تجمع حوامل وامهات ( قطر ) لشهر جمادى الاولى لعام 1431 هـ ؛ 2010

أ

أم الغاليين الثلاث

عروس فضية

13-04-2010 | 08:43 PM

السلام عليكم ورحمة الله وبركاته

الله يهووون على كل حاااامل ويرزق كل محروووووووم ياااااااااااااااااااااااااااااااارب

حياااااااكم في بيتنا ياااحلى الحلوااااااات والله لايفرقنا يااارب ولايدخل بينا حاااسد وحاااقد

واتفضلوا

حياااكم يااحلى كرووشات وامهااات في تجمعنا لشهر جمادى الاولى لعااام 1431 هـ

[COLOR=purple]جدول اسابيع الحمل

ملف تجهيز الحوامل على ملف Microsoft Word

تحميله سهل وشغال 100%

http://www.4shared.com/file/96211892/d4aec867/___.html

محلاااات تجهيييز الولاده

لستة احتياااجاات المواليييد

الولد

البنت

لستة الجمعية والصيدلية

احتياجات الأم

شامبو / صابون جسم / كوتكس / كيرفري / ديودرنت / صابون وجه /
سكراب /

كريم مرطب للوجه / قطن مدور / فرشاة / معجون / ليفة / مرهم ميبو للخياطة .

احتياجات البيبي

حليب / بامبرز / مناديل معطرة / قطن / شامبو / صابون سائل / كريم لمنطقة

الحفاظة / زيت للجسم / عود اذن / ايدين للسر أو بودرة تطهير للسر

و للختان اذا ولد /

فرشاة حق المراضيع / فرشاة لغسيل الدلة / اسفنجة سبوح

للبيبي / حلمات مرضاعة /

صابون غسيل الملابس للبيبي / مصاصة / فازلين / بودرة / سخانة

ماي / دلة صغيرة /

ميلوبا للغازات / سكر نبات / مشخالة صغيرة للمريس / بوكس العناية

من مذركير فيه

المقص و المقراظ ... الخ / لزقة جروح / ماسحات طبية /

شاش طبي / مقياس حرارة

من براون للأذن / قطرة للأنف / شفاط للأنف / معقم مراضيع /

شفاطة حليب /

الأدول االي بالقطارة/ زيت زيتون طبي / نقط للمغص Disflatyl

الله يجمعنا دوووم على طاااعته ان شاء الله

وانتظروا الجدوول من عرووس فور ايفر F: :083:

[/COLOR]

ل

لولوة قطرية

عروس نشيطة

15-04-2010 | 12:05 PM

مبرووووووووووووووك علينا التجمع الجديد

والله يجمعنا دووووم على كل خير وطاعة

شدعوه انا اول وحده ارد .. وينكم ؟!!!

ز

زينة قطر

عروس فضية

15-04-2010 | 12:09 PM

مبروك الجزء اليديد

ليش هدوووووووووووووووء وينكم ؟؟

ف

فـراشـة قـطـر

عروس مبدعة

15-04-2010 | 12:13 PM

مبرووووووووووك علينا التجمع الجديد جني فتحت تجمع بس شكلهم حذفووه زين سووه لان مافي غير كلمة حيااكم خخخخخ

ل

لولوة قطرية

عروس نشيطة

15-04-2010 | 12:19 PM

زيون

مختفيين الجماعه

::

فراشة

المشرفة هي اللي تقدر تفتح تجمع بس ..

ي

يــ غ ــار الـحـلــى QTR

عروس فضية

15-04-2010 | 12:55 PM

صبـاح الخيـر

مبـرووووك علينـا التجمع الجـديد والله يهـون على كروشات التاسع و على الكروشـات الجداد

والله يرزق كـل من يتمنى

بسـووومـه

آآآه نفس ماساتي امس كنت في عياده الشرطه لتهووووني حسبي الله عليهم

وماتشووف شر لوووولا فديتها

ام نـوونـا

ياقوووو قلبج على النطره وياصبرج :041:

يـلا يا ماما شتنطرين ’’’ حللي والكـل بيـأزرج لا تخافين

لـولـو ام نونـا

ها شخبـارج ان شاء الله احسن اليوم

وكم صارلج بالضبط ؟!!

د

دوحانية

مشرفة سابقة

15-04-2010 | 01:36 PM

مبرووك عليكم التجمع الجدييييد و الله يهون ع الكروشااات ..

وين البنات لا يكون كالعادة يكتشفون متأخر إن في جزء جديد .. :)

ب

بسوومة قطر

عروس برونزية

15-04-2010 | 01:54 PM

مساكم الله بالخير

ام الغاليين

ميغسي على المقدمة الحلوه
ابي صنية الفطاير يوعاااااانه :(

<< خذت اجازة عرضيه وقعدت عند بنتي بلا مذلة المستشفيات بلا نيله

امونتي + دوحانية + لولوة الدوحه + يغار

الشر مايجيكم فديتكم

كروشات وامهات

نصيحه من القلب
لاتسهلون المرضاعه للياهل ترا عقب بيعاف الرضاعه الطبيعيه
انا جاتني عين وماترقعت من ليلتها وبنتي عافت صدري
والله اني ماعرفت قيمة الرضاعه الطبيعية الا الحين
تعطي مناعه وعافيه للياهل
خلو الرضاعه الصناعية بالكثير مرتين في اليوم
لاتقولون تعب صدقوني هاي كله في مصلحة عيالكم
والله اكتب هالكلام وقلبي معورني على بنتي ماتصحى كلش
مب بيدي بس لازم انصحكم خلو الرضاعه الطبيعيه هي الاساسيه في تغذية اليهال

واسمحولي على الاطالة

ل

لولوة الدوحه

عروس رائعة

15-04-2010 | 02:00 PM

مرحباااا
اشحالكم يالحلوات

تسلمين ام الحلويين عالافتتتاحيه

مدري لبيش كنت بكتب احلى مامي <<فديتها الله يردها لنا ان شالله

انا دخلت الصبح شفت مافي جزء جديد كتبت رد

وهذا الكوبي منه

صباح النشاط

شخباركم

ام نعوم
يالله ننطر النتيجه
انا بعد صرت خوافه واااايد
اخاف من الولاده <<من قبل لا اتزوج اصلا فيني خوف
الله المستعان

بس بس
ماتشوف شر الحلوة
وقهر ..اموت قهر لما يكون ردهم جذي
يعني البنت مريضة من اللي يسهر عليها
مب انتي يالام ..
شنو يعني انتي مب مريضة مانعطيج اجازة
لازم الوحده تستموت عشان تحصل اجازة

ام حمني ودحدوحه
امبييييييييييييييييه وشهالمدرسه اللي ينهبون اشكره ..
اذكر في مدرسة كامبريدج بس ماعرف عنها زينه والا لاء ..
وسمعت عن مدارس الحماد صوب اللولو في المطار بس عقب اعتقد قالوا لي مافيها شرعيه او اي شي ديني وحتى عربي
وانا مابي الغي هالمادتين ..
يقولون لي ولا مدرسه الحين فيها هالمواد..قهر
بعد شفت مثل الحضانه في منطقة الدفنه اللي صوب الريتز ..نسيت اسمها ولهم ويب سايت بعد
دخلتها وشفتها ويمسكون حتى بيبيات بعمر ال6 شهور اعتقد

ام الحلويين
هالمدرسة يعني هي ملك لابراهيم الخليفي <<هو نفسه الدكتور
وعندهم العربي والشرعيه والا بعد ملغيين ؟؟
بس بعيييييييييييييييييييد
وين انا وين معيذر
الله يعين ان شالله

يالله نشوفكم بعدين

©

©..um-7mny..©

عروس مبدعة

15-04-2010 | 02:09 PM

مبروك الجزء الجديييد

ام الغااليين

حررااام عليييج جوعتيني بهالصور <-- قاطعه العيووش ومخففه من الخبز والفطاير<-- مقدرن اقطعهم
وعن الحياااه فيها 2 من اهلنا بس احس شيربوون احسسسن مدري بنشووف..@@

لولو

ترى باكاديمية قطر يدرسونهم عربي وشرعيه من مناهج الحكوومه ..
وشيربووم اقرا امس بالويب ساايت مالهم انهم يدرسون هالمادتين من منهج المجلس الاعلى
ولوو تبين الصرااحه حتى المدارس المستقله ماقامت تهتمم اهي شي الانجليزي وبس <--- مالت عليييهم

فرااشه

انا بحملي الثاني سوويت مثلج بس عقب رضيت بامر الوااقع
والحمدالله .,. جبت بنوتي فديتها

بس بس

فديتها لولي حاوولي فيها اذا ماجف حلييبج

يمكن تتقبله مره ثانيييه
وصدقتي عن الرضااعه الطبيعيه وان شااءالله ارضع بنتي سنه كامله ووماتيكسل مثل حمني

