مشكلتي الصعبه - منتديات عروس

م

ملكة مودي

عروس مشرقة

11-04-2010 | 03:53 AM

بسم الله الرحمن الرحيم

السلام عليكم ورحمة الله وبركاته...

كيفك اختي ان شالله بخير ...

انا عندي مشكله متعبتني بحياتي وربي مضايقتني ...

ولاادري لمين اشتكي والشكوه لاغير الله مذله ولكن انا تعبانه بحياتي الزوجيه ...

زوجي صار له 3 اسابيع كارهني ماغير معصب علي بسبب وبدون سبب وحتى لما اسوي له

غداء عشاء قهوه شاهي يقعد يذم فيه ويهاوش ويسب مع اني كل اسبوع انام عند اهلي الاربعاء والخميس والجمعه وهو راضي على نومي حتى مايجي الابعد ماصر عليه يجي لنه احيان يخليني اسبوع اسبوعين عادي عنده ويتعذر بالمسافه مع اني بنفس المدينه مع اهلي

واخر مره امس قالي انا ماني مرتاح معاك انتي لبسك معي اذا طلعتي يفشل البسي قفازات وشراب وعباية راس مدري وش غيره مع انه كان عادي عنده اول مع العلم انه مامشاني بحايته الا يوم زوجي كل تمشيتي وطلعاتي مع اهلي وخواتي

ويوم الخميس الي هو قبل امس جت حرمه تبيع عند اهلي وشتريت منها اغراض مكايج عطورات ساعات على الحساب واسدده بالتقسيط قالي كلام بايخ وقال من وين تجيك الفلوس مع اني قلتله وقالي
انتي ماتروحين هناك وتجين الا جايه باغراض .. والله وحده يشهد وش كثر انا صاينته ومحافظه على نفسي

وربي بكيت ومن كثر الم راسي عيوني انتفخت مع العلم ان عندي ولد عمره 3 سنوات وكل ماشف ابوه معصب راح يتخباء بغرفته ولا بغرفتي وربي حياتي ماعاد تطاق

وطلبت منه امس ورقة طلاقي قالي ماني مطلقك لين تكتبين لي تنازل عن الولد وانك ماتشوفينه ابد ...

شوري علي وش اسوي

S

SHREEFA

أخصائية اجتماعية

12-04-2010 | 06:01 PM

السلام عليكم ورحمه الله وبركاته

اختي الغاليه
اجلسي مع زوجك جلسة مصارحة
ضعي النقاط على الحروف
شوفي شنو اللي مضايق زوجك ... بالضبط

جلسه رومانسيه حوارية سوي له عشاااء جو حلوو وبدلع سأليه شنو اللي مضايقك مني شنو تبي ... اسوي لك علشان ترتاح وانا ارتاح معاك
راحتي من راحتك ورضاي من رضاك

اخذيه من هالناحيه وشوفي شنو سبب غضب زوجك

اختاروا يوم بالاسبوع يكون خاص فيج انتي معاه ... تخرجون تتمشون تتعشون بره مثلا ... اذا ماصارت خلوها بالبيت المهم تغيير وكسر روتين
وشوفي شنو يصير معاج وقوليلي ...

دمتم سالمين
اختكم شريفة

م

ملكة مودي

عروس مشرقة

13-04-2010 | 12:00 AM

الله يسعدك ياقلبي ولايغير عليك ويخليك ان شالله ولايحرمنا من طيبة قلبك

مشكوره حبيبتي ريحتيني الله يريحك قلبك وان شالله بسوي الي قلتي ودعواتك لي يالغاليه