السمك والزبادي للأطفال

انا الدكتورة قالت لي من السن الشهر الثامن السمك لانه اللحم والدجاج من السن السابع
والزبادي في الشهر التاسع

ن معظم الدكاترة يقولون من الثامن عادي سمك

لا تعطينه من الحين سمك مو زين له ولا زبادي

ابتدي وياه الحين بالدجاج واللحم قطعة صغيرة مع الخضار والأرز

والسمك انتظري لما يكمل الشهر الثامن انا عطيتهم من السابع تقريبا

وفعلا في دكاترة يقولون عادي عطو الطفل السمك من البداية وفيه دكاترة ينصحون بتأخير السمك

ولازم تختارين له سمكة متوسطة يعني مو صغيرة ولا كبيرة ولا تكون زفرة وايد يعني الصافي مثلا زين

والسمك تراه مفيد وااايد للأطفال

أما الروب مدام هو يشرب حليب يتروالي نوعي له بالأكل احسن اني اعطي عيالي روب بعد السنة ومو وايد اعطيهم روب

وتعطينه سيريلاك ؟ بعد زين .. ومفيد وقت الفطور نوعي له مرة بسكوت ومرة سيريلاك

والله يخلي ولدش ويحفظه ...

اذا تبين تعطين ولدش اي شي جديد .. عطيه اول يوم وانتظري 4 ايام .. خلالها لا تعطينه اي شي مو متعود عليه .. وجوفي اذا كان طبيعي .. ما شكى من مغص او صار له حساسية عطيه خلاص عادي :)

اني بنتي توها داشه 7 اشهر .. عطيتها سمك بس قليل و روب بعد .. بس ماحبته . ماترضى تاكله ابد !!

انا ابتديت اعطي اولادي من الثامن سمك

و زبادي من العاشر

لا تعطينه الحين و حاولي تركزين على الخضار و الفواكه

بالتوفيق