شغلي بميلاد زوجي

عيد ميلاد زوجي 2010م


الكيكة شغل إيديا وحيات عنيا ولا أحلل النقل للموضوع لانه شخصي
(الكيكة كانت طلب أبو علي ما يبيها من المخبز ويبيها من تحت إيدي )


ما صورت كل الأمور ..




أول شيء عزمته بمطعم وخلينا علاوي عند عمتي وحماتي وطلعنا

وبعد ماجينا خليته يقعد مع علاوي تحت وقلت له أني فوق إذا جاك مسج دعوة جيب علاوي وتعال ضبطت روحي وجهزت الطاولة وحطيت الشموع والكيكة وخشيت الهدية ..






سويت 7 بطاقات وأخذت لكل بطاقة وردة ووزعتهم بالبيت الفكرة مقتبسة من وحدة من بنات عروس.. بس كانت بدون ورد
أني ضفت عليها حركة الورد والحركة الأخيرة إلا هي الهدية الي كانت عندي




حطيت وحدة على قبضت الباب من الداخل ومعاها طبعاً وردة وأني قعدت على الكرسي لما دزيت له الدعوه كان علاوي عندي جابته لي حماتي ..




دخل وهو فتح الباب وجاف الورده قرأ البطاقة كانت في بطاقة ثانية بالمطبخ راح ودورها وبالبطاقة الثانية فيها إنه يروح الطالة بيلقى الهدية تحت الكراسي ولما دخل الصالة جاف بعد بطاقة
تقول له روح غرفة علاوي بتلقاها بين ألعابه راح ولقى بطاقة وبعدها بطاقة في سرير علاوي ومن سرير علاوي لكبت ثيابة كانت الهدية موجودة بالكبت بس موب كلها ..
بالكبت فيه بطاقة تخبره إنه يجيني وهو فكر إنه حصل الهدية كلها جاني بالصاالة قاعدة طلعت له بطاقة كانت عندي مع بقية الهدية ...

وسويت شموع بالصالة عالأرضية مكتوب فيها ilove you وعليها قلب




تفاجأ وظل يضحك وستانس بالهداية




كانت بلوزة وبنطلون جينز وعطر بلاك إكس إس




طبعاً على الكيكة شغلت الشموع كلها إلا الشمعة الكبيرة شغلها بوعلاوي




وهذي الكيكة




قبل إشعال الشمعة الكبيرة









بعد إشعال الشمعة الكبيرة وخسارة الشمعة رقم 2 طاحت و إنكسرت









وهذي بعد التقطيع








إذا عجبكم شغلي وعجبتكم الكيكة قيموني :040:




الكيكة عبارة عن طابقين يمكن ما تبين بالصورة محشية بكستر وكريمة ومشربه جلي




وكل عام وأبو علاوي بخير :086: