هل السمنه ممكن تكون سبب ضد الزواج لكلا الطرفين؟؟

السلام عليكم

اليوم عندي سؤال حيرني كثير هل ممكن فعلا ان السمنه تكون سبب في عدم الزواج يعني مثلا البنت مايتقدم لها احد ليه لان السبب انها سمينه .. والمعروف طبعاً عن شبابنا مايبغون الا مثل بنات الدش اللي قوامهم من يومهم صغار وهم محافظين عليه وهذا طبعاً طلباً للتسويق اما بناتنا حنا ممكن نشوف كثير بنات سمان لأي سبب كان طبعا ممكن يكون للراحه لقلة الحركه وممكن مرات من الاهل اللي يحرصون على اولادهم سواء كانو بنات او اولاد وهذا في الاهتمام في اكلهم بشكل كبير ممكن يؤدي للسمنه ولكن السؤال هنا ان الشباب نادر جداً مايتقدمون لهذي النوعيه من البنات .. سؤالي هو لييييييييه؟ وش السبب بالضبط هل هم فيهم قصور عن غيرهم ؟ ولا هم مو بنات مثل قريناتهم من البنات النحيفات مع العلم انه ممكن حتى النحف الزائد عن حده ممكن يكون مشكله لبعض البنات لان ممكن يقول الرجال والله انا مابي سمينه فارطه ولا ابي نحيفه كنها قلم هف وتطيح (u) بالله وش هاللي بيرضي الشباب هالايام وليه هالقصور في التفكير عندهم وليه يعتبرون ان البنت اذا كانت سمينه تصير منبوذه ولا لها مستقبل ولا حظ ترى على فكره ممكن مرات تتأثر حتى نظرة الناس للبنت السمينه من ناحية الرغبه في صداقتها ولا حتى الكلام معها وممكن مرات توصل الى الاحترام لانهم ممكن مايحترمونها ويطنزون عليها ومن هالكلام بس ليه هالنظره وليه هالاسلوب نفسي اعرف ..



ممكن تجاوبوني ؟؟؟؟