تجمع حوامل مصر لشهر جماد الاول

اوك يا سالي
هابي دريمز ليكي ولحمودي

انا بيظهرلي الكلام عادي بس شايفه اسمي اتصلح تحت اهو

مش عارفة ليه حاسة انى مخنوقة

هيييييه انا هوبي تاني اهووووو

lifedrop;11861971:
مش عارفة ليه حاسة انى مخنوقة

ليه ياحبيبتى مالك انتى كمان ؟؟

ام حمودى وهوبى ربنا يخليكم
تقريبا المنتدى خرف شويه النهارده مش عارفه ليه اسامى ناس كتير بايظه

crazy ananas;11861388:
رعشه انتى وديتى ابنك فين

معلش يعنى لو بتتاخل اصل انا درسه تخاطب وكدا فقولت يمكن افيدك بحاجه

ازيك انوس

ابدا لا تدخل ولا حاجه

بالعكس انا بكتب عشان الكل يستفيد وانا كمان استفيد برائيكم

انا وديته المركز القومى للبحوث

عشان تاخير الكلام
وهناك عملوله تقييم واختبارات

وفعلا انتى ممكن تفيدينا كتير

بصي حسن عنده سنتين والكلمات اللى بيقولها اقل من المفروض لسنه

فعايزة اساعده واشجعه انه يتكلم ويقول اكتر

ندى مالك ياقمر ؟؟؟

ايمان لسه نتيجة التحاليل بكره ان شاء الله

hoobie;11861582:
انا جييييت

سالي انا شايفاكي تحت عامله ايه وحمودي عامل ايه النهارده يارب تكون الحراره راحت

اناناسه سلامة انوسه الصغننه مش فاهمه حكايه الحبوب الحمرا دي

رعشه الحمدلله انك اطمنتي على سونسون بس قوليلي هي دي اختبارات ايه وبتتعمل عن دكتور ايه؟؟ وعملتيها فين اصلها عجباني اوي وناويه ابقى اعملها لمحمد ان شاء الله

دى مجموعه اختبارات تحديد لمستوي الطفل العصبي والعقلي والسلوكي واللغوي

وعملتها فى المركز القومي للبحوث

هي فعلا حلوة جدا وبتطمنك على مستوي ابنك

انا عجبتني جدا

بصي بتوضحلك انتى كمان المجهود اللى انتى بتبذليه مع ابنك

لما تحسي انك علمتيه مهارات كتير

يعنى الاسئله اللى كانت بتسالها لي الدكتورة لفتت انتباهى لحاجات كتير المفروض نركز عليها فى التربيه ومهارات كتير المفروض يكون الطفل بيتقنها حتى فى السن الصغير دة

انا جيييييييييييييييييت

ربنا يطمنك على حمادة يا هبه ان شاء الله
ومبروك رجوع اسمك بالسلامة ههههههههههههههههههههه

ندى مالك ياقمر مخنوقة من ايه

*Om Mo3az*;11861808:
ليه بس يا شوشو
امال انا بقى اقول اييييييييييييييه
بقى لي اكتر من 10 ايام ماشفتش شكل الشارع ايه وزهقت جدا بجد من البيت



طب الحمدلله انه كله تمام يا شيماء

بس عاوزة اعرف بطاقات الفواكه والالوان دي عبارة عن ايه بالظبط
وطبعا معروف جدا ان التي في والكرتون غلط جدا ع الاطفال لان الطفل بيتعود انه يسمع ومايتكلمش انا لما بفتح لمعاذ كرتون بقعد اتكلم معاه فعلا وهو دلوقتي لما يتفرج عليه مابيقعدش ساكت لو فيه حاجة عارف اسمها قطة مثلا او ميه او دبدوب يقعد يقول ويليها الكلام الهيروغليفي ده طبعا

انا عمالة اضحم اوي ان حسن طنش الدكتور ومارضيش يرد عليه
هههههههههههههههههههههه
عسل والله الواد ده هموت واشوفه هههههههههههههههه



ا

دة انا ايمان نفسي اقعد شهر ماشوفش الشارع

والله الجو حر وتعب جدا ومع حسن كمان بهدله على الاخر وطبعا بشيله كتير وبحس البيبي هينط من بطنى من اللى بيحصل فيه



البطاقات دى عبارة عن كارت عليه صورة للحصان اوكارت عليه بطه او قطار

وفواكه والخضروات والاشياء وكدة

بتعرض بقى عليه مجموعه من تلات كروت

وتساله فين القطر وهو يشاور عليه فين العربيه فين الاتوبيس

وبعدين تلخبطهم وترجع تسال وهكذا باقي الاشياء فاكهه وخضار

وبرضو حسن قدام التلفزيون كدة

لما يكون كارتون وبيلعبو بالكورة يروح يجيب الكره بتاعته

او عربيه او اى حاجه من الحاجات اللى عنده يروح يجيبها ويشاور عليها

وانا اصلا فتكلم معاه كتييييييييييييييير جداااااااااااااااا

اصلا دة انا بستخدم التلفزيون كوسيله عشان ازود الحصيله اللغويه عنده

لانه معظم وقتنا فى البيت ولو خرجنا بتبقي مثلا زيارات عائليه فبعوض دة بالتلفزيون


واسكتى دة فرسنى لما الدكتور بيندهله ودة بقي قاله انده للصبح شوف مين يعبرك

الغزاله اشتغلت والمزاج علي وقعد يلعب فى اصيص النباتات اللى كان جنبه


طبعا التانى قال فحص للسمع

وانا اقله بيسمع والله بيسمع انا متاكدة وقاعده اثبتله

يرجع يندهله والتانى مع نفسه

راح حوله بقي لختبار مستوى اللغه والسمع

طيب يا شوشو وده كلفك كام ؟؟؟

ما شاء الله معظم الامهات هنا

طب شيماء هو ماعرفش يعني لما سالته فين القطر وكده بعد كذا مرة عرف لما بتساله ولا لا

على فكرة انا جايبة لمعاذ الكروت دي بتاعة الحيوانات وافضل يوم كامل مثلا كل شوية اقول له عليها بس الحمدلله حفظهم بسرعة جدا يعني بطلع مثلا اربعة من الكروت دي وافضل احفظ فيه بقى وبعد كده اساله وهو يقول لي اقول له فين الاسد يطلعه فين الجمل يطلعه كده يعني
بس طبعا مش بينطق الكلمات خالص بس بيحفظ بسرعة الحمدلله

مش ده اللي حصل مع حسن برضو بس هو في الاخر عرف يقول ويشاور مش كده

hoobie;11862269:
طيب يا شوشو وده كلفك كام ؟؟؟

كلفنى 160 جنيه

طبعا السعر دة خاص بالمركز

برة الحاجات دى اكتر من كدة بكتير

بس انا بصراحه بثق بالمركز القومي للبحوث

لانه مش مكان خاص هيستغلنى وعشان اي نتيجه هتكون بعيد عن الماديات

لا هايجاملونى ولا هيتوهونى عشان ياخدو اكتر


بس طبعا السعر دة غير بقي الادوية اللى كتبها الدكتور

كتبله مجموعه فايتامينات بس عاليه

نوعين

نوع مستورد ب 165 جنيه

ونوع ب 18 جنيه عبارة عن غذاء ملكات نحل ومكمل غذائي

والنوع الاول لسه ماجبتوش

لانه بيجي بالطلب للصيدليه عشان مستورد ومش كتير بياخدوه فلسه هيبعتهولى بكرا ان شاء الله

*Om Mo3az*;11862298:
طب شيماء هو ماعرفش يعني لما سالته فين القطر وكده بعد كذا مرة عرف لما بتساله ولا لا

على فكرة انا جايبة لمعاذ الكروت دي بتاعة الحيوانات وافضل يوم كامل مثلا كل شوية اقول له عليها بس الحمدلله حفظهم بسرعة جدا يعني بطلع مثلا اربعة من الكروت دي وافضل احفظ فيه بقى وبعد كده اساله وهو يقول لي اقول له فين الاسد يطلعه فين الجمل يطلعه كده يعني
بس طبعا مش بينطق الكلمات خالص بس بيحفظ بسرعة الحمدلله

مش ده اللي حصل مع حسن برضو بس هو في الاخر عرف يقول ويشاور مش كده

انا برضو جايبه لحسن الكتب المصورة

زى حيوانات المزرعه وواحد حيوانات الغابه وواحدللخضروات وواحد الفاكهه

من زمان جايبه هاله وهى دى اللى خليته يعرف يميز بين كل حيوان والتانى

وجيباله الحيوانات المجسمه بحجم كبير مش الصغيره اللى مش باينه دى

فهو حفظهم اصلا

وكمان انا طول مانا ماشيه بحسن فى الشارع او فى اي مكان بقعد اقوله اسماء اي حاجه تقابلنا واقعد اكرر فيها

وبرضو قدام التلفزيون اقعد اقول اسماء الحاجات


وماشاء الله فى حاجات عرفها وطبعا فى اتلخبط شويه فكانت بتعيد تانى عليه الصور وتلخبطها وترجع تعرضها تانى عليه


وحسن زي معاذ بالظبط عارف الاسماء بس بدون كلاااااام

رافعين رايه التزمو الصمت

واللغه طبعا صيني

والله تحسي انه بيتكلم لغه فعلا لها اصل ومقتنع جدااا باللى بيقوله

ههههههههههههههههههههههههههه

انا بشبهها باللغه الصيني او اليابانى

يظهر من كتر الصيني اللى حولينا العيال بهت عليهم

ولا يكونو بعتينلهم اللغه مع اللعب اللى بيلعبو بيها دى كلها

هو انا اجى انتو تختفو

اختفي ارجع الاقيكم جاريين فى الصفحات

هههههههههههههههههه
انا بعمل كده برضو ومعاذ اصلا اللي كل ما يشوف حصان او اي حاجة في الشارع يقعد يقول لي ايه ده ويبقى مبسوط اوي ويلف راسه ويقعد يتفرج عليه ههههههههههههههه

بس الحيوانات المجسمة دي انا كنت هجيبها لمعاذ من فترة برضو بس لقيتها مكتوب عليها مش اقل من تلات سنين بيبقى فيها مواد وحاجات لو الطفل حطها في بؤه لاقدر الله مش عارفة بيحصل ايه
انما من بعد تلات سنين الطفل بيبقى فاهم
مش عارفة ايه العبرة يعني انهم يكتبو مش اقل من تلات سنين
بصراحة خفت اجيبها قلت مش دلوقتي

طب وحسن ايه نظامه في المكعبات في يا شيماء
معاذ بقى له فترة مش طويلة بدا يركبها على بعض وعرف يلعب بيها اخيرا
الاول ماكنش بيعرف خالص يتحكم ويظبطهم على بعض