ساعدوني يابنات قطر - منتديات عروس

غ

غندووورة

عروس جديدة

18-04-2010 | 11:14 AM

السلام عليكم
أخباركم صبايا ان شاء الله تمام

حبيباتي بنات قطر ابي منكم مساعده يابنات بلادي
انا تملكت ولله الحمد وانعم الله علي بزوج صالح بس ماديته مو لذاك الزود
الله يرزقني أنا وياه يارب

والحين ابي منكم مساعده خاطري اسوي عرس راقي وفي نفس الوقت يكون مب مكلف يعني اللي منكم تعرف محلات تزيين كوش وضيافه رخيصه ياليت تقول لي عرسي بيكون بعد 3 شهور

وشي ثاني انا مهري بس 60 ألف وأكيد انه شوي بالنسبه لأيامنا هذي وللغلاء الفاحش
ماعرف شلون اتصرف ولا ششتري ولاشلون ارتب فاللي بتساعدني جزاها الله خير
يعني ماعرف اخلي كم للذهب وللترتيبات الثانيه

متضايقه حدي ومحتاره خاطري اسوي كل شي بس يالله الحمدلله على كل حال

فمن منكم بتساعدني ؟

ش

شآيلة الكعبي

عروس متألقة

18-04-2010 | 11:24 AM

فديتج والله الله يتمملج ع خير ويسعدج يآرب
حبيبتي لا تكثري من الشرآ من وجهة نظري لأن بس كمن شهر ولابد تغيري منه عقب العرس
خلي 30 للذهب لانه يتم ولو طال الزمن
و 30 للزهاب..

حاولي تخلصي قبل العرس بشهر عشان يعني إذا كان عرسج بعد 3 شهور إبدي من هالشهر حسب جدول معين:

يعني إبدي من

الأسبوع الياي لفي السوق وخذي أول شي:(1)

القطع للكنادير والجلابيات والعبايات وفصليهن لأنهن ياخذن وقت
عقب إشتري الملابس والتنانير والبناطيل والثيابج الداخلية والنوم

الأسبوع الثآني:
سيري خذيلج الصابون والكريمات والشامبوا
مال آظافر يعني مستحضرات الجمعيه كلهابالإضافة
للنعول والشنط ووإكسسوارات الشعر وهالأشياء

الأسبوع الثآلث:
خذي الذهب

الأسبوع الرابع:

خذي البودي لوشنات والمكياجات

الأسبوع الخامس :
سيري حجزي ولفي ع الكوش والبطايق وحجوز الفستان
والصالون والمسكه..

وبيبقالج وااايد أكثر عن شهر
خليه للعناية بجسمج وشعرج

ولو حبيتي حايه آمريني
لو تبي بطآيق ما يصير خآطرج إلا طيب..

الله يسعدج

*

*همس الحراير*

عروس برونزية

18-04-2010 | 12:22 PM

اختي دخلي تجهيزات بنات قطر على هالرابط

http://forums.3roos.com/showthread.php?t=527623

وان شاءالله البنااات بيساعدووونج

وشوفي هالموضوع لـ بنت الغالي وان شاءالله تستفيدين منه

http://forums.3roos.com/showthread.php?t=262062

والله يوفقج

غ

غلا طلال

عروس مشاركة

19-04-2010 | 10:24 AM

حبيبتي خلي 30 الف للذهب

وخذي لج 3 بدلات رايقه لاستقبال الضيوف

وفصلي لج تنانير راقيه

والجلابيات اتوقع بتستهلكينها وايد وبالاخص اذا بتسكنين مع اهل زوجج وعنده اخوان

ولاتكثرين من العطورات والساعات لانهم بيجونج هدايا

خذي 5 عطورات مع البودي لوشن والديودرنت حقهم

وفصلي لج 5 عبايات من الاوفر والمتوسط والساده

ةلاتكثرين من الثياب لان جسمج بيتغير وكل هالاشياء بتنعق

وربي ييسر لج الخير حبيبتي

ويتمم لج على خير

وبخصوص تجهيزات العرس على ما اعتقد على اهل المعرس بس بذوقج

في وايد محلات ((غردينيا - ماسيس - امسيتي- رفلكشن - لوليتا بشارع العزيزية اسعاره واااااايد معقولخه))

ب

بنت الغالي

مشرفة سابقة

19-04-2010 | 10:40 AM

هلا اختي

محلات التجهيز الي باسعار معقوله

الغردينيا - لوليتا - ماسيس احيانا - امسيتي - ماجستك تحددينلهم الميزانيه ويجهزون لج

الله يوفقج ويتمم لج على خير

ح

حلا الايام

عروس نشيطة

19-04-2010 | 11:07 PM

اول شي مبرووك اختي والله يوفقج وايسر لج امورج يارب ..

ترى تقريبا انا نفس حالتج انا مهري 70 وماكنت اشتغل وتوني بس من شهر اشتغلت والحمدلله عطوني الراتب وشوي تيسرت الامور الحمدلله

فجوفي فالبدايه افتكي من الحجوزات لان هي اللي تاخذ اغلب المهر ( مكياج - شعر - كوشه - تصوير - حنا )

لما تفتكين منهم ابتدي اخذي ورقه وقلم وجوفي كم بيبقى عندج .. مثلا بقى من 60 قولي 40 قسمي تقريبا 5 الاف حق جلابيات وتنانير من مشترى وتفصيل و5 حق بلايز وبديات وقمصان نوم وبيجامات و5 حق العطور والمكياج والاكسسوارت و5 حق الذهب هي شوي يادوب يمكن تجيب لج طقمين ناعمين بس معليه اذا عندج انتي شبكه مو مشكله ..5 حق العبايات وشنط وملابس داخليه وطقم ارواب وفطوط و5 حق عنايتج الشخصيه و5 بين ملحف وصنادل الله يكرمج و5 حق يوم العرس ..

ان شاء الله هالطريقه تساعدج ..

وعندج محلات الكوش اللي اسعارها معقوله : امسيتي - ديزاينز - صفوه - ماسيس ممكن تعطينه القيمه اللي انتي تقدرين عليها وهو يسوي لج ..

واذا محتاجه شي انا موجوده ان شاء الله اساعدج ..

.

.. بنت قطر ..

عروس مبدعة

19-04-2010 | 11:14 PM

اختاري الاشيا البسيطه و الراقيه

بس احس تجهيز القاعه وايد بيكلف !
الحين الاسعار مبالغ فيها !

شوفي بعد محل الليجانت سوت لي خطوبتي روعه و كانت ارخص من المحلات اللي زرتها و احلى و أفخم بكثير ..!

في محلات تبيع ملابس داخليه حلوه
مثل لاسنزا ..
و BHS
و دبنهامز

لا تكثرين من الاشيا الغاليه .. اختاري البسيط و الراقي في نفس الوقت
وحسب ما سمعت عن هالاشيا بسرعه تتملل منهم العروس ..

و استغلي أي فرصه للتنزيلات

و لاتنسين حجوزات الشعر والمكياج ليوم العرس

و الله يوفقج و يسهل امورج

s

sky123

عروس نشيطة

20-04-2010 | 09:24 AM

الله يهنيج ويوفقج ان شالله .. بس انا ودي اعلق على نقطة ان شالله تفيدج وتفيد البنات
والله انا كنت اسمع قبل يقولون ان لو عطوج 100 الف يدوب يكفيج
صديقتي تجهز حاليا حق عرسها .. وعطوها تقريبا 80 الف تجهز نفسها بس ،، تبين الصج كفاها المهر وزااااااد شوي ،، وجهزت نفسها من أماكن راقية وبكميات معقولة لان اللي يدور يلقى اشيا راقية ومرتبة بأسعار معقولة مو شرط تاخذين الغاالي كلللش ولا الرخيييص كلش .. وما خمت اللي بالسوق كله .. وفي نفس الوقت ما خلت شي بخاطرها ..
لو بكتب تجهيزها بالتفصيل بطول وايد :) بس حبيت افيد كل وحدة بتبتدي تجهز ...
موفقة ان شالله