(رحلتي السياحية إلي بانكوك ، تقريري المفصل)@@ بالصور بس لعيونكم

M

Mahary82

عروس رائعة

05-04-2010 | 01:36 PM

:072:مساء الخير حبايبي..اليوم حابه أنزل موضوع عن رحلتى إلى تايلاند و بالأخص إلى (بانكوك)..مابطول عليكم عشانكم بتملون من كثر ما أسولف:037:

الرحلة على: طيران الإماراتAIRBUS طابقين.

مدة السفر : 6أيام

عدد الأشخاص: 6 ( أنا وزوجي وولدي + الوالدة و الوالد و أخوي)

السكن في فندق: ماريوت Marriott Executive Apartments® Sathorn Vista(أربع نجوم)

بسم الله نبدأ

الإقلاع كان على طيران الإمارات بتاريخ 28-05-2009 و طيران الإمارات غني عن التعريف, الرحلة بالضبط إستقرقت 7 ساعات, وكانت الرحلة على الدرجه السياحية لكن إستمتعنا واايد, أولاً التعامل ممتاز, و الكراسي وسيعه و مريحه, غير عن الأفلام العالمية إلى نقدر نختارها من خلال الشاشات الدجتال المتحركه ..وولدي كان وااايد مستانس لأنه يموووت على أفلام دزني ماشاء الله عليه من فلم لين فلم:037:...بس حبايبي أنا صورت لكم بس الدرجة الأولى وهذه هي الصور..

هذا هو الطابق الخاص للدرجة الأولى First class

أما هذه الصور هي حمامات الدرجة الأولى(عزكم الله) و أنا صورتها عشانها تحفة مقارنتاً بالسياحية:ok:..طبعاً هي يختلف عن السياحية في الفخامة ثم المساحه..ماشاء الله وسيعة..وغير عن أماكن للجلوس..وقسم لكي الملابس..والكريمات... وغيرها...الخ

حتى لو تشوفون على الطرف الشاور..ياااااسلااام :014:

ولله الحمد بعد سبع ساعات بالضبط وصلنا بانكوك..وكان جوهم مثل المعتاد..مغيم و ينزل مطر خفيف لكن الجود معتدل...

طبعاً ما ننسى ال(tok tok) و سيلة المواصلاة الأولى عندهم..بس فنااااااان:ok:

بخصوص الفندق حبايبي كان التنسيق عن طريق وكالة سفر معروفة في الإمارات..والحمدلله كان الإختيار موفق..الفندق هو ماريوت وإسمه بالتفصيل Marriott Executive Apartments® Sathorn Vista..هو فندق 4 نجوم لكن بمستوى 5 نجوم....

الصراحة كان تقييمي عن الفندق جيد جداً في طريقة التعامل مع النزلاء..وخدمة الغرف..وشكل السويت وكلللل شي..وأيضاً كانو يوفرون لنا تاكسي في أسرع وقت عشان الرحلات السياحية و ينسقون مابينهم...أول ما وصلنا ضيفونا عصير ليمون بااارد ليما ينتهون من الإجراءات, وهذا هو شكل اللوبي و الممرات..

وهذا هو حمام السباحه..هو في آخر طابق و كان مقسم عدة أقسام و من بينهم قسم للأطفال...

هذا قسم الأطفال..يعني مش وايد غزير و فيه شلال..ولدي إستانس عليه...:072:

وهذا قسم ثاني غريب شوي...لأنه مثل الدوامه..يوم تروحين صوبه يدووور و يدووور فيج ليما يدون راسج..بس فللللللللله :093:..طبعاً هو مختلط فعشان جي بس يلست أتطالعهم يتسبحون و يفترون و أضحك عليهم:085:

وهذا الله يسلمكم جزء حاطين فيه الفوط النظيفة و سلة للفوط المبلله..طريقتهم حلوووه و عجبتني..

ونسيت أخبركم إن في الفندق في صالة كبيره للتمرين حق الرياضيين..بس للأسف ماصورته..

وبخصوص الإفطار نحن لاااااااااازم في كل سفراتنا نحجز الفندق مع الإفطار...لأننا نحب نشة الصبح..يعني تقريباً الساعة 6 أو بالكثير 7 إلا ربع نروح نتريق..وبخصوص قسم الإفطار عندهم رااااقي و منوع..وهذه بعض الصور..

نجي للسويت حبايبي...

مثل ما قلت لكم إن السويت يتكون من غرفتين نوم و صاله و بار...و أيضاً في غرفة صغيرة للكواي..وحمام خارجي...الصراحة كان السويت راقي...

بخصوص غرف النوم هي راقيه و بسيطه..

هذي صورة الحمامات(الله يعزكم)...المدخل و المغسلة...

وهذا هو البانيو...

و إهني صورة الشاور...

وشوفو شو حصلت...:03:حصلت ميزان يشتغل باللمس..وإستانست عشان تعرفون السفر..كللللله أكل في أكل:01:..فكل ما نرجع الفندق نظهره و نوزن...:037:

هذه هي الصالة..

وفي الصالة متوفر تلفزيون ديجيتال + DVD

وهذا هو البار..تراه فنااااااااااااااان...جااااااااااهز للطبخ و فيه كل الأدوات اللازمة...و الأشياء الأساسية من الفرن طبعاً مطوووور و يشتغل بس بالحرارة...و أيضاً الثلاجه...

جميع الأجهزه و المكملات..من المايكرويف و التوستر..وسخان الماء و جهاز الكووفي:03:

و بتشوفون إن كل أواني الطبخ متوفره..من جدور...وصحون...وبايركس...إلي يخطر في بالكم..

وطبعاً ما ننسى لزوووم السهره...:014:

وحبايبي بتحصلون مثل كتيب إرشادات في كيفية إستخدام الأجهزه الموجوده في السويت..من coffe maker و الكوايه..و الفرن..الخ

نجي لأول برنامج عندنا وهو الDream land..أرض الأحلام و إستانسنا وااااااااايد فيه:093:

هذه هي صورة ولدي في بيت العملاق...الصراحه بيت عجيب..كل شي فيه كبير..السرير..الكبتات...والمعالق..وأيضاً البيض:037:..شوفو هذه صورة ولدي فديته..:087:

وهذه صورة أخوي..شوفو الخلفيه عجيييييييييبه...هذا هو المارد..وفي أيضاً سمكه قرش عملااااااااقه..

أخوي مع الدراكولا:039:

وهذا أخوي مع زوجة المستقبل :085:

وبرنامجنا الثاني حبايبي إلي إنصحكم فيه هو SAFARI...الصراحه روووووووووعه..وولدي تخبل على الحيوانات و العروض..

شوفو هذا ولدي و القرد يبوس إيده:014:

هذا أبوي الله يحفظه في قسم العصافير..هو مثل قسم كبير تدخلونه و العصافير برع الأقفاص..وتأكلونهم...ونااااااسه...

هذا ريلي فديته...شوفو كيف العصافير متيمعين عليه:016:

هذا أخوي مع الدب القطبي...حليلهم ما أدري كيف عايشين في هذا الجو...:033:

وهذا ولدي و أخوي..يالسين على نموووذج لتمساح..والتماسيح الأصليه داخل..:091:

وفي هذا القسم واااايد إستانسنا...ماشاء الله مكثر السمج إلي في الحووض...فتشترين الأكل و تعطينهم...كثر ما تعطينهم ما يشبعون..

برنامجنا الثالث كان الرحلة البحرية(على اليخت)...وأنصح فيها المتزوجين إلي رايحين شهر العسل...لأنه مكان رومانسي...موسيقى هاديه..أضاءات ساحره..وأكلات بحريه منوعة و لذييذه...

أولاً حبايبي أول ما تركبون... على الطاولة بتشوفون هذا العصير..هذا لازم تشربونه عشان تتجنبون دوار البحر...

الحلو في المكان إن جوه رومانسي..والإضاءات رووعه مثل ما تشوفون..

شوفو هذا البار يتغير لونه..مره أحمر و أصفر..مره أزرق و بنفسجي...روووعه

طبعاً البوفيه مفتوح...وكللللللللللله أكلات بحريه( السوشي..الروبيان...المحار...)..ماعدا صنفين هم بس دجاج..والباقي بحري

وطبعاً اليخت يتحرك و يدور ..ومرينا على أماكن تاريخيه و أثريه بالإضافة إلى العديد من المعابد...

وأيضاً مرو علينا يخوت ثانيه و أشكالهم وااايد حلوه من الإضاءات...:ok:

باقي الأيام قضيناها كلها :093:تسووووووووووووووووووووق:093:...وبذكر لكم أهم الأماكن و هي:
(السوق الليلي) طبعاً هو غني عن التعريف .مثل أسوق مفتوحه و تتمشون و تتشرون:085:..وفيه إكسسوارات متنوعه..وملابس..وأحذيه...وبأسعار جيده...
(مركز MBK)..(مركز طوكيو)..(سنترال سنتر) ...والصراحه أنا ماصورت لأني كنت مشغوله بالتسوق:094:

ورحلتنا قربت تنتهي...وولدي خلااااااااص إستسلم للنوم...:072:

هذا هو مطار بانكوك...

شوفوا صورة الفواكه عند مدخل المطار..روووعه...

ومطارهم كبير و جيد...فيه محلات عالميه واااااايده و طبعاً مطاعم كثيره و كله مكتوب عليها (حلال)..
:ok:

حبايبي..بعض النصايح البسيطه للي حابه تسافر بانكوك:

- إحجزي الفندق قبل لا تسافرين ...لأنج بتكونين تعبانه من الرحله و صعبه تدورين على فندق في هاكي الوقت و يا كثر وكالات السفر في البلاد, يعني خلي أمووورج مضبوووطه قبل السفر:014:

-لااااااااازم تاخذين خريطه موقع الفندق..لأن التكاسي(الحمدالله رب العاليمن) يالله يالله يفهمون..ودااائماً يسألون عن الخريطه..فخليها جاهزه عندج و ياريت تطلعينها من google earthتكون واضحه و مفهومه..أو من موقع الفندق دائماً يحطون خريطه توضيحيه.

- أفضل إنكم أول ما توصلون تتعاقدون مع تاكسي ممتاز..يدل كل الأماكن السياحيه في البلاد و خليه معاكم طووول فتره سفركم, والحمدالله رب العاليمن ماشفنا أي نصب منهم و كلهم أمناء...بس إسألو الفندق و هم بيوفرون لكم تاكسي, ولو كنتوا مجموعه مثلنا إحجزوا Van , يعني الباص الصغير..والله كان مريحنا على الآآآآآآخر.

- بخصوص الملابس جوهم ما يتغير..ماشاء الله مطر...وبرق و رعد لاكن الجو مثل ماهو..يعني معتدل وفي بعض الأشهر في رطوبه..يعني للأطفال الملابس الخفيفه و يفضل بدون أكمام و البرموده و لاتنسون الكابات...وعني أنا إشتريت القمصان الطويله بس الخفيفه مع البانطلون...والإسكارفات الخفيفه (لاكن) القطن..لأن الجو حار و أيضاً القطن يثبت على الراس.

- بخصوص الشنط التقليد 100% لا تشترونهم من الأسواق الليليه..اوالسناتر..في محلات خاصه أول ما تروحون داخل السوق الليلي بتعرفونهم..صح إن أسعارهم غاليه شوي..لاكن جوده ممتازه..

:072:أتمنى إنكم إستمتعتم معايه..وهذه باقة ورد حلوووه لأول وحده ترد عليه...(ترى الورود إلي فيها طبيعية 100%) سبحان الله..:072:

ط

طيف الاحبه 99

عروس ذهبية

05-04-2010 | 03:55 PM

مشكووووووووووووووووورررره

%

% عطر المسك %

عروس ماسية

05-04-2010 | 09:37 PM

ماشاء الله حلووووين الصور ورحله ممتعه يعطيك العافيه عالموضوع الرائع

M

Mahary82

عروس رائعة

05-04-2010 | 11:00 PM

تسلموووووون لي يا أحلى عرايس

س

سيما..22

عروس مبدعة

06-04-2010 | 03:14 AM

ماشاء الله رحله سعبده

N

Noun

عروس ماسية

06-04-2010 | 05:50 PM

روووووووووووووووعه وتم التقييم

~

~um hadi~

عروس مشاركة

06-04-2010 | 07:52 PM

الاااي

بالعافيه عليكم

ان شاء الله اروح مع زوجي العزيز

أ

أم مــــــلاك

عروس مبدعة

06-04-2010 | 10:04 PM

ما شاء الله روووعة
عليكم بألف عافية
تم التقييم

تحياتي/ أم ملاك

M

Mahary82

عروس رائعة

06-04-2010 | 10:15 PM

:016:تسلمووووووووون لي فديتكم:016:

ر

روحي وليد

عروس مشرقة

06-04-2010 | 10:26 PM

ماشاء الله رووووووووعه الصور يعطييج العافيه وعجبني تعليقج اخوج مع زوجة المستقبل ههههههههههههههه

ك

كندريه حلوه

عروس ذهبية

06-04-2010 | 10:37 PM

يعطيج بالعافيه ياعسل وانا رحت تايلند قبل 3 سنوات ورحت بعد شنغ ماي وبوكيت وايد احلى من بانكوك مره ثانيه جربيهم:)

M

Mahary82

عروس رائعة

06-04-2010 | 11:05 PM

كندريه حلوه;11741914:
يعطيج بالعافيه ياعسل وانا رحت تايلند قبل 3 سنوات ورحت بعد شنغ ماي وبوكيت وايد احلى من بانكوك مره ثانيه جربيهم:)

الله يسلمج رحت بوكيت في شهر العسل و واااااايد عجبتني..وسكنا في فندق على البحر رهيييييب..تسلمين يا قلبي.:083:

M

Mahary82

عروس رائعة

06-04-2010 | 11:08 PM

روحي وليد;11741762:
ماشاء الله رووووووووعه الصور يعطييج العافيه وعجبني تعليقج اخوج مع زوجة المستقبل ههههههههههههههه

حتى يوم صورته قلت له إيلس عند حرمتك و هو ميت من الضحك:085:
تسلمين لي يا قلبي:087:

v

vanilla cake

عروس ماسية

07-04-2010 | 01:40 AM

الااااااااااي وناسه اغلب الاماكن الي رحتيها حبيبتي انا بعد زرتها مثل الحديقه والسفاري والمجمعات والسوق الليلي والفندق نفسه سكنت فيه كان حلووو بس عيب بانكوك انها منطقه تجاريه بحته وااايد زحمه ويوم اروح كان اغلب الجو حاااااااااااار ومرات يطق مطر ويعتفس الجو ومره ثانيه يرد حر يعني الجو متقلب بس اغلبه حاااار حتى ويهي صار اسمر يوم كنت هناك يعطيج العافيه حبيبتي وتستاهلين التقييم

م

مناس

عروس متألقة

07-04-2010 | 04:11 PM

ماشاء الله على التقرير رحلة موفقة

ن

نوادر العرب

عروس فضية

08-04-2010 | 01:35 PM

حـــــــــــــــــــــــرام عليك

تتفألين حق اخوج بزوجة المستقبل هههههههههههههههههههههههه الله يعافيه بس

عند جد موضوع جدا رائع الله يعطيك مليون عافية وربي يسعدك ويخليلك اهلك

تستاهلين احلى تقيم يالغلا

ر

رموووو

عروس برونزية

08-04-2010 | 04:30 PM

مــاشـــآء اللـــهـ تبــاركـ اللـــهـ

يعطيك الف عافيهـ ع ــا الطــرح

الرائـــع لاتـ ح ـــرمينا جديدك الـقادم

لكي مني ارق تحية
رموووووووو

ر

روحي وليد

عروس مشرقة

08-04-2010 | 05:45 PM

Mahary82;11742310:
حتى يوم صورته قلت له إيلس عند حرمتك و هو ميت من الضحك:085:
تسلمين لي يا قلبي:087:

:085::085:
الله يسلمج فديتج

M

Mahary82

عروس رائعة

11-04-2010 | 11:11 PM

nice2eyes;11743671:
الااااااااااي وناسه اغلب الاماكن الي رحتيها حبيبتي انا بعد زرتها مثل الحديقه والسفاري والمجمعات والسوق الليلي والفندق نفسه سكنت فيه كان حلووو بس عيب بانكوك انها منطقه تجاريه بحته وااايد زحمه ويوم اروح كان اغلب الجو حاااااااااااار ومرات يطق مطر ويعتفس الجو ومره ثانيه يرد حر يعني الجو متقلب بس اغلبه حاااار حتى ويهي صار اسمر يوم كنت هناك يعطيج العافيه حبيبتي وتستاهلين التقييم

حبيبتي أغلب جوهم حاار و رطوبه...بس في بعض الفصول ينزل مطر و يكون الجو معتدل مثل شهر 4 و 5...بس الأغلب حااار:057:

والله أنا حبيت سفاري أكثر شي...عشان العروض تجننننننننن....

تسلمين يا قلبي على الرد العسل:083:

M

Mahary82

عروس رائعة

11-04-2010 | 11:20 PM

من نوادر العرب;11756145:
حـــــــــــــــــــــــرام عليك

تتفألين حق اخوج بزوجة المستقبل هههههههههههههههههههههههه الله يعافيه بس

عند جد موضوع جدا رائع الله يعطيك مليون عافية وربي يسعدك ويخليلك اهلك

تستاهلين احلى تقيم يالغلا

شفتي عاااااد:094: و مصرررررررررر إنه يصور بعد معاها:085:

بس عن جد عن جد حلوه:094:..

تسلميييييين يا قلبي على ردج الحلو:025: