مو قادرة أمسك دموعي

الله يصبرك يا اختي بس عادي كل طفل في هالفتره بصيح وبيسكت بعدين اهم شي انتي تكوني قويه وماتضعفي وتعطيها

بالليل عطيها عصير او حليب بالفواكه وان شاء الله تتعود وكلها كم يوم وتنسى ...

حبيبتي لازم تقوين قلبك عشان تنجحين

ترى كلها 3 ايام و تنسى

لازم تشبعينها عدل اليوم باليل عشان ما تطلب

أم الغلا
أم عمار
تسلموا حبوبات أني مستحيل أضعف بس البداية صايرة صعبة علي الحمد لله من المغرب تزن شوي وتسكت عادي
وباليل أبوها اجازة بيكون معاي وما بيقصر
و رحم الله والديكم على الرد

مرحلة الفطااام صعبة جداااا
بس كلها جم يوم وتنسى خلاص
بس كان المفروض تفطمينها بالتدريج يعني النهار تنفطم والليل ترضع رضعتين وعقب اسبوعين او 3 لين تنسى بالنهاار خلاص تبتدين تفطيمنها الليل
لانة صعب وااجد الفطاام مرة وحدة اني هذي كاانت طريقتي وية ولدي
وان شاء الله كل شي بيمرر على خيرر بس انتي قوي قلبش

هلا وغلا بك

شوفي حبيبتي

هالشغله سوتها اختي مع بنتها والحمدالله نجحت

قلت لاختي نقعي مره مع ماااء

وامسحي على حلمة صدرك بالمر

واذا طلبت لاتمانعي

عطيها بسرعه راح تشمأز منه

الفتره اللي فطمت اختي بنتها كانت عندنا اسبوع

وكانت بنت اختي وقت النوم الا تبيه وصياح وحالتها حاله

وكانت اختي تعصب عليها

وكنت اخذها من اختي وانومها بحضني

والله ليله من الليالي بنت اختي مدت يدها ع صدري كان تدور شئ

قلت لها عيب خاله لاتبينه ويع

ومن تجلس تفطرها

واحيان ماتاكل شئ

شوي شوي كرهت صدر اختي وخلاص ماعاد تطلبه كلش

لانه من تطلبه تمسح اختي حلمها بمره

وراح تحسين بسخونه بجسمك بعد الفطام لما يقرب ينشف الحليب من صدرك كلها 3 ايام وينشف بحيل الله
وراح ماتقدرين حتى تلمسين صدر من الالم


وقت النوم اكليها اي شئ تحبه

من العشاء اكرميها عدل

جربيها وادعيلي بالزوج الصالح

صح كلام بنت الاجواد بالليل تخلي عند راسها مويه ولما تبكي تعطيها وتحاول تعشيها وتشربها حليب اللي بالشفاطه علشان تشبع وماتترك الحليب
الله يساعدك اختي

اصعب مرحلة على الطفل هالمرحلة انا بنتي كملت السنتين وفطمتها وهي تصيح وانا وياها خخخخخ

بس كلها يومين ثلاثة وبتنتهين

في شي في مرحله الفطام يتعلق بالاكتئاب
واني عشت مرحله اكتئاب الفطام :(
بس عدت ولله الحمد

ياعمرررررررررررررري حاسه فيك
ذكرتيني بنفسي لما فطمت بنتي انا وياها صيااااااااااح

الله يقويك تذكري ان اللي تسوينه لمصلحتها

بالتوفيق

الله يساعدك ويساعدها وكلها يومين وتنساه ان شاء الله

اهم شيء تهتمي في تغديتها

الله يعينج اختي الفطام صعب بس يلا انتي قدها وقدود ان شاء الله اهمشي تصبرين روحج وماتضعفين او تنسين وتعطينها صدرج بالغلط ههه

اني جربت بس 4 ايام ومت من الصخونة كنت امسافرة عند النبي(ص) وما حملت معاي شفاطة يا الله صدري اتحجر عدل ومن اللمسه يألم مووت!! وجاتني صخونة تعبت حسيت ان الفطام يتعب مع اني 4 ايام وبس!!>> سوري خيوو طولت السموحة:)

باقي على ولدي 6 شهور تقريبا حتى يوصل الوقت اللي مخططة افطمه فيه
ومن الحين لما افكر بالفطام يجيني اكتئاب!

الله المعين

الله يساعدج و يساعدها
مرحلة و بتعدي على خير ان شاء الله

***
حاولي تشبعينها عدل في الليل عشان ما تقعد لج
و اهم شي اهم شي انج ما تضعفين قدامها و تعطيها صدرج حتى لو مرة


***
و الله يسر لج و لها يا رب

الله يعينش خيتو

من جد مرحلة صعبة على الام والطفل،الله يعديها على خيييير

الله يصبرك على صياحها

يسلموا حبيباتي على الردود...ماقصرتوا
الصراحة فكرت أفطمها تدريجي بي هونت لأني بحس إني بتعب حالي مو اسبوع شهر
فقلت خلها مرة وحدة وعلى الله
وما حاولت اعط مرة على صدري لأني ما أريدها تجي بتشرب وتتفاجأ بطعم مر لأنو من ردة فعلها أني عالطول تنزل دموعي
و بوقت النوم البارحة جلست ألعب معاها تقريبا ساعة وهي تسألني (الدا حاحو؟) اقولها لها إي وتضربه دحا....ولما نعست بدء الصياح وما قبلت تجي تنام عندي و أني أصيح معاها
بس عالصامت..تقريبا ربع ساعة أخدها جنبي ونامت بعد قلبي
وجلست وقت رضعتها وأخدها أبوها ونامت عنده....طبعا هي ماتطلبه
و الحين أحط على صدري أوراق الملفوف تجفف الحليب..مين جربته؟
و صدري متحجر مرررة لكن ما ينقط أبداً....تتوقعوا من الملفوف

وعذرا طولت عليكم بس كلكم تعرفوا حالتي أبي أفضفض..وسلامتكم