افتح مشوع واخسر والا اتوظف احسن لي

السلام عليكم ورحمه الله وبركاته

كيفكم يا بنات ويا احلى عضوات انا دائما ادخل هلقسم وقسم التسويق تشجعت فتره لكن ترددت على الكثير من الاشياء :091:
اولها ليه الناس بتي تاخذ من عندي شي متوفر في السوق وتحت معاينتهم والاغلب الاسعار بتكون اقل او ليه الناس بتطلب من الخارج والجاهز موجود ومالي السوق على الاخر
فكرت في الف مشورع ومشروع وكل شي رددني :034:
اطبع بحوث ، ابيع لانجري ، دهن عود، تغليف هدايا وووووووووووووووو والمحلات اصلا اكثر من الهم على القلب :098:
بتقولين انا عندي القدره ان انتج شي حلو باقولك صح يمكن لان انتاجك وبيدك بكون مافي مثله اقل سعر او اكثر جوده لكن اخذ بضاعه من فلان وفلتان والاقي بعد فتره ابيعون نفس البضاعه بعروض رخيصه واقل بكثير من سعري :064:
بتحمل شحن وتغليف وتحويل بنكي وفي الاخر ياتصيب يا تخيب :096:

قولولي فكرتي صح والا انا غلطانه انا مب قادره ابتدي شي لان الحجه الي حطيتها مقنعه على الاقل قانعتني :042:
كل ما امر السوق الاقي معروض محلات للبيع مع بضاعتها شنو الي اخلي هلمحلات تخسر وانا انجح :057:
امر المجمعات والاقي شركات عالميه في التخفيضات اتبيع الملابس والميكب والاحذيه وكل شي ب50 و 70 و80 % شنو الي بايبه انا انافس هذي الجوده وهذي الاسعار :01:

ياليت لو تناقشوني وتقولون لي اسباب الي خلتكم تاجرات وتتحملون كل هلهم وخصوصا لما تشترون بضاعه وتتكدس ومافي مشتري وخصوصا النساء بس تقولين لها عندي بضاعه بتقول داخلها اوف بدينا بالطراره والحنه ....... واذا اتشوفون وجه نظري صح ابي تقولون لي ليش :053:

وشكرا لكم وسامحوني على الاطاله
اختكم ام ابراهيم