الله يوفق ويسعد كل من كتبت أقتراحها الفزعه يا بنات عروس ....

شوفي ياستي راح اعطيكي افكار بالصور يعني بمجرد تشوفي الصور راح تعرفي ايش

اللي ممكن تعمليه




اشتري نافوره الشوكولاته يارخصها

وجيبي المارشميلو وسويه زي كده




لو تبغي تستأجريها جيبيها بس اختاري وحده تناسب اطفال صغار



ماكينه غزل البنات شوفي ياقلبي احنا في جده سار في حريم يجوكي بنفسهم

يعملوها عندك ويشرفوا على الحفلها من والى ويجيبوا معاهم مهرجات ويلونوا وجوه الأطفال

ويعملوا مسابقات بس في الرياض ماأعرف از موجود كده او لأ



مسابقات للأطفال ممكن انتوا تعملوها معاهم وتشاركوهم فيها





استخدموا بلونات للزينه وحاولوا توزعوها في كل مكان وبإعتبار انكم راح تسو الحفله في استراحه ..ممكن تجيبوا كراسي بلاستك بعدد الأطفال وترصوها في الحوش وتزينوها بالبلونات وجيبوا بخاخات وزين وحلو كمان لو تجيبوا الإضاءه الملونه مااعرف اسمها بس اللي يحطوها في الديسكوهات دائريه وتدور واضاءتها ملونه تلاقيها في محلات الادوات الكهربائيه

الكراسي اللي قصدي عليها زي دي الملونه تلاقيها رخيصه







هدايا العيال سواء اولاد او بنات







رسم وجوه اشتروا الوان الرسم على الوجه واجلسوا مع الأطفال وارسمولهم






وحده فيكم تتكرم تلبس لبس مهرج ساروا الحريم يبيعوه لو تبغي اعطيكي رقم وحده تبيع ملابس تنكريه للكبار





طبعا وماتنسي الاطفال احلى شي عشان ياكلوه (الكب كيك)




طبعا فكره حلوه للاطفال عشان كمان يتلهوا شويه









ودا اللي يحضرني الأن