تعالو قولو لي وش الافضل لحياتي وسني ؟؟؟

life is dream;14121908:
حبيبتي ....الله سبحانه وتعالى قال (وفصاله في عامين) يعني سنتين حلوة انك تفكرين في الطفل الثاني ليشششش

اولا ولدك بتفطمينه قبل ما يكمل رضاعته ...يعني ما بياخذ حقه كامل مكمل مثل ما يقولون ...وطبعا الرضاعة الطبيعية مفيدة جدا في تقوية جهاز مناعة الاطفال

ثانيا عشان تستعيدي صحتك وحياتك قبل الحمل والولادة ...يعني اكيد تعبتي وتورمتي وطفرتي وشعرك طاح ومتنتي ولا ضعفتي ....كل هذه تغيرات ما ترجع بسرعة ...وحتى دمك والكالسيوم كله بيكون مب ميه ميه

ثالثا ...عشان تاخذين فرصة انت وزوجك تحسون ان انتوا متزوجين وتطلعون وتاخذون فرصة وتعيشون رومانسيات وهالسوالف مو تحسون بضغط وعفسة ياهل ورا ياهل

رابعا عشان العييييييييييين


وادعيلي الله يحقق مرادي يارب

أرق المشاعر;11675656:
والله حبيبتي انا كنت مثلك أخذ حبوب وبس افكر بهالموضوع

وكنت خايفة من الحبوب تسوي لي مناعة طويلة

وغير كذا كنت خايفة منها لأن مو طيب الوحدة تستخدمها فترة طويلة

وبعد تفيكر قررت اني اتركها واستخدم موانع طبيعية احسن اذا حملت خير وبركة واذا لأ الحمد الله

أهم شي جسمي مايتعب من الحبوب لأن مضاعفاتها مالها اول من أخر وتركتها الشهر اللي فات بعد استخدام سنة وشهرين

انا الحين بنتي عمرها سنة و4شهور وصراحة سنها مناسب اذا اني حملت

لكن بستنى الين يصير عمرها سنتين تكون كبرت شوي

انتي حبيبتي خلي ولدك يصير على الاقل سنة او سنة ونص واتركيها وممكن تمنعي بطريقة العزل او الواقي الذكري او العد

بعدين حبيبتي انتي اجلسي بينك وبين نفسك واحسبيها من جميع النواحي

يعني اذا عندك قدرة انك تهتمي بطفلين وبيت وزوج

اذا زوجك موافق ولا رافض يكون في بيبي ثاني حالياً

اذا حالتكم المادية كويسة

وفي الاول والاخير استخيري ربنا والله يكتب لك اللي فيه الخير

بس اهم شي لاتطولي في الحبوب

ونصيحة اخيرة متى ماقررتي انك تحملي ماعليكي من كلام أحد

لأن هذا الشي راجعلك انتي اللي تتحملي المسؤؤلية من حمل وولادة وتربية الناس ماعندها الا الكلام الفاضي وبس

سامحيني طولت بس حبيت اقول كل اللي بخاطري