قصتي ما اعرف في احد منكم سمع قصة زيها

السلام عليكم ورحمة الله و بركاته
ما أعرف من فين ابدأ بس من جد تعبت من التفكير
اقولكم من الاول و شورو عليا
في الاول انا عندي قريبتي نسميها (ر) مرررررررره صحبتي الروح بالروح يعني مررررره اقرب شي لبعض انا و هيا في الاجازات مع بعض ننام و نصحى و ناكل و نسافر المهم ولد عمي قريبنا انا و (ر) خلينا نسميه (ح) هادا ولد عمي كان يحب وحدة قريبتنا و هوا صغير يعني و هوا في البتدائي يعني طفولة و كنا انا و (ر) نحبو يعني هبل اطفال
بعدين لمن صار مراهق فجأة صار يكره اللي كان يحبها هيا كانت تلحق وراه و هوا كرهها فجأة عشان كانت تضغط عليه يعني تحبو صح بس تعرفو كانت فترة مراهقة و هيا صارت تلعب بديلها صح تحبو بس كانت تلعب بديلها لا تسألوني كيف بس هوا دا اللي صار
المهم (ح) صار يموووووت في (ر) و هيا كمان بس ما قالو لبعض بس حركاتهم تدل و هوا مررره قريب من اخوها و انا كانت تحكيني انو تستلطفو انا هديك الفترة من المتوسط للجامعة يعني انا و (ر) و (ح) تقريبا في سن بعض يعني من لمن كنا متوسط اليييين وصلت انا 2 جامعة (ر) و (ح) يستلطفو بعض
المهم انا ديك الفترة كنت اتستلطف ولد عمي (ح) بس عادي لمن عرفت انو يحب (ر) خلاص بدأت اتعود على انو زي اخويا و ولد عمي و بس يعني انو مكانة زوج صحبتي و اختي (ر) اللي ما جابتها امي بس زي اختي يعني
المهم يا حبايبي كل العيلة تعرف او حاسة انهم يحبو بعض بس اللي صار انو (ر) كانت تقولي هوا يمكن بس يستلطفني بس ما يحبني و لا كان اتكلم و قالي شي بس كلو تلميح ما في تصريح قلتلها بس باين مرررا عليه قالت لا و ليش ما اتكلم و قالي شي المهم ديك الفترة وحدة قريبتنا عرفتها على اخو صحبتها و مررررررررررره (ر) اندرجت معاه خاصة انو اول واحد تكلمو تلفون
انا وقتها استصبت يعني (ر) اللي انا مربيتها و متربين سوا كدا تسوي
المهم وقتها مرررا حبتو و قلتلها لو سمحتي يا تقطعي علاقتك بيه يا يجي يخطبك
ديك الفترة (ح) حس بانو (ر) اتغيرت من ناحيتو مو زي اول و اتجرأ و كلمها تلفون و قالها انو يحبها و يبى يخطبها و هيا قالت افكر و كلمتني و قالت كنت استنى دا التصريح من زمان بس فات الاوان و حكت اللي تحبو و دا اللي تحبو على طول خطبها بعدها
المهم ما نطول وافقت و خلاص نسيت (ح) و كلنا كنا حزنانين عليه و هوا عادي كمل دراستو و اتخرج دا الكلام قبل 3 او 4 سنين
و بس نجي للكلام المهم
حبايبي عيلة (ح) و (ر) ديك الفترة كللللللللللها كانو مره اقرب شي لبعض في العيلة و بعدها برضو قريبين بس عادي اقل من اول
قبل سنتين من دحين سافرنا احنا و عيلة (ح) جات معانا و ديك اول مره اعرف (ح) عن قرب و هوا و اخويا مررررررررررره صارو اصحاب عشان نفس التفكير نفس التصرفات و كل شي و (ح) صار دايما مع اخويا خاصة انو انتقل لنفس بلدتنا جدة و كان اول في مكة مع اعيلة (ر) و كلهم
المهم بعدها اختو قالت انو شكلو عندو وحدة يبى يخطبها و انا كنت اتمناه ل (ر)
المهم هوا كان عادي بس فجأة بعدها ب شهر احس نظراتو و تصرفاتو اتغيرت معايا
اول مره احسو ينتبه انو انا موجودة
و بعدها بفترة تقريبا شهر كلمتني اختو و قالت (ح) يبى يخطبك موافقة
انا في البداية استغربت و قلتلها ما اعرف مو قلتي عندو احد قالت لا ما عندو
المهم سألت ماما و طبعا ما اقولكم ماما و بابا و اخويا طارلاو من الفرح و اصلا اخويا من اول يتمناه ليا قلتلو مو انتا اللي لمحتلو قالي لا ابداااا بلا هبل طبعا لا
المهم انا استخرت و قلت لو فيه خير تتيسر و لو في شر تتفركش و ما راح ازعل
المهم من جد يا بنات بعدها في اقل من شهرين صارت الخطوبة و الملكة (يعني كتب الكتاب خخخخخخخ) و كل شي انا بعد ما صار الموضوع ما اقلكم
شوفو في البداية الولد مررررره رضي بامو و اخواتو و طيب و كلماتهم اوامر عندو
يحبهم و يعزهم و هوا المسؤول عنهم من بعد الله طبعا و كل العيلة تحبو و كل الناس تشهدلو بالطيبة
و (ر) كانت دا الوقت اتزوجت خلاص بس حسيتها يعني مستغربة من الموضوع و نسيت اقلكم قبلها بفترة ما قلتلها على انو خطبني بس لمحتلها انو في شي و هيا كانت تحكيني حكايات انو كأنها بتقولي لا ما اعتقد انو ينساني يعني زي مثلا
مره من المرات قلتلها (ح) يقولو انو انا و هوا ننفع لبعض قالت لا فاتك داك اليوم جابو سيرتي قدامو و اتغير لونو
و تحكيني كيف انو هوا و زوجها ما يتفقو عشان هيا بينهم
بس هيا قالت لي انو مستحيل تحب غير زوجها و خلاص
بعد ملكتي ما حسيت من ناحيتها بشي
بس خطيبي او (ح) بعدها من جد صرت كل شي في حياتو يقولي تصدقي الحلال غيييييييييييير و اول مره اعرف ايش يعني انو احب لانو كلو بحلال
و انا يا بنات كل عمري في الدراسة عمري ما خبصت او حبيت هوا اول واحد اقولو احبك
طول حياتي لمن نفسي احب او انحب اقول لا اخليها لزوجي عشان زي ما انا ابى اكون اول وحدة في حياتو اباه يكون اول واحد في حياتي غير طبعا هبل و حب الطفولة لخطيبي الحالي (ح)
و ااااخ يا بنات على العزاب اللي عشتو من يوم ما وافقت على (ح) و حاسة انو بعزبو معايا مع انو كم مره قالي داك ماضي انسيه و كم مره بكينا سوا و هوا يقولي انا صعب تنزل دمعتي بس انتي تخليني اندم على هبل ماضي يا ريت ما سويتو بس ايش الحل صار و انتهى
و انو ما كان يعرفني مزبوط غير بعد السفر
بس انا وحدة مرررررررررره غيورة و مقهووورة انو كيف كنت احبو في فترة و هوا ما شافني الا بعد ما طرات حبيبة القلب و حبيبة القلب تصير اعز صحباتي اخخخخخ يا بنات
قلبي يعورني هوا يقول خلاص و انا اقولو برضو صعب
و هيا عايشة حياتها
اتخيلو احيانا من كتر ما احبهم الاتنين اقول نفسي رجعو لبعض لانو الاتنين طيبين و لو سعادتهم مع بعض ما راح اوقف نصهم و هوا يقول لا تقولي كدا انا ما راح ابرضى اسيبك و (ر) كنت معجب فيها بس دحين قريبتي و بس و الله يوفقها مع زوجها و انتي اللي اباها و ابى اكمل حياتي معاها
بس انا عايشة في عذاب كل ما افتكر كيف كان يحبها و هيا انو كانت في يوم من الايام تتمناه
كيف انو انا كنت قدامو من زمان حتى لو ما كان يعرفني بس كنت موجودة و ما شافني الا بعد ما راحت
كيف انو فكر في وحدة تانية قبل لا يخطبني بفترة بس اعتقد انصدم فيها و لمن عرفني و سمع من اخواتو كلام كويس عني اتقدم
دا الشي يخليني افكر و افكر و اوسوس اخ تعبت
كل مره انقهر من التفكير و اتعب اقولو و هوا يتنكد يا قلبي و يقولي لا تفكري كدا
و يقول ايش اقدر اسوي عشان انسيكي و اخليكي تصدقيني
ما ابى اعذبو في نفس الوقت
انا استاهل انو زي ما انا كنت مخلصة الاقي احد زيي و على فكرة انا و الحمدلله بشهادة الناس جذابة ما اقول جميييلة لكن الحمدلله عندي قبول و متوسطة الجمال الحمدلله و ترى (ح) ديك الفترة اتقدملي عشان سمع عن الخطاب اللي بيجوني و ماما كانت ترفض بس لمن اتقدم (ح) ماما شافت انو ما يتعوض و هوا فعلا ما شاء الله من يوم ما ملكنا تقريبا الين اليوم ما شفت منو شي وحش
بس تفكيري تعبببببني
ايش رأيكم بدون تجريييح