دكتوري بالجامعة مطفشني يا بنات

أهلين حبيباتي

اليوم أوشك يصيدني انهيار عصبي لان عصبت بشكل مو طبيعي حسيت روحي ودي ارمي

الدكتور من فوق المبنى لتحت ودي اخنقه بس المهم ابي افنيه من الدنيا كلها ولا ارجع

اشوفه مرة ثانية كل المعتاد ظالمني بالدرجات وانا اليوم جاية مزاجي نوعا ما متعكر من

شفت الدرجة انصدمت صدمة مو طبيعية حسيت في شي في قلبي غلط ظليت اطالع الورقة

واطالعه والله ثم والله انها احسن مادة قدمت فيها حركة لا اراديه عطيته نظرته احتقار وطول

الوقت وانا اخزر فيه لان يظلمني بالدرجات وياكل حقي بدون سبب يعني دامه عنده معاي

مشكلة ولا شايف علي شي مو عاجبه المفروض يكلمني مو انه يتصرف تصرفات جهال يطلع

الحرة بدرجتي والله يا بنات انا اكثر بنت من دشيت الجامعة للحين حتى بعد ما ظلمني في

درجة تاريخ البحرين تعوذت من بليس وقلت الله راح ياخذ حقي منه وظليت احترمه واضحك

بوجهه واحضر دائما حصصه مواظبة وهو يقول الا يواضب على الحضور يراعيه ما اشوفه يراعيني

بلعكس دائما ظالمني انا جتني حرة حسيت نفسي راح ابكي لان هذي المادة الوحيدة الا

درستها 3 مرات متخيلين يا بنات 3 مرات دراستها يعني شي طبيعي بنهار اذا شفت ان فوق

هالتعب اللي هلكت نفسي وانا اذاكر نومي ما انام زين علشان يمديني اقعد وادرس مرة ثانية

القى نفسي حالي حال اللي دراس المادة ليلة الأمتحان بس:033:

شي يحز بالخاطر يعني الواحد وده يشوف تعبه اللي تعبه مو انه يلقى درجة ملعوب فيها

وهو الدكتور طول الحصة يطالعني لان انا محتقرته وما قدرت اوقف نظراتي لان خلاص حسيت

نفسي وصلت لحد خلاص بنفجر ابي القى حل له من كثر ما كنت ضعيفة وقتها شرح من

الدرس شوي ما فتحت لكتاب وظليت العب في التلفون وهو يشوف يعني انا بايعتها ومخلصه

دام اللي ما يحترمه وما يحضر يحط له احسن الدرجات وانا اللي احترمه واقدره حتى وانا

متضايقة من تصرفاته اضحك وابتسم لان انا بطبيعي بشوشه بوجه الناس على طول

بس هذا الدكتور الله واكبر منه كأنه صدام ما يحب احد ومن تكلمينه كل على باله انج قاعدة

تتمصخرين عليه وتتطنزين عليه يعني مختصر فيد الدكتور مريض نفسي وفوق هذا عاطينه

نص المواد اللي بالجامعة و اكبر دليل انه يلعب بدرجاتي انا يا بنات متخرجة من ادبي يعني كل

فصل كنت ادرس اثنين دين واثنين عربي واثنين تاريخ وجغرافيا يعني المواد اللي حضرته يفتخر

فيها ومسوي لي فيها فالح وفاهم فيها ويدرسها انا شاابعه وانا ادرسها يعني هو ما قاعد

يدرسني شي جديد وانا احين ماخذه ادارة اعمال بمواد الادارة اجيب فيها درجات وايد زينه

والمواد اللي مو جديدة علي ودارستها وايد اجيب فيها درجات نازله يا بنات انتو لو تفكرون فيها

بالعقل تحسونها منطقيه ان المواد االي دراستها من قبل اجيب فيها درجات نازلة والمواد اللي

توني قاعدة اخذ فكرة عنها واتعرف عليها اجيب فيها درجات عالية

يعني انا وصلت مع هالدكتور لحد

اقول باجر بروح الجامعة وبحط حد له بس محتارة اروح اكلمه هو بس اخاف اكلمه وارفع صووتي

عليه واغلط وعقبها اخسره بالمرة يصير يرسبني


ولا اني اروح اكلم مرشدتي وتشوف لي حل وياه وانا اخاف اكلم مرشدتني وانهار واصيح

لان السالفة وايد حازة بخاطري لان تعبت وايد وانا ادرس هالمادة:091:


ولا بشنو تنصحوني بنات لان انا اليوم من رديت من الجامعة ابكي ابكي حتى غدا ما تغديت و

وتوني من شوي هديت:01:


أنتظر ردودكم علي لا تبخلون علي