الكنافة بطريقة مغربية اصيلة بالصور

السلام عليكم يا عرايس ، اول مرة انزل موضوع فركن الطبخ و اتمنى يعجبكم ، و اتمنى كنافتي تعجبكم و هي من اختراعي و ما حد علمني اسويها انا علمت نفسي نفسي و الحمد لله كل ما اسويها تعجب زوجي ،،،،،،،،،،، شكلي كثرت عليكم ، يالله تعالو معاي نبدأ بسم الله
اول شي مقادير الكنافة و هي :
شعربية الكنافة و سمنة


مقادير الحشوة - الكريمة -
2 كوب حليب
2 كوب كريمة سائلة
4 ملعقة كبيرة نشا
2 ملعقة سكر

و الشيرة - القطر - السيرو -
نحتاج لكوب و نص سكر و كوب ماي و الطريقة الكل يعرفها
نجي لطريقة تجهيز الحشوة :
اول شي نحط شوية حليب بقدر و نحط عليه النشا و نحرك عشان ما يتكثل بعدين نضيف له كمية الحليب الباقة




و نضيف عليه الكريما السائلة و السكر و نحركهم


ثم نحطهم على النار و نحرك عشان ما يتكثل او يتكور و نخليه لين نحصل على كريمة ثقيلة شوي مو كثير لانه بعدما تشيلينها من فوق النار بتثقل اكثر



الحين صارت جاهزة
نجي لطريقة الكنافة لي الكل عارفها ، نفكك الشعرية و لي تحب تقطعها بالمقص انا احب اقطعها و نسيح السمنة و نحطها عليها

بليـــــــــــز لا حد يرد لما اكمل