ل

لولوة الدوحه

عروس رائعة

15-04-2010 | 02:13 PM

بسومه
اسم الله عليج ليش تقولين جذي ؟؟
في الاربعين الشوش عافت صدر واحد
وانتفخ وحبب عالحلمه وحتى لما احط حلمة المرضاعه على هالصدر يذبحني وقلبو تستغرب تقول ليش جذي تفزين وتصرخين ؟؟
عقب انا بنفسي دهنت صدري بزيت زيتون وفقست الحبه عقب كم يوم
وما ارضى اي حد يدخل <<بالذات الخدم
وانا ارضع مع اني كنت اتغطى ..
بس هونت
(على قولة ماماتي وايد مايرضعون الحين يخافون صدرهم يخترب وصج وحده من هلي ربت عقبي على طول بشهر وماترضى ترضع بنوتتها )
@@ مايدرون الصدر يخترب اصلا من الحمل مو من الرضاعه لان الحمل ينفخ ويكبر الصدر ويهيأالصدر للرضاعه ..

والحمدالله مع المعوذات واية الكرسي رجعت له بس خذت وقت
وصح كلامج اعرف وحده بجرها ابد ولا رضعته طبيعي ودومه مريض وسبحان الله حملت وهو له 3 شهور والبنوته رضعتها طبيعي
تقول مناعة البنت اقوى من البجر الولد ذاك اقل شي يمرض اما هي لاااء عكسه بالضبط ..

لما مرضت الشوش وحتى في تطعيم السنة ونص نسيت اخذ اجازة من الدكتور كنت اخذها عارضه وخلاص

د

دوحانية

مشرفة سابقة

15-04-2010 | 02:18 PM

بسومة :
صح لساااانج ..
بس ترى مب كل وحدة تقدر ترضع .. و أنتي عاد دورج ترفعين مناعة الياهل و تحافظين عليه من الأشيا اللي تمرضه .. و الله يعين اليهال و الأمهات ..

لولو :
اي والله نهبة بس عاد مايندرى عن مستواها ..
و مدرسة الحياة اي حق دكتور ابراهيم الخليفي وااايد واااايد يمدحونها و يمدحون مستواها و نظامها ..

c

camellia

مشرفة سابقة

15-04-2010 | 02:24 PM

مبروك عليكم التجمع

ام الغاليين
شهيتيني ابي الكافي

بسومه
ما تشوف شر الحلوة\بس الرضاعه الطبيعيه صعبه :(

++++++++++++++++++++++++++

بنات امس زارتني رفيجتي
وجابتلي هديه حلوووة فديتها
بوكس كبير وفيه طقم كامل
مهاد+سليب باق+قميص نفاس +روب
كله بالتور والدانتيل روووووعه روووووعه
وصج صج هديه مميزة الصراحه

بعضكم يحتار في الهديه فقلت اعطيكم فكرتها

ب

بسوومة قطر

عروس برونزية

15-04-2010 | 02:32 PM

لولوة ام الشوش

انا في الاربعين كان اعتمادها على صدري 100%
بس عقب الاربعين والدوام اضطريت ادخل لها المرضاعه بس شاقولج
وحده الله يهديها حطت البال على الرضاعه وبس والله من ليلتها من ابي ارضع بنتي تصرخ ماتبي صدري
والحمدلله على كل حال

دوحانية

صح بدنج
والله يعينا على تربيتهم والمحافظه على صحتهم

كامي

صج الرضاعه متعبه وخصوصا للي والده طبيعي حاسه فيج ><"
ماتقدرين تقعدين والرضاعه يبيلها قعده
بس ترا عافيه للياهل سبحان الله كل شي طبيعي مفيد في كل شي

والهديه تبين رااااقيه
ماعرفتي من وين او من مسويها؟؟

د

دوحانية

مشرفة سابقة

15-04-2010 | 02:34 PM

camellia;11821017:

بنات امس زارتني رفيجتي
وجابتلي هديه حلوووة فديتها
بوكس كبير وفيه طقم كامل
مهاد+سليب باق+قميص نفاس +روب
كله بالتور والدانتيل روووووعه روووووعه
وصج صج هديه مميزة الصراحه

بعضكم يحتار في الهديه فقلت اعطيكم فكرتها

ناااايس ما شاء الله
عليييج بالعافية :)

ل

لولوة قطرية

عروس نشيطة

15-04-2010 | 02:36 PM

أم جولي

والله اللوعه لاعبه لعبتها .. بس ماقدر اسوي شي :(

حتى ما داومت اليوم ..

والله مدري كم لي بالضبط .. بس اتوقع اني في الاسبوع السادس

::

بسومه

ماعليها شر لولي

وترى طبيعي الياهل يمرض وايد اول سنه من حياته

انا كنت ارضع بنتي .. وبعد كانت كله مريضه

لما سالت الدكتور / مأمون .. قال لي لان الاتفلونزا واااااايد انواع والياهل بتعرض لها كلها في اول سنه عشان يكون مناعه .. وعقب ما تصيده مره ثانيه

وفعلا عقب ماكملت السنه واااايد خفت امراضها الحمدلله

©

©..um-7mny..©

عروس مبدعة

15-04-2010 | 02:37 PM

كامي

ع طار الهدايا انا اغلب اللي جاني فلووس وهدايا عاااديه .,.

بس بنات عمي جابوو هديتين حلوه

وحده جابت سرير سفر من مذركير جابته مفتووح شكله مثل الحبااسه ومعلقه داخله بدل لبنتي وسلة شكوولاته فخمه واطقم

والثانيه جابت بوكس كبيير كله ملابس تجنن الملابس مطقمتهم مع اكسسوارتهم وشووزات وطقم ذهب من سممووو والبووكس فيه بالونات والتغليف روعه من كريزي بارتي <-- حبيت بعد افيدكم <-- كلش ماتقلد

د

دوحانية

مشرفة سابقة

15-04-2010 | 02:39 PM

بسوومة قطر;11821064:
لولوة ام الشوش

انا في الاربعين كان اعتمادها على صدري 100%
بس عقب الاربعين والدوام اضطريت ادخل لها المرضاعه بس شاقولج
وحده الله يهديها حطت البال على الرضاعه وبس والله من ليلتها من ابي ارضع بنتي تصرخ ماتبي صدري
والحمدلله على كل حال

دوحانية

صح بدنج
والله يعينا على تربيتهم والمحافظه على صحتهم

كامي

صج الرضاعه متعبه وخصوصا للي والده طبيعي حاسه فيج ><"
ماتقدرين تقعدين والرضاعه يبيلها قعده
بس ترا عافيه للياهل سبحان الله كل شي طبيعي مفيد في كل شي

والهديه تبين رااااقيه
ماعرفتي من وين او من مسويها؟؟

نفس اللي صار مع بنتج حيااتي صار مع نحووولي .. استضقت والله ..
بس إن شاء الله من تكمل السنة بتصير أحسن .. :)
و الرضاعة الطبيعية على اللي والدة طبيعي متعبة !!! عيل اللي قيصري شتسوي :01::01: افففففف معاناة .. يالله الحمدلله على كل حااال

©

©..um-7mny..©

عروس مبدعة

15-04-2010 | 02:39 PM

بسوم

جبيتها ع الجرح الرضاعه مع الخياااطه اااه عذاااب

*

*^*نواري*^*

عروس مشاركة

15-04-2010 | 02:40 PM

مساااء الخيييير كروووشات وماااميز

شخباااركم؟؟

مبرووووك عليكم التجمع الجديد وعساه فال خير علينا كلنا يااارب

بسووومه
والله صاااجه الرضاااعه الطبيعيه وااااايد تعطي الياهل مناعه انا بعد جي كنت في الاربعين ما رضى حد يشووفني وانا ارضع وبالصدفه شافتني خدامتي ومن عقبها عاااف صدري ولدي وحاوولت واايد وكنت اقرى المعوذات واية الكرسي وماافي فاايده لين تركه بروووحه والحين كلللش ماعنده مناعه وامي وام ريلي يهاوشووني انتو ماتحبوون اترضعون والله نفستي اتعبت كنت اصيح من كلامهم اقوولها شسووي مااايبي ذبحني يمووت من الصيااح كان لين احطه على صدري لين انترس صدري وصخنت وعقب شفطته وبس بعدها قاام يخف

اممممم صار لي يومين غايبه عن الدوام واايد تعبانه من الصداع ومن اخذ البنادول اتجيني لوووعه ودووخه ودقاات قلبي سريعه واليوم رحت المركز ابي اجازه بالغصب عطتني اتقول عادي مافيج الا صدااع اقوولها بموووت انا مب اي صداع يجييني ماقدر ارفع راسي ولين جيت اصلي اصيح من الالم ماقدر احط راسي عالارض واسجد استغفر الله في نااس ما يحسووون وعطتني تحوويل حق مستشفى حمد عند دكتوور اعصااب والله احس نفسي وايد مقصره في ولدي كله تعباانه وويهي وااايد صاير اصفر :(