يا بنات ددى اول مره اعمل الكريم كراميل بس الحمد لله طلع جميل اوى
وده اول موضوع ليا هناااااا :040:
الكريم كراميل بطريقه shimaaaffi
وددموعى اشتياقى
بسم الله الرحمن الرحيم
مقادير الكريم كراميل
4 بيضات
2 كوب لبن دافى
3 كيس فانيليا
اقل من نصف كوب سكر
نضرب كل المقادير دى مع بعض فى الخلاط
ونعمل الكراميل
كوب سكر فى طاسه على النار وعليه معلقه ميه لحد ما يبقى كراميل ولونو بنى
وبعد ما تتكرمل وتبقى بنى نحط الكراميل فى قالب بايركس متوسط ونسيبها تبرد وتجمد كده شويه
ونحط القالب اللى فيه الكراميل فى قالب تانى اكبر منه يكون فيه ميه لحد ربعه كده
وبعدين نحط عليها الخليط
ونكون مسخنين الفرن قبلها بعشر دقايق
وندخله الفرن على درجه حراره 170 فى الرف الوسطانى
ونسيبها لمده نص ساعه او ساعه الا ربع
نعملها تيست زى بتاع الكيك نشوفها استوت ولا لاااا
انا خرجتها بعد ساعه بالظبط
وسبتها تهدىى شويه وبعدين دخلتها التلاجه تسقع انا سيبتها 10 ساعات تقريبا
بعد ما طلعتها عشان اقلبها كان فايض عندى وانا بعمل الكراميل كميه كبيره فاخدت منهم وحطيته فى قالب بايركس كبير اللى هو هقلب فيىه الكريم كراميل وحطيته فى الفريزر لحد ما لزق خالص فى القالب
وبعدين قلبت الكريم كراميل فى القالب اللى كنت مجمده فيه الكراميل والخطوه دى اختراع كده من عندى :085: للتزيين يعنى
وده كان شكله بعد ما قلبته
وطلع طعمه جميل بجد اوى احلى من اللى بيتباع جاهز :ok:
ابه رأيكم ؟؟؟؟؟؟؟؟؟؟؟:040::040::040::040: انفع ؟؟؟