انا ان شاء الله هنزلكو طريقة جديدة للحمة كنوع من التغيير بس يارب احصل على وسام مشاركة متميزة هههههههههه:093::093::093:
يلا نبتدى بس للاسف مش كل الخطوات مصورة بس ان شاء الله تفهموها لانها سهلة جدا
اولا المكونات
لحمه مقطعة مكعبات
بصلة متوسطة مقطعه صغير او مبشورة
ثوم
طماطم وفلفل الوان مقطع مكعبات صغيرة خالص
ملح وفلفل وبهارات لحمة وزعتر وروز مارى وكل البهارات اللى تحبيها
زيت وقطعة سمن , معلقتين دقيق ابيض
كريمة لبانى ومشروم
صوص ديمى جلاس او صويا صوص بس انا محطتش بس عادى لو مش موجود هو بس
هيخلى طعم الاكل احلى بس انا جوزى مش بيحبه فمحطتوش
الطريقة:
نشوح البصل فى الزيت ونحط عليه الثوم وبعدين نضيف اللحمة المقطعة صغير ونشوحهم مع
بعض وبعدين نضيف الطماطم والفلفل الالوان مع استمرار التقليب وبعدين نضيف كوباية ميه او
شوربة لو موجود ونسيبها لحد ما تستوى وده شكلها بعد ما استوت
وبعد كده نضيف عليها قطع الماشروم وطبعا نقطعها صغير برضه
وبعدين نضيف الكريمة اللبانى
ونقلب وبعدين نضيف معلقتين دقيق علشان تخليها متماسمة شوية
ونقلب كويس وده شكلها النهائى بعد ما استوت
وقدمت معاها مكرونة وبطاطس محمرة وشوربة لسان عصفور ومخلل سلطة خضرا بس
نسيت اصور طبق السلطة معاهم
وفى النهاية ادعولى ان ربنا يرجعلى زوجى بالسلامة ويباركلى فى ابنى ويهديه ويسهل ولادتى
معلش طلباتى كتير ههههههههه بس ده عشمى فى اخواتى وحبابيبى بنات عروس
ومستنية الردود الحلوة والتقيمات
ووسام المشاركة المتميزة من المشرفة هههههههه:085::085::085:
طماعه انا:085::085::085:
