انهرده كان عشانا ساندويتشات صانداي طبعا من ايدي
المقادير
صدور فراخ مقطعة مكعبات
فلفل الوان مقطع مكعبات وطماطم مقطعة
بهارات ملح وفلفل وشطة وزعتر
بصلة
جبنة موتزاريلا
زيتون مخلي
عيش فينو اللي هو الكبير ده انا حبيته عشان احساس اننا بناكل اكل جاهز
خل
ربع كوب لبن او زبادي انا ماكنش عندي زبادي
عصير لمونة
بصلة مقطعة جوانح
الطريقة بقى
اول حاجة طبعا هنتبل الفراخ قبلها بكام ساعة هنحط الخل واللمون والبهارات واللبن والبصلة هنعملها في الكبة وناخد الميه بتاعتها ومش هنحط الفلفل ولا الزيتون طبعا في التتبيلة
ودي شكلها وهي متبلة
بعد كده نحط سمنة ع النار
بعد كده ننزل بنص كمية البصل الجوانح
وبعدين نحط الصدور
ونهدي النار ونغطي ونسيبها تستوي
بعد لما تدخل في السوا شوية يعني بعد ربع ساعة ننزل بباقي المكونات
الفلفل والطماطم وباقي البصل
ونوطي ونسيبها تكمل سوا
وهنا شكلها بعد ما خلاص استوت
بس معلش تصوير موبايل فالصورة مش واضحة اوي
بعد كده هنعمل الساندويتش بتاعنا بقى
هنحط المايونيز والكاتشب بس للاسف انا نسيت اصورهم مع المكونات ونسيت اصور الخطوة دي كمان لاني افتكرتهم في الاخر
وبعد كده هنحط الفراخ جوه الساندويتش
بعد كده هنحط شرايح الزيتون والجبنة الموتزاريلا
وهنلفه في ورق فويل
وهنا بعد ما خلصنا الكمية بتاعتنا
وهنكون مسخنين الفرن كويس اوي وبعد كده هندخل الساندويتشات ونخليها في الرف اللي فوق ونهدي النار وهتفضل جوه الفرن ربع ساعة بالظبط
وبعد كده نطلعها ونفكها من الفويل
وده شكلها بعد الموتزاريلا ما ساحت
وهنا شكل الساندويتش من الداخل
وده بقى كان عشانا انهرده
قدمته مع بطاطس محمرة وحاجة ساقعة
مستنية رايكو يا حلويييييييييييييييييين اللي دايما بترفع من معنوياتي
:032::032::032:
:032::032:
:032: