انجابي البنات

السلام عليكم ورحمة الله وبركاته

يعطيج العافيه اختي على مجهودج الطيب يمكن الي باقوله لج مو مشكله بس كلام

بقلبي زوجي كان اول خاطبني يعني بعقد وبعدين انفصلت تزوج وحده من قريبنا المهم

ويابت له ولد وكانت بينهم مشاكل لين طلقها بالثلاث وكان يحبني المهم رجع وخطبني

حتى ان اعمامه واجداده مو موافين علي بس امه وابوه وافقو وخواته المهم يبت بنت

كانت امور عاديه والثانيه على اني تمنيتها ولد بس بعد بنت المهم حبيت احمل ثالث مره

ورحت للدكتوره وسويت البيكربونات واستغفر الله الجدول الصيني وجافت يوم الاباضه المهم

كل شي الي فبالج سويته ويوم حملت داومت عالاستغفار وسورة البقره وحتى عند وفاة

امي واي عزه نروح او ازور مريض ادعي الله يرزقني بولد وحتى يوم الي يطق مطر وحتى

فالسفر المهم ما جيكت اشفيني وفي الشهر الثامن كان زواج اخوي وكانت طليقة زوجي

موجوده وتعالي جوفي امها وخواتها يبون يعرفون اشفيني كله يطالعون بطني وتمنيت اني

اييب ولد المهم قامت طليقة زوجي تترقص يمي وتهز وتتشلح والناس تطالعني وتطالعها

والله فشلت عمرها يعني مسخره المهم وقامت تبي تبط جبدي خلت راعية الدي جي

تقول من ام فلان اهداء لفلان بن فلان يعني اهداء منها لولدها ونطقوا اسم زوجي مت قهر

سويت روحي عادي وغير جذي من يوم تزوجت وهي مشاكل وقضايا ومحاكم مع زوجي اموت

قهر يوم ريلي يروح المحكمه وهي هناك متعدله المهم ويبت البنت الثالثه انصدمت وغير

الي زاد فيني كلهم يباركون ويواسونس لا هذي البنات بيكونون حاجب عن النار لج وووووو

وبعض اهلي يضحكون وحتى هي واهلها يوم وصلهم يبت البنت قامو مستانسين والناس

كله تقولي بعد بنت وحتى اهل زوجي امه واخته يقولون ها طليقة زوجج مستانسه احين

هي وولدها الورثه بيملك ولدها كل شي بناتج بيروحون وبيخلونج وزوجج بيميل لولده هو

الكل فالكل يعني كلامهم يجرح الدنيا فوضى وحتى ابوي واهلي كله يواسوني ان شاء

الله بتييبين الولد المشكله اذا مايبت ولد ادري هذي بحكم رب العالمين وانا ماعندي

اعتراض بس مشكلتي ان طليقة زوجي وهم من النوع الفري كم مره تبي تدخل البيت

عندنا ماتستحي جريئه المهم صبرت وصبرت مع ان زوجي يحب البنات لان هو اصلا

عنده ولد حتى بديت اني اغير من الولد مع انه حبوب ويحبني ويحترمني وانا بعد بس

ماباكذب عليج في قلبي غيره حبيت افضفض لج لان الي كنت افضفض لها راحت امي

متوفيه هي الي تبرد قلبي هل هذي الله يعاقبني وليش الحرمه منبوذه اذا يابت بنات

والله احنا في زمن البنات احسن من الولد وعلى التربيه وانا وحده راضيه بالقدر طولت

عليج سامحيني والله يجازيج كل خير على الي تسوينه ولج الاجر ورحم الله والديج...