الله يخليكم ساعدوني .....ياأجمل عروسات

:035: السلام عليكم ورحمة الله وبركاته
:035:


أخواتي العزيزات أرجكوم أن تساعدوني برأي أو فكره أو أي شي سأدخل في الموضوع على

طول أنا تخرجت من الجامعه بعد جهد وعناء كبير لأني متزوجه ولدي أطفال صغار والأن نفسي

مرررررره أسوي حفلة تخرج الترم يلي راح أتخرجت وألى الأن ماقررت على يوم معين

لأنو صراحه أهلي بزعلوني لمن أجيب الموضوع الحفله وأيش أبغى أسوي فيقولولي

بلا حفله بلا كلام فاضي فأنقهر مررره وأتحطم صرت ساكته على الموضوع ماأتكلم فيه

مرره عشان ماأنقهر وفضلت ساكته ألى الان وفي قرارة نفسي نفسي أسوي حاجات

كتير حلوه في بالي سرت والله حتى لمن اجي أنام أفكر بالحفله وكل الحاجات يلي في

بالي أسويها المهم أهل زوجي والله سألوني متى الحفله متى حتسويها عشان نبغى نجبلك

هديه والله أنقهرت اهلي أمي وأخواتي يقولولي كلام فاضي وأهل زوجي متحمسين

قمت خلاص قلت أنشاءالله حأسويها يا الخميس هاده يلي حيجي أو يلي بعدو

بس عندي المشكله عقبات كتير كل ماأقول لزوجي على التوزيعات حقت الحفله

يقلي كلام فاضي وخرابيط ومالو داعي وقول أني أنا أحب أكبر الشي وهو أصلااا مو فاهم يعني

أيش توزيعات التخرج المهم بعد ماشرحتلو أش هيه بعد ساعه كامله يقول برضو خرابيط

ومو دافع فيه ولا ريال وأهلي يقول نفس الشي كلام فاضي والناس ترميها بصراحه

أنا مرررررره تعبت من زوجي واهلي حلقي وجعني حتى الزينه يقولولي كلام فاضي

يقولو مهو زواج ولمن قلتلهم على أنو أنزف برضوا يتريقوا أخواتي والله مرررره نفسيتي تعبت

كل الناس بتسوي كده مو بس أنا خلاص قلتلهم حأسويها غالباا الخميس الجاي يمديني

ولا لأ وهل يمديني في خلال أسبوع أشتري توزيعات الحفله وأضبطها وهل عندكم أفكار

تساعدوني فيها وهل يمديني أشتري الزينه والبالونات وأعلقها ويمديني أشتري فستان ليه

ألبسو في الحفله والمشكله الأكبر روب التخرج والقبعه من فين أجيبهم وكلو على راسي

أنا وحدي عشان كده حاسه بتوتر شديد أنا حأسوي الحفله في بيت اهلي والمشكله أني

تحت رحمة زوجي وكل ماأقلو على مشوار يقولي لأ طيب كيف يمديني أنجز مرره مقهوره

تعبت كتر ماأفكر في كل الأشيات وأنا أنسانه أبغى كل حاجه تطلع مرتبه وحلوه وأفكر في

كل التفاصيل ودقيقه جداا الله يخليكم ساعدوني بأي أفكار سهلة التنفيذ وحلوه

وهل يمدي الوقت والتفاسير كيف أسويها سامحوني على الأطاله :043: