ساعدوني الدورة متاخره

سلام بنات انا عندي مشكله شوي عويصه ومتعبه نفسيتي عدل متاخره علي الدورة لحد اليوم 12 يوم ومن تاريخ 2\4 فيني الامها وتاريخ 3\4 حسيت انها بتنزل خلاص من الالم المهم نزل علي شي بس مو دم وانتوا بكرامة لا طلع شي نفس الماي شفاف وخفيف قلت بنتظر بجوف شنو يصير وبتاريخ 7\4 رحت العياده اللي في الدوام سوو لي تحليل بول قالت لي الممرضه عندج التهاب خفيف و البول يبين فيه دم يعني بتنزل هالايام وما طلعت حامل وزاد علي الالم بعدها بيوم رحت المركز الصحي وقالي الدكتور البول ما فيه دم ولا انتي حامل وما فيج التهاب وهرموناتي كلها اوكى عطاني حبوب قالي ينزل الدوره اخذها لمدة 3 ايام خميس وجمعه وسبت وان ما نزلت احسب من الاحد ولمدة اسبوع واراجعه اخذت الحبوب وفي الثلالث ايام شربت شاي مرميه مره وحده بس وصادني الم مو طبيعي وعرقت وصادتني لوعه وكنت ابغي ارجع وامس رحت عياده خاصه سوو لي الترا ساوند وما بين شي وتحليل دم وما فيني ولا شي لا التهاب وهرمونات اوكى ولا حمل وقالت لي الدكتورة يمكن انتي من النوع اللي ما يبين بسرعه الحمل لو كنتي حامل و عطتني حبوب حق الالم و قالت لي بعد انتظري اسبوعين وتعالي الحين شسوي في احد صاده نفسي صايره ثقيله وتجيني دورة راس ولوعه بس مادري مابي اوهم روحي اني حامل واطلع مو حامل