ام ريلي صارت ام بنتي تعالو ساعدوني جزاكم الله خير

صراحه حركاته جدا بايخه لكن اهم شي بنتك خليها تكرر اسمك ماما
وقولي لها عيب محد ماما غيري وفهمي زوجك يكلم امه عجايز اخر زمن

اهو صج تصرف ام ريلج غلط بس بعد اسمحي لي اختي شنو تقوليين هالعيوز اهي حسبت امج لو شنو سوت والمفروض معزتها من معزة ريلج وبنتج المفروض ما تتكلميين عنها بهالطريقه
وبالنسبه لموضوع بنتج دام ها متاثره فيها وقامت صج تناديكم باسمكم صعب تغيرون هالشي لان كل ماغيرتوه بترد تاثر عليها ام زوجج واوردي ريلج كلمها ومافي فايده اهي مقتنعه ان اللي تسويه صح فانتو كبرو عقلكم ومالج إلا الصبر بنتج توها صغيره ومردها بتكبر وبتعرف انج امها وان المفروض تنادييج ماما بدل الاسم وتره في يهال ينادون اهلهم باساميهم بدون محد ياثر عليهم بس لان يشوفون الكل يناديهم باساميهم فيعتقدون ان هذا الصح بس لين كبرو على الثلاث سنين يقدرون يميزون ويفهمون اكثر عكس بعمر بنتج للحين صغيره وما تفهم
واتمنى ما تزعليين مني بس ماحبيت طريقة كلامج عن ام زوجج ادري ان متضايقه منها بس مهما كان هذي ام زوجج والمفروض لها قدرها وكرامتها ع الاقل عشان زوجج وبنتج ةالله يهديها ويصلح ما بينكم

حببتي شيلي تركيزج من ام ريلج وحطيه في بنتج ..... لو تناديج باسمك علميها وقووولي عيب و ازعلي عليهاااااااااا حتى لو صغيرة بتفهم
ولما ام ريلج تقول لهااااا " لاااا انا ماما وهذي ناديها باسمها فلانه" انتي طالعي بنتج وقولي لهاااااااااااااا لاااا عيب ناديني ماما بنبرة حاده وعيونج في عينهااااا

كرري هالعملية كل ما سوت هالحركه بس لا تدخلين ويا ها في اي نقاشات " اقصد ام ريلج يعني"
وصدقيني مره عن مره البنت بتتعود والعمه بعد

بس اهم شي لا تدخلين معها بنقاشات ولا تسوين حساسيه

وبالاول والاخير بعدها ياهل وبتتعلم عادي يعني لا تعطي الامور اكبر من حجمهااا

وعمتج الله يهديهاااااااااا

تحياتي

والله انا معاج واعرف ان التصرف غلط ويضايق بس يمكن انتي كتبتي جذي لانج منفعله والله يخليها لج ويخلي لج الوالده...
وعن تصرفها اكييد غلط وانا معاج ان يضايق ويقهر بس تره في بعض الامهات لما يكبرون يحسون ان ينسحب البساط من تحتهم فيحاولون بشتى الطرق يرجعون لروحهم الاضواء يمكن بتصرفات غلط وتضايقنا بس تره العود في السن يرجع بتصرفاته كان ياهل فانتي لو حطيتي راسج براسها واهي عاندت وانتي عاندتي تتوقعيين من اللي بيضرر؟ تره بنتج بتشتت بين طريقتيين فانا عجبني رد اختي هند طنشي تصرفات ام ريلج وركزي على بنتج وعلميها الصح من الغلط وشوي شوي اهي بتتعود وانتي لو عايشه معاهم اخذيها بالمسايس يعني لو على سالفة اللبس نقي جم قطعه حلويين وروحي لها قولي لها يمه ابييج تنقيين منهم البسهم بنتي تره بتستانس منه بكون على ذوقج ومنه بتحسسينها ان اهي اللي يازعم مختارته يعني يبي لها شويه مسايس وركزي على بنتج ان تعلمينها الصح من الغلط مثل ما قالت لج الاخت هند ولا تحرقيين اعصابج على هالموضوع لان هالسالفه صايره في اغلب البيوت والله يهدي الجمييع

الله يعينك والله
بس ليش تخلينها تقول ماماعوده لا خليها تقول لجدتها امي ولك انتي ماما انا بنتي تقول كذا لجداتها الثنتين
خاصه اذا كانت ام زوجك مب كبيرة مرة او ماتحب تعامل على انها جده

Remation;11706134:
الله يعينك والله
بس ليش تخلينها تقول ماماعوده لا خليها تقول لجدتها امي ولك انتي ماما انا بنتي تقول كذا لجداتها الثنتين
خاصه اذا كانت ام زوجك مب كبيرة مرة او ماتحب تعامل على انها جده

مشكووره حبيبتي وانا اصلا ماعندي مانع بنتي تنادي جدتها ماما لان اساسا انا انادي ام زوجي يمه و بنتي تناديني انا ماما وتناديها هي بعد ماما بس ام زوجي محتجه تبي بس هي تكوون ماما وانا تناديني بأسمي.. :(

انا الفكره اللي في مخي ان عيب تعلمها تنادي امها بأسمها لازم تتعلم من صغرها ان تحترم امها لان اذا لين كبرت تناديني بأسمي فهذا معناته مافي احترام للام ولا تقدير لمكانتها وبالتالي بتصير وحده ماعندها اخلاق وماتحترم احد.. هذي وجهه نظري :( وانا مابي بنتي تصير جذي

ههههههه حاسه فيج الله يعينج بس حاولي تفهمينها ان انتي امها الاولى و عقب اهي ... يعني لو سوت شي قولي لها باحترام لا خالتي انا نا بي البسها يعني عارضي و لا تخلين في قلبح و عقب شوي شوي هي بتفهم خطئها

سلام
اذا بنتك نادتكي بااسمك طنشيه الين تقول مامه:ok:

عارفه رأيي أختي ؟

الموضوع هذا ممكن يعمل مشاكل بينك و بين والدة زوجك

الأصلح إنه زوجك هو اللي يكلم والدته...مرة و إثنين و ثلاثه...ترى هي ممكن تعمل خاطر لإبنها أكثر منك أكيد..و ما يكون في بينك و بينها نقاش مباشر في الموضوع...يعني خلّي زوجك يتولّى مسؤولية هذا الموضوع...أفضل لك

أنا ما أأيّد ابدا الأم ينادوها بإسمها...يعني حملت و ولدت و ربّيت علشان ما أسمع كلمة ماما ؟

تصرف خالتج غلط .. لكن لا تتحسسين من بنتج اذا نادتج باسمج .. عيال اختي ينادووني و ينادون اخوي و خواتي باسامينا .. و كذلك امي و ابوي ينادونهم باساميهم :) يعني ماما عوده و جدي و جدتي مالها معنى عندنا .. خخخخ

يحليلهم هاليهال .. الله يخليهم


و خلي او زوجج تسوي اللي تبي .. بنتج ماردها ان شاءالله بتكبر و بتميز الصح من الغلط

والله انا انقهرت شلون انتي
الله يعينك عليها

ما عندها سالفة ام ريلج ابداااا

اي والله هاذي فلانة! وانا ماما؟!! خوش خوش

ومثل ما قالو البنات عن المشاكل وعوار الراس مع ام ريلج خلي ريلج يكلمها كلام جااد ويبين انج مو مرتاحة وواصلة حدج!!

والله يعينش ويهديها..

اختي ادا نادتتج اب اسسمج حقري لو تقعد تنادييج ساعة حقققري من تقول ماما ردي علييها وقول لها قولي ماما بررد علليج لان انا ماما وبسسس

اختي حاولي اتبينين لحماتج انج تضايقين من هالشي
هيه يمكن مب حاسه او انه مب قصدها شي مع انه اللي اتسويه غلط
بس يوم تسمعينها اتقول جي قوليلها لا انا ماما وهاي يدوه او ماما كبير

الله يكون بعونك


بس انا من رايي اذا قالت لها كذا مرة ثانية طالعي في بنتك وقولي لها غلط ولو نادتك باسمك لاتردين عليها حتى لو تصيح وقولي لهل اذا قلتي ماما رديت عليك ...



والله يصلح الحال !!!