حياكم الله عزيزاتي...
أشكركم على مروركم الطيب و إطرائكم الحلو :)
العولمة;11686809:
اختي اريد طريقتك بالتفصيل الممل انا شفت الرابط الاصلي بس كيف عملتي الشوكوليت الابيض
الكاكاو بنوعيه البني و الأبيض، اشتريتهم ألواح... بعدين ذوبت كل نوع لحاله في حمام مائي... و عشان يكون شغلي سهل شوفي شسويت، جبت ابريقين قهوة تركية (ركوة)، و عبتهم بماي مغلي للربع بس... بعدين جبت بوادي شوربة عميقة و حطيت على كل ابريق وحدة بحيث تكون ثابتة على فتحة الإبريق... و بس، حطيت في وحدة الشوكولاته البنية، و الثانية الشوكولاته البيضا، و رفعتهم على نار هاااادية و حركتهم لحد ما ذابوا بعدين طفيت النار و بديت الشغل...
ابتديت أول بالشوكولاته البيضا، أحط قطعة من كور الكيك و بالشوكة أغطيها بالشوكولاته بعدين أرفعها و اطبطب على طرف البادية عشان تنزل الشوكولاته الزايدة، بعدين حطيتها في صينية مفروشة بورق الزبدة أو النايلون، و نزلتهم من الشوكة بمساعدة عود اسنان... احط العود تحت الكورة و اسحب الشوكة بحذر عشان تنزل الكورة بالصينية...
طبعاً قسمت كمية الكور، نص أبيض و نص بني، و الباقي من نوعين الشوكولاته، حطيته في أقماع ورق و زينته عالوجه مثل ما شفتي، طبعاً خلي الكاكاو يتماسك أول بعدين زينيه، و أنا خليته يتماسك بحرارة الغرفة، ما احتجت أدخله الثلاجة لأن المطبخ كان بارد...
و بالعافية إن شاء الله F:
