إستفسار مهم

بنات أخوي كلهم خريجات روضة الجنان
ما شاءالله عليهم يروحون المدرسة جاهزين ما تتعبين وياهم لأن يعطونهم مقررات صف الأول و مدرسات كفاءة
حتى لو تغيب وحدة المدرسة بنفسها تتصل و تسأل

الله يوفقش

زين خويتي بالنسبة لروضة البيادر عندج فكره عنها
لأن للأسف روضة الجنان كمل التسجيل حقهم

لا ما عندي فكرة عن البيادر

حاولي وية الجنان قولي لهم موصيني أجي عندكم و بس جاهلة وحدة يمكن يقبلون لأن ما تتفوت الروضة

روضة الجنان لا يعلى عليها ... نظامهم ممتاز وسمعتهم أكثر من ممتازة ... من زيارات شخصية ومعاينة عن قرب فعلا الروضة ممتازة جداً لكن للأسف التسجيل يغلق غالباً بعد يومين أو 3 على الأكثر من فتحه.

أنا سأسجل ولدي لروضة أخرى للعام القادم " ولا يهمني التعليم كثيراً للأمانة في المرحلة الأولى أجد أن سنه أقرب للعب وفقط أريده أن يحتك ببقية الأطفال ويتعلم الإلتزام بنظام محدد وبعض الأساسيات " ومبدأياً مخططي أن انقله العام الذي يليه لروضة الجنان

روضة البيادر لا أعرف شيء عنها للأسف

بنات خالتي الصغار في روضة الجنان ويمدحون فيها

حبيبتي انا بنتي في روضة زينة الحياة دوار 15 وايد زينة واذا تبين معلومات اكثر سالي وراح اجاوبج انتي في دوار ساكنة حبيبتي وبنتج اي مستوى بتروح

hayawa;11799965:
حبيبتي انا بنتي في روضة زينة الحياة دوار 15 وايد زينة واذا تبين معلومات اكثر سالي وراح اجاوبج انتي في دوار ساكنة حبيبتي وبنتج اي مستوى بتروح

انا ساكنه دوار 4

بس وشو رايكم في روضة البيادر إلي بدوار الثالث وخبريني أزيد عن زينة الحياة

حبيبتي انا ما اقولج هاذي الروضة زينة او ذيج الروضة اول شي اخذي معلومات عن كل الروضات الي في منطقتكم بعدين الي تعجبج روحي شوفيها واختاري بس وايد ناس ذمولي البيادر بس ما اقدر اقولج انها مو زينة لان مارحتلها ولا شفتها بس باعطيج بعذ المعلومات عن روضة بنتي وانتي اختاري شوفي وايد روضات تهمهم الفلوس كانت عادية او خاصة بس روضة بنتي الحمد الله ما شفت فيها هاي الشي والحمد الله مرتاحة مع الروضة اي شي تبين عن الروضة قصدج الرسوم والزي وكل هاي او تبين اشياء ثانية انا حاضرة لج بس ماقلتيلي اي مستوى تبين او عمر بنتج او ولدج على الاقل

اول الرسوم التسجيل 10 دينار والقرطاسية 25 دينار ومقدم يونيو 30 دينار وخدمة اس ام اس دينار واحد والباص اعتقد 10 دينار ويعلمونهم تيكواندو يبتدي ممن اكتوبر او نوفمبر الى مايو وقيمته 10 دينار ومدرس من مدرسة البحرين للتكواندو مرة اسبوعيا يعني مرتين رياضة في الاسبوع مرة يوم تيكواندو ويوم رياضي عادي ويعلمونهم عربي ورياضيات ودين وعلوم وكومبيوتر وانج وعن الرسوم الشهرية تدفعين 30 دينار شهريا بدون مواصلات وعن الزي مريوا رصاصي على كحلي وقميص اصفر محاحي مع شعار وعلما ان بنات الروضة قصدي الطالبات كلهم نفس الموديل الروضة مو كل وحدة غير على كيفها والاولاد قميص عليه الشعار والبنطلون نفس الالوان واذا تبين هاف او برمودا عادي وعاي كله اتخيطينهم عند يونيفورم بلاس الي في بوكوارة يم المنتزة وفيه بعد فانيلة رياضة وبنطلون لللايام الرياضة تنباع في المحل واذا ما تبين تشترين فانيلة بيضة وبنطلون اسود او كحلي وفي معلومات وايد بس اذا قدرت بعدين اكمل لج وعن الشنطة مايرضون الا شنطة صغيرة للاكل فقط والكتب والواجبات اهمه يعطونهم شنطة او فايل كل صف بلون محدد وعدم احظار الجبس والكاكاو والحلاوة والماي ممنوع يطلبون كاس خاص لكل طالب وعندهم كولر عود يم الصف ويشربون منه وعندهم موعد الوجبة فترتين الفترة الاولى ساعة 8 ونص او تسع وياكلون فيا الساندوش والعصير والكيك او الدانيت والفترة الثانية الساعة 11 للخضار والفواكة والبستوك او اي شي ثاني عنده الطفل انا انتظرج احين باخليج

عندج روضة البركة بعد زينة بس ما عندي فكرة عن اسلوبهم تقدرين تتصلين وتسألين

روضة النجاح زينة بعد ويمدحونها