ازيكم ياقمرات انهارده الحمدلله اول مره اعمل الحواوشى فى البيت وطلع جميل جدا مشالله
اولا مقادير العجينه؛
2كوب دقيق
2معلقه كبيره لبن بودره
معلقه صغيره بكنج بودر
معلقه كبيره خميره مدوبه فى شويه مايه
ذرة ملح ونص معلقه زغنونه سكر
3معالق زبادى بس انا مكنش عندى زبادى فحطيت لبن رايب واديتنى نفس النتيجه يعنى حولى تلت كوبايه
5معالق زيت
ومايه للعجن
ثانيا الحشو
نص كيلو لحمه مفروم
حزمه بقدونس
بصله كبيره مفروم
ملح وفلفل
اولا نخلط كل المقاديير بتاعه العجعين نعجن لحد ماتحسى ان العجينه مش بتلزق فى الايد وتظبطى يعنى لحد ماتظبط
ونعجن كويس ونسيبها تخمر 20دقيقه
نحضر الحشو نجيب اللحم ونفروم البقدونس زغنن اوى والبصل كذلك ونحط كله على بعضه ونحط الملح والفلفل على حسب الذوق
ويسلالالالالالام لو عندك حته ليه ضانى بس للاسف معنديش:040:
نفرد العجينه بالنشابه وتبقى رفيعه اوى لان العجينه بتنفش اوى ونحط الحشوة
ونفرد الحشوة علشان تستوى كويس
وبعدين نقفله كويس ونعمل العجينه بالشكل ده
وبعدين نجيب صينه وندهنها بالزيت علشان مش مش يلزق
ونجيب بيضه وشويه لبن وندهن بيهم وش العجينه وندخله الفرن حوالى 20 دقيقه او على حسب ماوشه يحمر
ويطلع من الفرن بالشكل ده
ياررررب يعجبكم:083::083::083::083::032:
ي
