ريجيمي عند الدكتور طالب الشمري والي حابة حياها الله معاي

صباح الخير
امس رحت لدكتور التغذية عندنا بالكويت اسمه طالب الشمري وهذا الدكتور صج رجيماته تنزل بسرعه بس انا اقولكم من الحين انه رجيماته فيها نوعا ما من الحرمان
بس كل شي يهون لعيون الرشاقة بنات جد لازم امسك نفسي ماشاءالله تبارك الرحمن لاتشوفون البنات الي معاي بالدوام اجسامهم حلوة ومهتمين بعمرهم وغير اللبس
وانا اذا بظل على وزني هذا حتى حق داخل البيت وبيني وبين زوجي ماراح اقدر البس شي
وهذا الي يضيق خلقي
لان صج رجال حاله حال باقي الرجاجيل يبون يشوفون حريمهم يلبسون ما يبون يشوفون بالحرام فليش احرمه من نفسي واخليه يروح يشوف برة
وغير هذا انا ابي اضعف والبس
عالشان صحتي
بعد فقرر ورحت للدكتور
وقايس وزني
ولا 85 :040:
وعطاني رجيم
والي حابه تشارك معاي حياها الله بس خل تدعي لي اني اكون مقيمه للصلاة ومن ذريتي ما ابي منكم الا هذه الدعوة

الرجيم

الصبح ((مو الريوق)) لا هذا بيكون الصبح امبجر اول ما تصحون من النوم ::
نسكافيه

وبعدين على الساعه 10 او 11
عطاني حبوب اعشاب اكهم وبعدين اكل توست 3 شرايح مع جبنتين او كرواسونه او صمونة جبن +دايت


الغدا:((قبل الغدا اكل من الحبوب)
شوربة
او
3توستات +2 مرتديلا +خيار +خس +طماط +دايت

والمغرب لاني من مدمنين الكاكاو قالي اكلي اي نوع بس ما يكون ثقيل وكبير ههههههههههه

والعشا عكس الغدا يعني اذا اكلت على الغدا توست اكل على العشا شوربة
وهذا الرجيم ينزل بالاسبوع 3 كيلوات

اتمنى يعجبكم