أزيكم يا أحلى بنات ياااااااارب تكونو دايما كويسين
عملت من فترة شهر كده (عجة في الفرن) وصورتها بس مكنتش نزلتها
:::المكونات:::
6 بيضات
1 بصلة كبيرة مفرومة او متخرطة مربعات صغيرة
3 طماطم كبيرة مقطعة مكعبات
حزمة بقدونس مفرومة
قرن فلفل اخضر مقطع صغير
3 م.ك دقيق كبيرة مرتفعة
فلفل أسمر + ملح + 1م.ص نعناع ناشف + ذرة كربوناتو او نص ملعقة بيكينج باودر
:::الطريقة:::
نحط شوية زيت كتير نسبيا يعني حوالي ربع كباية وزيادة شوية
ونضع البصل لما يدبل انزل الفلفل ولما البصل يصفر لونه انزل الطماطم، وارش فلفل أسمر
وهنا لما نزلت الفلفل
وبعدين هنا حطيت الطماطم + الفلفل الاسمر واسيب الخليط يتسبك كويس واهرس الطاطم بالملعقة عادي من وقت للتاني
لما يتسبك الخليط اضع البقدونس مباشرة + النعناع الناشف واضبط الملح كويس لاني مش هاعرف اضبطه تاني ، واطفي فورا النار مش اخلي البقدونس يستوى نهائيا
وارش اول ملعقة دقيق واقلب والتانية واقلب وهكذا لحد ما اخلص الدقيق ويتماسك الخليط
واخفق البيض برشة فلفل اسمر + الكربوناتو او البيكينج باودر كويس قوي واضيفه برضه للخليط واقلبه كويس لحد ما الخليط يتجاااااااانس يبقى شكله كده
احضر الصينية وادهنها زيت وارش عليها دقيق ، احضرها زي صينية الكيك بالضبط
وافرغ فيها الخليط
بعدين دخلتها الفرن تستوي، واختبرها بعود خشب او طرف السكين مثل الكيك بالضبببببط وهترتفع معايا، لما تستوي اشغل الشواية من فوق تديها بس لون بسيط واطفي عليها
وتقطعيها مربعات والف هنا :025:
استاااااااااهل التقييم ولا مش اتساهله :040: