المفتش كرومبو - منتديات عروس

ز

زهرة بالبستان

عروس مبدعة

02-04-2010 | 10:56 PM

صباحكم/مسائكم
جبتلكم لعبة حلوة خالص هى لعبة المفتش كرومبو هتبقى حلقات هنطرح فيها مشكلة بتحصل فى المنتدى واول واحدة تكشف الفاعل ليها تقييم
واذا عجبتكم اللعبة متنسوش التقييم
ونبدأ مع
كرومبو كرومبو مع المفتش كرومبو

　كرومبو فى منتدى عروس عشان يعرف لنا مين شغال مخبر على عضوات المنتدى و بيقول كلام مش لطيف دون اى وجه حق

　

انا كلمت المفتش كرومبو النهارده عشان يجى يشوف المنتدى و يقول لنا مين اللى بيتشغل مخبر فى المنتدى و يعمل تحريات ميدانية عن الاعضاء
المهم المفتش كرومبو جه و قعدنا مع بعض و قلت له الحقنى يا كرومبو الاعضاء فى منتدى عروس فى خطر خصوصا الكلام اللى مش لطيف بيتقال على الناس
　
المهم عملت لكرومبو بيه كوباية شاى و بدأ يلف المنتدى و يدور على اى اثار للجريمة يا ترى مين بيتشغل مخبر خاص
　
لقينا واقف فى المنتدى تلاتة
　
اول واحد
حمبوزو لاوى بوزو

　
لاقيناه واقف و بيكلم ناس فى الموبايل جنب الكشك بتاع المنتدى و قال لنا
انا كنت واقف يا كرومبو انت وتوبة فى حالى مستنى سنية شبشب خطيبتى و عازمها على زر بطاطا و انا مش ليا دخل فى الاخبار اللى انتشرت فى المنتدى
　

تانى واحد سيد حبهان بتاع البتنجان

ازيك يا كرومبو انت وتوبة عاملين ايه و اخبار

المسابقات بتاعك ايه يا كرومبو
على فكرة انا ماليش دعوة بالاخبار اللى بتقولوا عليها دى انا كل الحكاية كنت رايح اشترى بجنيه حبنهان عشان عدلات مراتى تطبخ لنا اكله ناكلها
　
بقولك اسال الراجل اللى واقف هناك ده انا شفته واقف من بدرى و بيسال على الناس و جه سالنى على كام واحد شغال فى المنتدى و كان فى ايده ورق كتير عن ناس بيقول انه عمل التحريات
　
تالت واحد

　
تعالى يا كرومبو نسال الراجل اللى هناك دا
　
الله دا طلع بشمهندس شنكليح بتاع المراجيح
اللى واقف ادام مبنى المنتدى بقاله كام يوم يجى شهرين بيعمل تحريات ميدانية خاصة سرية تعاونية مع الجمعية اللى فى جمهورية كازومبا الجهنمية
و رد شنكليح و هوا مضطرب و خايف ايه منك ليه انا واقف هنا عشان مستنى اربعة اصحابى بنعمل شوية شغل انتوا مالكوا بقا انتوا ناس حشرية اوى
　
كرومبو؛ انا دلوقتى عرفت مين سبب الاخبار اللى انتشرت على المنتدى
وزعلت ناس كتير منها
　
1_ حمبوزو لاوى بوزو
2_ سيد حبهان بتاع البتنجان
3_ بشمهندس شنكليح بتاع المراجيح
　
لو عرفت مين السبب فى الحكاية دى يا ريت 　
تقولنا واول واحدة هتكشف المخبر ليها تقييم
و كل سنة و انتوا طيبين
و يجعلو عامر
　

ا

ابتسامة قلب

مشرفة سابقة

02-04-2010 | 11:00 PM

_ بشمهندس شنكليح بتاع المراجيح
احس ما فهمت بس حبيت اشارك مع ان عندي احساس ان صاحب المشاكل حمبوزو لوبوزو

الله يعطيك العافيه

ا

ابتسامة قلب

مشرفة سابقة

03-04-2010 | 07:05 PM

للررررررررفع

ا

ام ملاك 55

عروس ذهبية

03-04-2010 | 08:41 PM

حمبوزو لاوى بوزو

س

سيدة المدينة

عروس جديدة

03-04-2010 | 10:23 PM

انا اعتقد انه سيد حبهان بتاع البتنجان

لانه عرف بالمسابقة يعني يدخل المنتدى

او سامع من احد ان توبه عامله مسابقة

يعني له اتصالات باعضاء المنتدى

ز

زهرة بالبستان

عروس مبدعة

04-04-2010 | 12:09 PM

ابتسامة قلب;11706133:
_ بشمهندس شنكليح بتاع المراجيح
احس ما فهمت بس حبيت اشارك مع ان عندي احساس ان صاحب المشاكل حمبوزو لوبوزو

الله يعطيك العافيه

برافو عليكى ابتسامة قلب اجابتك هى الصحيحة وانتى اول واحدة تجاوب
اام ملاك 55
سيدة المدينة
لو سمحتم قيمولى
ابتسامة قلب

ز

زهرة بالبستان

عروس مبدعة

04-04-2010 | 12:15 PM

بنات انا فكرت فى فكرة هى ان ابطال لعبة كرومبو يكونوا اعضاء المنتدى
بس من غير ما حدا يزعل منى
واول واحد يجاوب هو اللى هيكون بطل
الحلقة القادمة
وبعدين انا هتبع طريقة التقييم تبع اللالعاب التانية يعنى كل خمس نقط تقييم
طبعا و اول واحد هيجاوب صح هيكون اتحسبت لية نقطة
ويا رب كلنا نتفاعل فى اللعبة ومحدش يزعل منى علشان هيكون الابطال هما الاعضاء طبعا احنا اخوات
:087::087::087:

ز

زهرة بالبستان

عروس مبدعة

04-04-2010 | 12:33 PM

بما ان ابتسامة قلب هى اول واحدة تجاوب فهتكون بطلة الحلقة النهاردة

اهلا بيكم

النهاردة حصلت حاجه كوميدى خالص

ابتسامة قلب اشترت 2كيلو برتقال ابو صره عشان عندها شويه برد
الف سلامة عليكى
ههههههههههه
ولما وصل بيهم لباب العماره افتكرت انها نسيت تشترى نص كيلو لبن عشان ولاد اختها وكان واقف امام باب العماره على الرصيف التانى 3 من اعضاء المنتدى

[COLOR=#ff0000]ام ملاك 55الى كانت واقفة بتسمع فى الام بى ثرى اغنيه ريمكس[/COLOR]

التانى توبة ابنة فلسطين الى كانت واقفة بتيبع بوسترات لنادي الزمالك

التالتة سيدة المدينة والى كانت بتشرب عصير فراوله فى المحل الى قدام العماره

فسابت ابتسامة قلب كيس البرتقال جمب باب العماره ورجعت عشان تشترى اللبن

ولما اشترت اللبن ورجعت ملقتش كيس البرتقال

ولما سالت التلاته اذا كان حد فيهم شاف كيس البرتقال بتاع ابتسامة قلب قالوا..

[COLOR=#ff0000]ام ملاك 55:اف..بجد حاجه موش ممكن كيس برتقال ايه وبتاع ايه..يعنى ينفع كده تخرجنى من المود بتاع الاغنيه..بجد حاجه لا تطاق..ال برتقال ال.[/COLOR]

توبة ابنة فلسطين:هاهاها .. برتقال ايه الى انتى جاية تقولى عليه وواجعة دماغنا عشان شويه 2 كيلو برتقال ابو صره..لو لاقيته هاتى واحده..هاهاها

سيدة المدينة:لا انا مشوفتش اى اكياس برتقال خالص انا واقفه بشرب فى العصير حتى لسه مخلصتوش.. تاخد شويه.

ابتسامة قلب
معرفتش مين الى سرق كيس البرتقال

بس انا عرفت

لو انت كمان عرفت

قولي هو مين؟!!
مع تحيات

ا

ام ملاك 55

عروس ذهبية

04-04-2010 | 01:10 PM

اعتقد انتي توبة ابنة فلسطين

ههههههههههههه
يسلموووو
اكيد مو انا لنو كانت اسمع اغاني
هههههه

س

سيدة المدينة

عروس جديدة

04-04-2010 | 02:33 PM

ممكن تكون ام ملاك بحكم انها ما كانت تسوي شيء غير سماع الاغاني

لان توبه كابة بيدها البوسترات

وانا كان عندي العصير

:)

ا

ابتسامة قلب

مشرفة سابقة

04-04-2010 | 07:29 PM

سيدة المدينة

يسلمو ياعسل على اللعبه

م

ماذا اقول

مراقبة أركان البيت والمطبخ ومشرفة ركن الأزياء ، عضو فريق التطوير بالمنتدى

05-04-2010 | 12:01 AM

سيدة المدينه لانها اكيد كانت بتاكل في البرتقال علشان هيك تاخرت في شرب العصير
مشكوره على اللعبه الحلوه توبه

ز

زهرة بالبستان

عروس مبدعة

05-04-2010 | 06:19 PM

ام ملاك 55;11718997:
اعتقد انتي توبة ابنة فلسطين

ههههههههههههه
يسلموووو
اكيد مو انا لنو كانت اسمع اغاني
هههههه

الاعتراف سيد الدليل وبعترف انى اخدت ال2 كيلو برتقال
اصل انا بردة كان عندى برد
وبعدين ازاى عرفت انهم 2 كيلو
مهو انا بعد ما سرقتهم وزنتهم
برافو ام ملاك55 وانتى بطلة الحلقة القادمة

ز

زهرة بالبستان

عروس مبدعة

05-04-2010 | 06:31 PM

سرقه منتدى عروس

النهارده حصلت حاجة غريبه جداااا

منتدى عروس اتسرق..الاوراق الخاصه بالمنتدى اتسرقت..

النهارده كانت ام ملاك 55

قاعد مع 3 اشخاص للبحث فى تطوير المنتدى و هما

1-سيدة المدينة

2-ماذا اقول

3-ابتسامة قلب

وفجأه ام ملاك 55جالها تليفون وسابت مكتبها عشان مفيش شبكة خالص...واستاذنت منهم وسابتهم فى المكتب.

ولما رجعت لقت درج المكتب مكسور و اوراق المنتدى اتسرقت
ولما سألنا

* سيدة المدينة قالت..انا كمان جالى تليفون ع موبايلى وفضلت اتكلم لغاية ماجت ام ملاك من بره

[COLOR=darkorchid]ولما سالنا ماذا اقول قالت..يا مساء الانوار يا كابتن كرومبو.انا قطعا مسرقتش الاوراق لكن (باى ذا ويى) انا كنت واقفه عند الشباك عشان الجو كان حر خالص لغاية ما جت ام ملاك

ولما سألنا ابتسامة قلب قالت..انا يا استاذ كرومبو كنت بحضر شويه افكار لحد ما يجت ام ملاك

انا عرفت مين اللى سرق..لو عرفتوا انتوا كمان اكتبوا وقولوا

[/COLOR]

م

مصراويه

عروس مبدعة

05-04-2010 | 06:52 PM

سيدة المدينه
هى طبعا لان المكتب مفهوش شبكه

م

مصراويه

عروس مبدعة

05-04-2010 | 09:48 PM

انتى نسيت اللعبه ولا ايه يا قمر النسكافبه خلص ولا ايه هههههههههه

ا

ام ملاك 55

عروس ذهبية

05-04-2010 | 10:49 PM

ماذا اقول

ز

زهرة بالبستان

عروس مبدعة

05-04-2010 | 11:15 PM

مصراويه;11730747:
سيدة المدينه
هى طبعا لان المكتب مفهوش شبكه

برافو عليكى مصراوية

مصراويه;11732179:
انتى نسيت اللعبه ولا ايه يا قمر النسكافبه خلص ولا ايه هههههههههه

بجد نسيتها
ههههههههههههههههههههه
:040::040::040:

ز

زهرة بالبستان

عروس مبدعة

05-04-2010 | 11:17 PM

النتائج
ابتسامة قلب:032:
ام ملاك 55 :032:
المصراوية:032:
وانتظروا الحلقة القادمة

ز

زهرة بالبستان

عروس مبدعة

05-04-2010 | 11:23 PM

النهاردة مصراوية وهى ماشية اكتشفت جريمة قتل
فاتصلت بيا على طول
الووووووووووووووووووووووووووووووووووووووووووو
الحق يا كرومبو دة فى واحد ميت
طبعا بسرعة رحت لمسرح الجريمة

حدثت جريمة القتل يوم 2/3/2002

وكان المتهمون ثلاثة حيث كان المفتش كرومبو يسألهم قائلا لأولهم :

اسمك ايه وكنت فين يوم 2/3 الساعة 8 مساءاً
- حازم وكنت مع زوجتي في السينما وخرجنا بعد انتهاء الفيلم من 7 مساءاً الي الساعة 11 مساءاً

- سأل الثاني نفس السؤال اجاب :
- اسمي تامر وكنت في رحلة مع زوجتي بالاسكندرية علشان عيد ميلادها و دي تذكرة السفر بالقطار
ذهاب 29/2 وعودة 3/3

- سأل الاخير فأجاب :
- مهران وانا كنت محجوز في المستشفي العام اشتباه زائدة دودية

في النهاية عرف المحقق الاتي :
ان محمد طلق زوجته يوم 3/3
وان عادل يعمل في محطة القطار
وان مهران خرج من المستشفي الساعة 7:33 دقيقة مساءا
وبعد تفكير عميق اكتشف ان احدهم الفاعل

فكروا قليلا ثم اخبروني من الفاعل ؟
حازم أم تامر أم مهران
وبالطبع السبب الذي تبرهن به علي ذلك