عروسات البحرين

ابتدي بالشغلات الحياديه لين ما تاكد لج الدكتوره افضل دام قالت لج واهي للحين مو متاكده بسبب ان البيبي صاك رجله...
بالنسبه لدكتوره فهميه فاغلب البنات يمدحونها انا شخصيا بعد اقولج انها زينه بس في حملي هذا قالت لي مافي جنين وان اجهاض وتحتاجيين تنظيف!!مع ان الحمل عادي بس كان صغير ولما رحت لدكتوره ثانيه شافته بالسونار الللي من تحت وتره مو بس فهميه اغلب الدكاتره لو تسألين كل وحده ناس بذمون وناس بمدحون كل وحده حسب تجربتها واللي صار معاها..
ولو تبيين رأيي فهميه خليها لسونار بس لان سونارها واضح ودقيق..
وحق المتابعه روحي لدكتوره شاطره وتكون في مستشفى افضل لج وقت الولاده تكون عارفه كل الحاله عندج دكتوره هدى الذوادي في العسكري وعندج دكتوره زينب الجفيري او أمل الحساني في السلمانيه ودكاتره الامريكي بعد زينين والله يسهل عليج وعلينا ويقومنا بالسلامه يارب

انا من رأي اختي روحها وليد ×_×

دكتورة فهيمه ماعليها كلام

وانا اقوول لو كانت مو متأكده ماقالت لج الجنس

وانتي عالشان الشك اخذي الوان محايدة

او روحي اي مستشفى خاص ثاني ويأكدون لج

دار الشفااء رخيص والكل يمدحه

ومبرووك الحمل

وربي يتمم لج

:)

أختى انه رحت مستشفى الامل وسيده قالو لو جنس البيبي وراوني روحي هناك يمكن اكدون لج

انا بصراحة مثلج خيو ما أكدت لي ولا ورتني شي كلش

انا سوت لي تبع المركز مو بعيادتها وحسيتها مستعجلة تبي تخلص بسرعه

ورحت لها اول ما حملت ببداية الاشهر في عيادتها نفس الشي سريعه ما اخذت معاي دقيقتين قالت لي كل شي تمام وقمت ... دفعت بيزات على خرطي

انا افكر اروح مكان ثاني أتأكد وانصحش بعد تروحين تتاكدين احسن بس مو عندها لان انا اخذت عنها موقف من التجربتين الي سبقت

وان شاء الله اتأكد والله يعطيني الي ببالي ويعطيش

لا تنسينا بدعائك

انا امس رحت للدكتوره فهيمه بصراحه وايد عجبتني راوتني كل شي في البيبي و قالت لي شنو جنسه

اني رحت مركز الاستقلال

للدكتورة منى الشرقي راوتني كل شي

وقالت ليي جنس البيبي

دكتورة فهيمة تعرف الجنس من شهرين ونص فقط

وبس
ما اقدر اقول كلام اكثر عنها

مشكورين خواتي على الرد .. وكل وحدة وتجربتها ..
بسألج خيو يالله الفرج .. يعني انتي في حملج القبلي قالت لج شي وانتي جبتي العكس والله شنو يعني ؟؟

يعطيكم العافية

يقين العلم

اني لحد الحين ما رحت ليهاا
يا زعم باروح باجر
بس اشوف البنات يمدحونهاا ويقولون انها ما تقول جنس البيبي الا اذا متاكده
والله اعلم
بس احسن خيو خدي ثياب محايده احسن
والله يسهل عليش

اختي يقين العلم هذا اول حمل لي وانا بالشهر السابع

رحت لها العيادة وانا لي 8 اسابيع عشان اطمن على البيبي وما ورتني الا كيس الحمل وسمعتني دقتين من قلبه حتى انه زوجي كان معي يقول انا ما سمعت شي ولا شفت شي كانت سريعه

وبعدين تبع المركز الحكومي مو بعيادتها صادف انه هي الي تسوي السونار ولما دخلت كانت طول الوقت ساكتة وانا ساكتة ما ورتني ولا شي ولا قالت شي سوى اني سألتها شنو جنس الجنين قالت لي وانا اطالع وجهها واحسها ما متاكدة وتبي تخلص بسرعه

كان عندي احساس انها غلطانه ومو متأكدة ولحد يومش وانا ما تأكدت للحين ابي اروح لدكتورة منى بس قلت خلها للثامن او يمكن حتى ما اروح نشوف الظروف

وحده من اهلنا كان لها موقف بعد كانت بأول حمل لها خارج الرحم ولما حملت للمرة الثانية راحت تتطمن على وضع البيبي وبمجرد ما طلعت منها نزل عليها دم بغزارة اتصلت فيها وقالت لها برجع ليش تشوفين قامت تتهرب وتقول لها لا تجيني لان انا ما بسوي ليش شي روحي الطوارئ .. اصرت قريبتي تروح لها بس هي صممت ان ما تجي وما راح تشوفها... يعني خافت وتهربت من المسؤولية ..

فمثل ما قالوا باقي الخوات هي للسونار والي يبون cd

وبعد هذا ما يضمن انها تكون صحيحة بجنس المولود لان هذا الشي بيد رب العالمين ..يما ناس قالوا لهم الجنس وطلع بالعكس وانا قريت عن وحده سوت اكثر من 4 مرات وحتى سوت رباعي ويقولون لها بنت وبعدين جابت ولد

يعني ما في شي يضمن غير رب العالمين

مسامحة طولت ويد مو ؟؟ ههههههههههه

انتي لما رحتي لها ورتش عضو البيبي ؟؟ يعني انتي متأكدة لو شاكة ؟؟

لما ع

مالج الا تصبرين جم اسبوع وتتاكدين في عيادة ثانية

فهيمه لمطوع شاطره في السونار فقط

يعني اذا تبين تعرفين جنس البيبي روحي لها