اازيكووووووووووو
انهرده عملت اكلة حلوة اوي وعجبت زوجي جدا وقال لي انا حاسس انك جايبة الاكل ده جاهز وبتقولي لي انا اللي طابخاه ههههههههههههههههههههههه
بجد جربوه ومش هتندموه
اولا الكوردن بلو
المقادير
صدور فراخ فيلية
عصير لمونة وبهارات ملح وفلفل وشطة وروز ماري وكاري
ميه بصل
نحط كل التوابل دي على ميه البصل
وبعد كده نحطها على الصدور بتاعتنا ونقلبها كويس ونسيبها في التتبيلة لتاني يوم
ودي شكل الفراخ وهي متبلة
نيجي بقى لمقادير الحشوة
جبنة موزاريلا ولانشون فراخ
اعواد اسنان
نقطع الانشون بالشكل ده
ونفرد قطعة الفراخ في طبق
وبعد كده نحط قطعة لانشون او اكتر حسب الرغبة يعني ونحط الجبنة
بعد كده نلف قطعة الفراخ
بعد كده بنثبتها باعواد الاسنان
وهكذا لحد ما الكمية تخلص
بعد كده بنحطه في الدقيق
وبعدين البيض واللبن
وبعدين البقسماط ونسيبه في التلاجة شوية وهو في البقسماط
وبعد كده بنطلعه من التلاجة ونشيل الاعواد او ممكن نشيلها بعد التحمير عادي
وبس كده
وده شكل الطبق بتاعنا بعد ما خلص
نيجي بقى للرز
المقادير
كوب ارز بسمتي
معلقة صغيرة سكر
ملح وكاري وزعتر وكركم
قطع فراخ
وشوربة
اول حاجة بنسخن الحلة ع النار ونحط السمنة
وبعدين نحط معلقة السكر
ونقلب لحد ما تتحرق بالشكل ده
وبعد كده بنحط قطع الفراخ ونغطي ونهدي النار ع الاخر
ونسيب الفراخ تستوي وبنجهز الشوربة بتاعتنا وبنحطها تغلي ع النار
وبنحط عليها البهارات السابقة ونحطها تغلي ع النار
كده ميه الفراخ نشفت
بعد كده بنحط الرز بتاعنا
ونشوحه شوية
وبعدين بنحط الشوربة بتاعتنا
ونغطي ونسيبه لحد ما الميه تنشف وبعد كده بنوطي عليه ونحط الشياطة ونسيبه يستوي
بس كده
وده شكله بعد ما خلص
وده بقى كان غدانا انهرده
الرز الريزو والكوردن بلو وبطاطس محمرة وشوربة لسان عصفور وخيار مخلل انا اللي عاملاه ههههههههههههههههه
بس كده
وبالف هنا
ومستنية الردود الحلوة بتاعتكو
سلام
لا اسامح ولا احلل نقل الموضوع بدون ذكر المصدر ونسبه لشخص غيري