شو الاخبااار يا حلوااات ~
يبتلكم لوك ثاااني بعد شفته على اختي ~ اختي ماشاءالله عليها بروفيشينال بالميك اب وتحط لنفسها بس وعمرها مادخلت دورات ميك اب وماتتابع اللوكات اللي بالنت بس مادري اشلون تبدع وتسوي كل شي يدييد ماشاءالله علييهاا ~ وطبعا الميك اب هذا تحطه لنفسها بس وبالمناسبات او بطلعاتها مع ريلها ,, ولما تكون عندي مناسبه تقولي بحط لج بس انا ماخليها هع هع انا اعرف احط عشان جي مستغنيه عن خدمااتها لوووول
المهم هاللوك لاحظت انه يوسع العيين بعد بس يوالم العيون المسحوبه ,, اما العيون المدوره شوي مب حلو عليها
نحتاااج :
1 - شدو اسود او اي شدو غامج مثل الكحلي او البنفسجي او الاخضر
2- شدو فاتح ~ فوشي وردي بنفسجي فاتح ذهبي ع رااحتكم و انا استخدمت بهاللوك الفوشي
واختي كانت حاطه اسود وبيبي بنك ,,
3- كحل ابيض او ذهبي على حسب لون الشدو
( البنفسجي والوردي والازرق ودرجاتهم ) كحل ابيض او سلفر واضاءه بيضا او او سلفر
( البني والاخضر والبرونز ودرجاتهم والاحمر الفاتح والعنابي القاتم ) كحل ذهبي واضاءه بيج او ذهبيه
ايلاينر او كحل جاف حسب لون الشدو الغامج وبفهمكم تحت
الخطوااااات : الرسمه يبيلها دقه وخفه ف الرسم
اوول شي >> نحط كريم الاساس والكونسيلر والبودره + شدو نفس لون البودره او افتح ك بيس عشان يسهل الدمج انا دايما اسوي هالحركه عشان الشدو مايتركز مكان واحد
ثانيا >> نحط الاضاءه تحت الحاجب ومثل ماقلنا في الوان تناسبها اضاءه بيضا والوان يناسبها الذهبي
ثالثا >> نحط الشدو الفاتح على كامل الجفن المتحرك ونمده لفووق ولازم تدمجون الاضاءه مع الشدو لاااااازم
رابعا >> ناخذ الشدو الغامج ونحطه على اخر العين وندمجه مع الفاتح ( اختي تحط اسوود ) انا حطيت اسود بس طلع بنفسجي ف مشوا معااي عادي هع
خامسا >> ناخذ من نفس الشدو الغامج ونحطه على طرف العين ونسحبه لبرع ( هاي الحركه اللي توسع العين ) ~
سادسا >> الحين ناخذ كحل ابيض او ذهبي على حسب اللي قلته ( البنفسجي والوردي والازرق ودرجاتهم > كحل واضاءه بيضا او سلفر ) ( البني والبرونز والاخضر والتركواز المايل للاخضر ودرجاتهم > كحل واضاءه ذهبيه ) ولو سويتوا غيير جي او حتى فكرتوا تخربطون ف الالواان صدقوني بتتصفعووون وبنتفكم تنتيييف :067: ~ اجوف وحده تحط برونز ويا كحل ابيض ولا بني ويا كحل ابيض ويييييييع والله انه لووووعه << تعقدت :096:
سابعا >> نرسم الحواجب ونضبطهم
ثامنا >> نحط ايلاينر او كحل جاف فوق العين بخض متوسط لا هو ضعيف ولا هو عريض ويكون لونه نفس لون الشدو الغامج يعني يا اما كحلي او بنفسجي غامج او اسود >> ندمج اخره ويا الشدو الاسود لاتخلون فيه فاصل وتبين نهايته محدده + نسحبه عند المدمع
تاسعا >> نحط الماسكرا والرموش لو حابين ونرتب شغلنا وانظفه وننخليه مضبوووط
عاشرا >> نحط البلاشر والاضاءه والروج >> وعشان يكمل اللوك نحط قليتر تحت العين او اذا عندكم ايلاينر قلتري مثل مال مكياجي حطوه على الخط اللي تحت العين و \ أو الايلاينر اللي فوق العين
وبس خلصنا ~ بلا صالوناات بلا بطييخ والله انه المكياج الناعم يحلي اكثر عن الثقيل مال الصالوناات
صدقوني يوم اجوف البنات بميك اب نااعم مثل شدوات فاتحه شويه اسود على طرف العين والايلاينر والكحل والماسكرا يطلعون حلواااااااات ,, اما الميك اب الثقييل اللي الشدو واصل لين خدج ومن الاذن للاذن موووول مب شي كلش ~
اي سؤال عن احسن ماركه لهاللوك او كيف نخففه و و الخ انا ف الخدمه ^^
اي لوك بخاطركم قولولي عنه وبطبقه لكم انشاءالله بالخطوااات ~
مع السلامه