وتسلمي غموضه
انا ابغى افكار زي حق غموضه:087:

c

chocolate baby

عروس ماسية

20-04-2010 | 03:13 PM

هلا اختي
لا شكر على واجب
سامحيني انا في البداية ما عرفت قصدج من جذي حطيت لج اللي عرفته منج
بس ولا يهمج بحاول ادور لج نفس الافكار اللي قلتيها
وان شاء الله احصل وآيييب لج
وسامحيني على القصور
والله يعطيج العافية

~

~ملكة الجنون~

عروس نشيطة

20-04-2010 | 05:45 PM

لا مافي اي قصور كفايه انك واقفه معايا مررررره تسلمي وياريت تلاقيلي افكار :065:

c

chocolate baby

عروس ماسية

20-04-2010 | 07:03 PM

فدييييتج يا الغلا
ولا يهمج انا الحين جمعت جم صورة لفكرة وان شاء الله تعجبج

1- الفكرة الاولى تقدرين تاخذين برواز كبير واتشيلين الزجاج من البرواز واتحطين صورتج وصورة زوجج في وسط البرواز واتخلين الناس تكتب لكم تهانيهم حوالين الصورة

2- الفكرة الثانية اتكون على طريقة مزهرية كبييييرة فيها ورود واتخلين الناس تكتب على المزهرية وتقدرين اتحطين اسمج واسمه على المزهرية او اتحطين صورتكم

3- الفكرة الثالثة انج تاخذين صحن كبيييييييييير واتحطين اسمج واسم زوجج في الوسط واتخلين كل الناس تكتب تهانيهم على الصحن وهالطريقة من النوع الانجلينزي بس حلوة

4- الفكرة الرابعة اتكون على محدة كبييييييرة مخصصة للتوقيع وفي ناس ياخذون المخده اللي كانت فيها خواتم المعرس والعروس ويحطونها للتوقيع وهالحركة صايرة وايد حلوة

5- الفكرة الخامسة اتكون على طريقة لعبة وهالطريقة صايرة وسمعت عنها ان العروس تشتري لعبة واتلبس اللعبة فستان ابيض واتكون اللعبة كبيرة والكل من الضيوف يوقعون او يكتبون على الفستان الابيض

في النهاية اتمنى اني قدرت اساعدج وافيدج
وان شاء الله الافكار اللي حطيتها اهيه تقريبا نفس اللي تبينه
واذا للحين اللي في بالي غلط ياريت اتوضحين باللي تبينه اكثر
والله يوفقج ويسهل عليج كل خطوة يا الغلا
والله يعطيج العافية

~

~ملكة الجنون~

عروس نشيطة

20-04-2010 | 07:19 PM

لا هوا هذا المطلوب وما اقدر اوصفلك شكري (مرره تسلمي):025:

c

chocolate baby

عروس ماسية

20-04-2010 | 07:44 PM

~ملكة الجنون~;11868981:
لا هوا هذا المطلوب وما اقدر اوصفلك شكري (مرره تسلمي):025:

فديييتج يا الغلا
لا شكر على واجب
والحمدلله ان الافكار طلعت صح
والله يسهل عليج كل شيء
والله يعطيج العافية

~

~ملكة الجنون~

عروس نشيطة

21-04-2010 | 01:22 PM

امين يارب