الله يسامحك يايمه حملتيني وسط جوفك وللوحده رمتيني

السلام عليكم ورحمة الله وبركاته

صباحكم / مساكم جــوري :065:

كيفكم حبايبي ان شاءالله تكونو بخير ونعمه

بصراحه مو عارفه من وين ابدي موضوعي انا ما تعودت اشكي حق احد ولا اطلع اللي بقلبي لاحد ابد بس ضاقت فيني ومالقيت الا اني انزل موضوع :091: عالاقل ممكن الاقي منكم حل يريح قلبي لاني مالقيت احد اقدر افضفضله ويساعدني وربي يفرجها علي وعالجميع ان شاءالله..
انا باقي ما تزوجت وعايشه مع ابوي ومرت ابوي واخواني
يعني امي وابوي منفصلين وامي بعد متزوجه بس انا الوحيده من امي وابوي باقي اخواني واخواتي اللي من امي واللي من ابوي ..>> وحيده :033:
ابوي الحمدلله مو مقصر معي بشي ابد ويحبني ويحاول يعوضني بكل شي عشان ما احس ببعد امي عني والله يطولي بعمره ويحفظه واخواني بعد كلهم طيبين معي بس مشكلــتي هي مرت ابوي وانا بصراحه اعتبرها مقام امي واناديها امي واحترمها بس تدرون الام ما تتعوض ابد ولا يحلها محلها مخلوق :032: بس الطبيعي والواضح انها ما تعتبرني زي وحده من بناتها وبس تبي تتحكم فيني وبحياتي على كل صغيره وكبيره تناقرني مو عااااارفه اتعامل معها ابد
يعني احيان تهاوشني على اشياء كثيير وما ارضى ارد عليها لانها حرمه كبيرة واحترمها وبعد عشان اخواني اللي احبهم وابوي بس انا ماعد فيني اتحمل كلامها وربي يابنات كلامها يجرررررررح يعور بالقلب يعني على كل شي تمسكني على لبسي على طلعاتي وتحسسني انه ي فرق كبيير بيني وبين اخواتي تخليني انا اللي اسوي كل شي وانا اللي مسؤله عن كل شي وياويلي بس لو يطلع مني غلط تشيل الدنيا وتحطها فوق راسي يعني ما عندها شغله غيري وانا مشكلتي ما احب احد يتحكم فيني غير امي وابوي يعني هي بصراحه مالها كلمه علي ومالها اي حق تتحكم فيني بشي :091: وياما سمعت منها واسكت واتحمل واقول اجري عند ربي ما راح يضيع على صبري بس كل ما اسكت تشوفني ساكته وما ارد عليها وترجع تزيييييد واذا رديت عليها بكلمه وحده تقلبها فوق تحت وتخلي اخواني لين يتجمعون وتقولهم قالتلي وسوتلي وردت علي وربي خلاااااص صرت اتفشل قدامهم من كلامها واسلوبها معي اتمنيت انها تعوضني شوي عن بعد امي بس لقيت العكس صرت احس بينهم اني غريبه مالي احد واخواني طبيعي ما يقدرون يهاوشون مهم عشاني وابوي ما يدري عن شي ابد يعني قدام ابوي تحبني وتموت فيني بس نصير بروحنا تحسسني اني عدوتها وامي الله يسامحها ويسعدها تزوجت وتركتني بروحي وتحملت مسؤلية نفسي من صغري بس الله يعين الواحد من غير امه ما يسوى ولو كنوز الدنيا بيده بس هي تطلقت من ابوي وهي صغيرة واكيد وحده مكانها راح تشوف حياتها وتتزوج وانا اشوفها كل شهر مرة بس ابد ما اشبع من شوفتها الله يسعدها ويقدرني على رضاها :091: بس ابييكم تعطوووني حل كيف اتعامل مع مرت ابوي كيف انقذ نفسي من كلامها قدام الناس ..
يعني اذا جلست تهاوش فيني عالفاضي والمليان اسكت ولا ابرر موقفي ولا وش اقول يعني حتى تفاهم مااقدر اتفاهم معها راسها ناشف :031: كل يو تاكل فلفل وتحط حرتها فيني والله احياان خلااااص من كثر ما اتعب شوي وبدعي عليها بس قلبي ما يطاوعني ارجع واستغفر عاللي قلته والله محتاااارة بس ان شاءالله ربي يفكني من اذيتها علي وكلها سنه واتزوج وافتك :01:
ادعوووولي ربي يجمعني بامي ويكفيني شر زوجها وزوجة ابوي هذولي ابتلاء من ربي علي والله يعني ويصبرني بس :060: