صباح الخير
بنات انا وايد متضايقة
عندي بنتي عمرها 3 اسم الله عليها ما تنام الا بالليل متأخر عالساعه 11 وعادي عندها تكمل
حتى لو وده ابوها يسهر معاي تناشبنا نشبة ما تخلينا وان قعدت معانا بس تبجي وتحن وكل شي تبي
ابي اعدل نومتها ما ابيها تنام العصر هي تروح حضانة وتقعد من الصبح الساعه 6ونص او 7
جد خلتني اقصر بحق زوجي وايد
حتى مرات الاقي زوجي مل وهو ينطر نسهر نطالع تلفزيون او اي شي الاقيه نايم بسبتها
ومادري اشفيها صايرة بس تبجي وتحن عصر وليل
هلا اختي حاولي انج تعدلين رقادها لاتخلنيها تنام العصر شغليها باي شي عشان في ليل اتدوخ وتنام قد ماتقدرين لا تخلينها تنام ...والله يهديها ويهدي الجميع يارب ...
ا
المرأه الجذابه
عروس مبدعة
18-04-2010 | 10:51 AM
و انا من رايي اختي فديت عمره لا تخلينها تنام العصر عشان بالليل تتعب و تنام و لا تعكر عليج و على ريلج سهرتكم
ه
هايدي فتاة الألب
عروس برونزية
18-04-2010 | 11:31 AM
أختي لاتخلينها تنام العصر لهيها بالعاب ولا التلفزيون بأي شي اشغلي وقتها واذا لابد من النوم خليها اول ماتجي من الروضه الظهر تنام...وماتطول بالنومه ساعه لاأكثر وبالليل دخليها غرفتها من وقت وطفي النور واكيد بتمل وتنام ...ترا هذي طريقتي مع عيالي
m
moon & 3 stares
عروس مبدعة
18-04-2010 | 11:50 AM
هلا كويتية شخبارش
والله ولهت عليش
حبيبتي انش ما تخلينها تنام واجد صعبة في سنها خاصة انها تنام متأخر وتقعد من صباح الله خير انتي حاولي تنيمينها اول ما ترجع من الحضانة ولا اطول ساعة بس واذا قعدت خليها تفرغ كل طاقتها باللعب وانتبهي تعطينها حلاوة او كاكو لأن هذا يزيد نشاطها وديها حديقة العاب المهم تفرغ الطاقة اللي عندها وفي الليل لا تدخلين وياها من وقت لأ جذيه الغلبة بتكون حقها اختاري الوقت المناسب ودخليها وبندي الليت وشغلي قرآن واذا السور القصيرة يكون افضل لأنش بتضربين عصفورين بحجر منها تهدأ وتنام ومنها تحفظ القرآن اني اتبع هالطريقة ويا بناتي والحين ولدي وياهم ما شاء الله عمره سنتين واشوف انه ابتدا يحفظ شوي شوي
اتمنى اكون افدتش وتحياتي لش
هلا كويتية وين منخشه من زمان ما نشوفش انشالله المانع خير
المهم لا تنيمينها العصر غصبيها طلعيها قعدي العبي معاها لهيها لين اطوف الوقت بتتعود على ها المنوال بعدين بتنام في الليل من وقت
ز
زوجي حبيب قلبي
عروس ماسية
18-04-2010 | 12:03 PM
لا تخلينها تنام العصر شغليها واذا جنبكم حديقة وديها واذا الاهل صوبكم روحي وياها وخليها في الليل الى الساعة9 ونص وبعدين بتتعب وبتنام
هلا اختي كويتية ..
انا عن نفسي مااوافق خواتي اللي قالوا لج لاتنيمينها العصر,,هذي طفلة فصعبه تقدر تواصل من الصبح قومتها لليل’’
يعني شوفي عن نفسي بنتي نفس الشي ف الروضه ..
مشيتها على نظاام وا لحمدلله مشت عليه على احسن مايكون صدق اول مابديت وياها تعبت تعبتني واجد بس الحين الحمدلله تأقلمت عليه,,
تقوم الصبح الساعه 6 وترجع من الروضه 12 وربع تقريبا,, ماتجي الاغداها جاهز,, بس اغديها وعلى طوول انيمها يعني ماتجي 1 ونص او بالكثير 2 الاهي نايمه,, وماخليها تنام اكثر من الساعه 4 يعني من تجي الساعه 4 اقومها ,, وتبتدي حل واجباتها وتطالع التلفزيون وتلعب او اطلع معاها ,, وبعديها بيكون أذن .. يعني شوووي وارجع اعشيها وخلااص تكون تعبت ,, من تجي 8 ونص ادخل انيمها,, اغلب الاوقات ماتجي 9 ونص الا هي نايمه والحمدلله,,
اتمنى اكون أفدتج ومسامحه ع الاطاله..
مثل كلام باقي الخوات .. خليها تتعود على نظامانها ما تنام العصر اني ولدي من صار سنتين قمت وعودته على هالمنوال لأنه دوام ابوه من الصبح الساعه ست وما يبغي ازعاج بالشقه .. بس حالياً الكتكوتة مو مخليته ينام بيضطر يغير زامه ( وقت دوامه ) علشان يشبع نوووم ..
ومرت حميي بناتها ثنتينهم في الروضه ويقعدون من الصبح بس يجون من الروضه تخليهم يلعبون بأي شي ولا تغفل عنهم ولا دقيقة علشان ما ينامون للساعه 8 الليل تعشيهم وتنيمهم وبهالشي يشبعون نوووم وينامون الساعات اللي يحتاجونها ...
هلا كويتية شخبارش
والله ولهت عليش
حبيبتي انش ما تخلينها تنام واجد صعبة في سنها خاصة انها تنام متأخر وتقعد من صباح الله خير انتي حاولي تنيمينها اول ما ترجع من الحضانة ولا اطول ساعة بس واذا قعدت خليها تفرغ كل طاقتها باللعب وانتبهي تعطينها حلاوة او كاكو لأن هذا يزيد نشاطها وديها حديقة العاب المهم تفرغ الطاقة اللي عندها وفي الليل لا تدخلين وياها من وقت لأ جذيه الغلبة بتكون حقها اختاري الوقت المناسب ودخليها وبندي الليت وشغلي قرآن واذا السور القصيرة يكون افضل لأنش بتضربين عصفورين بحجر منها تهدأ وتنام ومنها تحفظ القرآن اني اتبع هالطريقة ويا بناتي والحين ولدي وياهم ما شاء الله عمره سنتين واشوف انه ابتدا يحفظ شوي شوي
اتمنى اكون افدتش وتحياتي لش
توله عليج العافيه ياقلبي
وان شاءالله بطبق الي قلتوا عنه لان صج مسوية لنا ازعاج موطبيعي
ومشكورة انج نبهتين عن الكاكاو والحلاويات
هلا كويتية وين منخشه من زمان ما نشوفش انشالله المانع خير
المهم لا تنيمينها العصر غصبيها طلعيها قعدي العبي معاها لهيها لين اطوف الوقت بتتعود على ها المنوال بعدين بتنام في الليل من وقت
اهلين ياعمري والله مو منخشة وكل بين فترة وفترة انزل موضوع
بس تدرين سكنت بشقة جديدة وتعب الشغل فيها وايد
تسلمون بنات ماقصرتوا
هلا كويتية شخبارش
والله ولهت عليش
حبيبتي انش ما تخلينها تنام واجد صعبة في سنها خاصة انها تنام متأخر وتقعد من صباح الله خير انتي حاولي تنيمينها اول ما ترجع من الحضانة ولا اطول ساعة بس واذا قعدت خليها تفرغ كل طاقتها باللعب وانتبهي تعطينها حلاوة او كاكو لأن هذا يزيد نشاطها وديها حديقة العاب المهم تفرغ الطاقة اللي عندها وفي الليل لا تدخلين وياها من وقت لأ جذيه الغلبة بتكون حقها اختاري الوقت المناسب ودخليها وبندي الليت وشغلي قرآن واذا السور القصيرة يكون افضل لأنش بتضربين عصفورين بحجر منها تهدأ وتنام ومنها تحفظ القرآن اني اتبع هالطريقة ويا بناتي والحين ولدي وياهم ما شاء الله عمره سنتين واشوف انه ابتدا يحفظ شوي شوي
اتمنى اكون افدتش وتحياتي لش
رايي من رايها
نيميها ساعة الظهر و قعديها على العاب و غيره
لانج اذا منعتينها من النوم بيكون مزاجها متعكر طول اليوم بتصيح و بتزن عليج
لكن شبعيها ساعة و قعديها على العاب لين يجي وقت النوم في الليل و نيميها
و حبيبتي اذا تبينها تواصل لج في النوم على طول
لازم لازم لازم تسوين لها نظام
يعني كل يوم تتبعين معاها نفس الطريقة
ترجع من الروضة تاكل تنام ساعة تقعد تلعب و ترد تنام مثلا 9 في الليل
لا تخلينها يوم تاكل و تنام ساعة و اليوم الثاني ساعتين او يوم تنام في الليل ساعة 9 و اليوم اللي وراه 11 !!
لا تغيرين لها النظام على الاقل لمدة شهر
و بجدي هي بتتعود و جسمها بيتعود على النظام الجديد
انا بنتي بتنام الساعة 1 و نص بالليل الله يهديهن