توني حامل واخاف يزيد وزني مثل الحمال الاولي

U

UAEiah

عروس مشاركة

07-04-2010 | 02:22 PM

السلام عليكم ورحمة الله وبركاته

بنات انا حامل توني في الشهر الثالث
واحس طالعتلي كرشة

بنات في حمالي الاولي، متنت وايد وانتفخت وطلعت لي تشققات
وبعد الولادة اشتغلت على نفسي عدل لين ماراحت التشققات 90- 95 % واستوت ماتبين..

الحين بعد مااستانست ومستمتعه بجسمي لأني ظعفت ورشفت
عرفت اني حامل
الحمدلله على كل حال

بس مابااااا امتنننننننننن

احاول امنع نفسي من وايد اشيا
ماآكل وايد عيش،، وايد نقصت الكمية
وزووجي يقول شووو اكل عصافييير؟؟؟

بنات في رجيم معين للحامل؟؟

ممكن تفيدوني
ومشكورات وايد مقدما

ر

روحي ابوي

عروس مشرقة

07-04-2010 | 02:33 PM

روحي عند اخصائية تغذيه ياقلبي وبالتوفيق الله يتمم لك بخير

B

BrownEye

عروس متألقة

07-04-2010 | 02:54 PM

انتي حامل ولازم تتغذين زين ما تحرمي الي في بطنك حبيبتي ... كلي بس باعتدال وما تاكلي السكريات والدهون كثير ... ةحاولي بعد الولادة تسوي ريجيم والله يسهل لك ان شاء الله .

أ

أحساس انسانة

عروس مبدعة

07-04-2010 | 02:55 PM

اول شي بسئلج بعد الولادة كيف نزلتي وزنج ابا أعرف أنا هاي أول حمل
حست قاعد أمتن دخيل قوليلي

U

UAEiah

عروس مشاركة

07-04-2010 | 03:03 PM

مشكورين على الرد
والاخصائيات مايرظون يعطوني ريجيم

احساس انسانه

حبيبتي انا يتني حالة نفسية بعد الولادة ماأحب آآآآآآآآآكل ابدا
لأن اشوف نفسي متيييييييييييينه وانا وزني 60 بس وكان وزني 53 قبل الحمل

كنت آكل فواكه وايد قبل الوجبات الرئيسيه كانت تملي المعده
وكنت أكل سلطه على الوجبات الرئيسية
فماكنت آكل عيش وايد عرفتي بس شويييييييييييية
وكنت واااااااااااااااااااااااااااااااايد اشرب شاي اخصر
اشرب في الأكواب مش في الاستكانات
وايد يظعف

وبس :)

ف

فرح الهوى

عروس مبدعة

07-04-2010 | 03:25 PM

حبيبتي انا نفسج سالفتي سالفة ويا متان الحمل ..

انا تزوجت ووزني 65 .. ومع اول حمل متنت لين وصلت 70 وسقطت على 5 شهور .. وبعدها بشهرين حملت بحبيبي جاسم .. وانتفخت مثل البالون لين وصل وزني بحدود 88 .. وبعد ما ربيت الكل يقول تغذي وانتي تعبتي .. وسالفة يعني لين ما وصل وزني 98 .. طامه كبره صارت .. بعدها قلت لا .. لا .. ستووووووب ..

بديت اسوي ريجيم ورياضه ونزل وزني لين 87 .. وبعدها سبحان الله حملت .. والنسا تعبني وااايد .. ونزلت لين 75 في اول ثلاث شهور .. وما رديت ولا كيلو لين دخلت السابع .... والحين انا في الثامن وما رديت من الي نقصتهم في النسا غير 5 كيلو بس .. مع اني اكل ما شاء الله ... بس مسويه اكس على الحلويات والدهون والمقلي .. يعني يدوب مره في الاسبوع على الغدا واذا كليتهم ما اتعشى الا فاكهه او روب .. والحمد لله رحت للدكتورة قالت ان وزن البيبي طبيعي .. واحرصي تاكلين التمر مقابل الحلو .. لان يرفع الدم ويفيد الجسم وايد في الحمل .. والحين حاطه فبالي يدوب لين اربي ازيد اكثر شي 3 .. يعني المجموع 8 .. ولا تنسين بعد الولادة ينقص منا تقريبا بحدود ال 4 كيلو .. يعني بيكون زدت شي بسيط لا يذكر ..

هذي تجربتي :)

ب

بناتي زهرة حياتي

عروس رائعة

07-04-2010 | 03:44 PM

يابنات ان نفس مشكلتكم والمشكلة انا نفسي مفتوحة عالاخر وزوجي ماهو من النوعية ليشجع على الاكل الصحي اخاف اتورط فالوزن

ف

فرح الهوى

عروس مبدعة

07-04-2010 | 08:51 PM

ام رغد@ربا;11747843:
يابنات ان نفس مشكلتكم والمشكلة انا نفسي مفتوحة عالاخر وزوجي ماهو من النوعية ليشجع على الاكل الصحي اخاف اتورط فالوزن

حبيبتي حاولي كثري سلطات .. اشوي دجاج او لحم ... كلي روتي سلايس مع جبنه او لبنه .. اشربي عصير .. يعني اشياء سهله انج تسوينها

ب

بناتي زهرة حياتي

عروس رائعة

07-04-2010 | 11:04 PM

مشكورة اختي فرح الهوى ويارب ايسهل عليك الولادة ويرزقك ماتتمني

ف

فاطمه 86

عروس متألقة

08-04-2010 | 12:24 AM

كلي خضار وفواكه وكثري منهم

النشويات والسكريات ضروريه للجنين كليها باعتدال ولاتكثرين لكن لاتلغينها من غذائك

الجنين باول ثلاث شهور مو محتاج لتغذيه زياده ولا لنشويات يحتاجها بالثلاث شهور الوسطى و اخر 3 شهور يحتاجها اكثر عشان يزيد وزن

واذا ولدتي هالله الله بالرضاعه تنحف بشكل خيالي لاتعطين صناعي واعتمدي على الطبيعي وشوفي شلون الجسم يصير مشدود ورشيق