ياليت اللي عندها حل تساعدني

الله يعينك اختي بس الحين الاطفال كلا جذي ولا يسمعون الكلام الله يهديهم بس

جربي تسوين لهم لوحة السلوك يمكن تفيد وياهم

حاولي تزرعين فيهم المحبه لبعضهم البعض واستخدمي اسلوب القصه مثلاً او المثل الأعلى من المجتمع أو من الشخصيات الإسلاميه

ما عندي الا طقل واحد ما اقدر افيدك ..ان شاء الله المجربين يفيدونك ..ولو ان الاطفال صعبيييين واكثرهم كذااا ..


الله يخليهم ..

دايم الجهال جدي

انا اقول فرقيهم عن بعض


راح يشتاقون لبعض ومايتهاوشون...


والشي الي يتهاوشون عليه او يتطاقون عليه احرميهم منه

وسويلهم عقاب بعد


احس مافيه حل الا كذا



انا ماعندي اطفال على الطريق يعني ...


بس صدقيني عندي اخوان واعيال خالات وخوال


ماينفع معهم اي شي ...


غير المكافءه اذا زينو شي زين وموب دايمن لان اذا دايم بتخربين الطفل كذا بيعتقد ان لازم تعطينه مكافئه عشان يسوي شي زين..


وتعاقبينهم اذا شفتيهم متماسكين كل واحد يجلس بغرفه ساعه عقاب من دون قفل بيبان


ويكون فيه يوم طلعه بالاسبوع مثل الاربعا بس اذا تشاجرو تعاقبينهم مايروحون يجلسون بالبيت واذا صارو كويسين



تعشينهم وتلعبينهم وتقولينلهم عشانكم كويسين سويت كذا لانكم تستاهلون

ترا الاطفال يفهمون ويتاثرون اكثر من الكبار..



وسلامتك...


الله يهيديهم انشالله

ويخليني اطبق هالمعلومات يارب اذا ولدت باسلامه يارب


وكل اخواتي المسلمات الحومل ان الله يهون علينا ويرزق من تمنى امين يارب


ونتي شدي مع اعيالك ترا البزران ماينعطون وجه ....




سوري على الاطاله اتمنى اني افدتك انشالله...


بس لازم تعرفين ان اسلوب المكافئه والعقاب والحرمان هم الاساليب الي تناسبهم..

الله يساعدج حبيبتي
بس ما ذكرتي لنا اعمارهم ؟؟

- حاولي تزرعين المحبة فيما بينهم بدون علمهم ، مثلا :
اشتري لعبة و اخذيها للبنت و قولي لها هذا من عند اخوج و نفس الشي سوي مع الولد و قولي له من عند اختك

- لما يمروا بخلاف ، لا تتدخلين بينهم خليهم يحلون مشكلتهم بروحهم الا اذا كانت الخلاف كبير
فخليهم يجلسون قبال بعض و في نفس المستوى مع ترك مسافة فيما بينهم و انتي اقعدي بالنص
خلي كل واحد يعبر عن مشاعره اتجاه الثاني و انتي حاولي تكوني مستعمة لطرفين بدون تحيز و حلي المشكلة بينهم

و ربي يهديهم ان شاء الله

انا مثلك حاولت كل الطرق ما فيه فايده
الى طريقه الي يتشاجروان عليه احرمهم
منه لها مفعول بعض الشىء

الله يخليهم لك بس حاولي تعقبينهم اوتحرمينهم من شي يحبونه