السلام عليكم ورحمة الله وبركاته

مدري من وين ابتدي مشكلتي ..فمشكلتي طووويله عريضه ..

بقولها باختصار..

انا ثلاثينيه اعيش في اسره متوسطه انا اكبر خواتي واخواني..

من عمري 12 سنه حجزتني مرة عمي لولدها وهو اكبر مني بكم شهر..

اهلي ماقالوا شي ..
صار هو فارس احلامي..

وصرت انتظـــــره..
تخرجت من الثانوي وهو بعد ..
لاحس ولاخبر..


دخلت الجامعه وبدى خطابي يكثرون..
واهلي يرفضون..

تخرجت وجلست بالبيت ابوي رفض اتوظف لان الوظايف بعيده فجلست بالبيت 4سنوات..

اخر المشوار ..
دقت علينا امه تعتذر ان ولدها مايبي يرتبط لاني على قولته دقه قديمه لاني من منطقه قرويه
ولاني واياه نحمل نفس اللون فمايبي عياله يطلعون سمر..

تحطمت كثير بعد كل سنوات الانتظار يرفضني..
بعد شهر واحد تزوج وتركني..

ومن طلع محد طق باب بيتنا..

مرت السنوت .. ابوي توفى ..

وبعدها خواتي تزوجوا كلهم طبعا الاصغر مني الا انا..

اكتئبت ..

دخلت الثلاثين..

بالغلط تعرفت على واحد بالتليفون انجذبت له وانجذب لي..
رجل محترم طيب من عايله مرموقه وظيفته حلوه ..

دامت علاقتنا سنتين ..حبيته بجنون وهو بعد..

قررنا نرتبط..

وقبل الارتباط صارحني بشي حطم عمري..

اعترف لي انه مريض..

يعاني من مرض بالقلب+دوالي بالخصيه وقدرته على الانجاب ضعيفه..

تحطممممت مووووووت..

كيف اعيش بدون اطفال؟؟وانا اموت فيهم؟؟

دورت بالمنتديات لقيت فيه امل بالانجاب..

بديت اتقبل الموضوع وشجعته على العلاج..

عالج قلبه بالاول وسوى عمليه والحمدلله نجحت..وخلصنا

بدينا نخطط للزواج ،، عزمت اهله بزواج اختي وحضروا..اعجبوا فيني ..

وقرروا تكون خطوبتنا بالعيد لانه زواج اختي كان في شعبان وقالوا بعد رمضان بنكتب الكتاب..

صارت عندهم ظروف ومشاكل بسببها توفت امه ووقف كل شي..

الى ذاك الاسبوع حس بالم بالخصيه..
راح المستشفى قالوا له انه تاخر في علاجها وانهم بيضطرون يستئصلون الخصيه اليمنى لانها متورمه واذا تاخر بتنفجر وتسبب له تسمم بجسمه..

ومن ذاك اليوم اعيش بهم مايعلم فيه غير رب العالمين..

والتفكير ذابحني مره اقول ارفض بس ارجع وافكر هو في احد اصلا اتقدم لي عشان ارفض؟؟


ومره اقول اوافق ..وارجع افكر كيف اعيش مع واحد مريض وبدون طفل؟؟

واللي خوفني اكثر ان قوة الانتصاب عنده احتمال تضعف بعد العمليه..

والله اكتب ودمعتي على خدي من حيرتي ..

اضحي بامومتي او بعنوستي..

ارجوك خففي عني ولو بكلمه..

وربي يجزاك الف خير..
ولاتقسين علي..