بسم الله الرحمن الرحيم
السلام عليكم و رحمه الله و بركاته
اتعلمى لفات طرح جديدة خطوة بخطوة مع الماكييرة و مصممة الطرح دينا سلام Dina Sallam
أن شاء الله كل فترة هنزلكم لفة طرحة جديدة من تصميمى بالصور و الشرح
و أى اسأله هجاوبكو عليها أن شاء الله فى اقرب وقت
الطريقة الأولى للفة الطرحه
الخطوة الأولى :
هتلبسى بندانه قطن اللى بتكون زى البونيه و دى مهمه اوى علشان تثبت الطرحه اللى فوقيها و متتزحلقش و تربطيها ربطتين كويس اوى من الضهر
الخطوة الثانيه :
هتجيبى بندانه بلون تانى سواء كانت مربعه قماش و تتنيها على شكل مثلث زى فى الصوره
او ممكن تستخدمى بندانه قطن تانيه
الخطوة الثالثه :
تظبطى البندانه بحيث ميكونش فيها كشكشه و تربطى البندانه كويس اوى من الضهر ربطتين
الخطوة الرابعه :
تجيبى طرحه ساده و تظبتيها كويس فوق البندانات
الخطوة الخامسه :
بعد متظبتيها هتثبتيها من الجمبين بدبابيس زى الصورة
دبوس من الناحيه اليمين و دبوس من الناحيه الشمال
الخطوة السادسه :
هتيبى طرحه منقوشه او مشجره زى ماتحبى و هتحطيها فوق الطرحه السادة
http://sphotos.ak.fbcdn.net/hphotos-ak-snc4/hs046.snc4/34642_136945359667527_100000561925145_261311_5068594_n.jpg
الخطوة السابعه :
بعد متظبتيها كويس هتحطى دبابيس من الجمبين
الخطوة الثامنه :
هتلفى الطرحه الساده (الفوشيا) زى ما واضح فى الصورة و تيجى من عند الطرف تثبتيها بدبوس واحد
الخطوة التاسعه :
و تلفى الطرحه المنقوشه زى ما عملتى فى الساده و تثبتيها بدبوس
و ده هيكون الشكل النهائى للفة بسيطه و ساهله و فيها شويه تجديد
أن شاء الله يكون موضوع مفيد