الشكوى لله

السلام عليكم
خواتي انا بقولكم مشكلتي او طرف صغير من المشكله
انا مطلقة وعندي عيال2 ساكنه مع اهلي وبغرفة وحدة وعيالي قاعد يكبرون وانا مافي مجال اني اتوسع وصعبة ابوي مو راضي يبي البيت وانا قربت على الاربعين

مشكلتي اني احب البس وكل ما لبست شي ابوي يعفس ويهه مع انه شي مستر
عيزت وانا اشتري اهدوم ويروح موديله واقطهم والمشكله اني احب اشتري لي

ما ادري شسوي تقولون لبسي بدارج ما يصير لانه يا اني نازله ولا صاعدة فكرت اني اطلع بشقة ابروحي لكن محتارة

وحمام مشترك والبيت آيل للسقوط ولا حياة لمن تنادي :)
والمطبخ تعبان وكلهم معتمدين علي
انا اييب وانا اودي وانا احط وانا الجمعية والسوق
حتى لو اخواني قاعدين ابوي يقول نادو افلانة تجيب اغراض من الجمعية او مطعم او عشا
والمشكله انهم كبار ومو يهال كل واحد عنده بيت
واذا زوج اختي قال بروح اجيب عشا
يقوله ابوي لالالالالالالالالالالالالا استريح الاهل راحو يجيبون
ويجيني ابوي ويقولي قومي جيبي كذا وكذا

وكل هذا موعاجب

لعلمكم خدامة ما في انا ارجع من الدوام واشوف شنو الغدا وشنو العشا واخم البيت وانظف واغسل المواعين وارتب وما اخلص الا الساعة 12 واقوم الساعه 5 ونص
حتى الخدم اذا يونا يقولي روحي جيبيلهم عشا
والله تعبت

اخواني اذا يابو اي شي ابوي يعطيهم افلوسة ويلزم عليهم حتى من اصغر خواتي لكن انا لا
يقولي قومي جيبي كذ كذا
وكله من معاشي وعيالي ما اخذ عليهم نفقة لانه ابوهم مايشتغل وعنده مشاكل



نفسيتي زفت واخواني اذا تقدم لي احد يقعدون يتشرطون
ومره تقدم لي شخص لكنه بدون
شاورت اخوي قلتله اشرايك قالي لالالالالالالالالالالالالالالالالا
وبعدين قال تعالي انتي تبين تتزوجين ؟؟؟؟؟؟؟؟؟؟؟؟؟؟؟
انا علبالي ما تبين
علبالهم انا جماد ما احس
الشكوى لله

بس كافي ما اقدر اكمل لانه نفسيتي تعبت

قولولي شسوي
كل ما قلت هانت بتفرج وافرح يصير عكس اللي انا ابيه