بسم الله الرحمن الرحيم ...
أنا أول مرة أنزل موضوع .. بس بصراحة لما شفت مواضيع البنات و إبداعاتهم شجعوني... اني أنزل كمان...:065:
حبدأ معاكم علطول ...
الإكلير بقى ... هو بيتعمل من عجينة الشو ...عجينة الشو دي ممكن تعملي منها الإكلير و البروفيترول و بلح الشام ...
المقادير:عادةبستعمل مج الشاي الزجاج ده لما بيكون العدد لفردين بس بيعملي تقريبا 10وحدات ...لو في ضيوف بستعمل كوب كبير بتاع الماية بيعملي حوالي 20 واحدة )
كوب ماء
كوب دقيق
ملعقة سكر
ملعقة ملح
نصف كوب زبدة
6-7 بيضات (غير محدد لحد ما توصلي لسمك العجينة المطلوب )
فانيليا
الطريقة :
-حطي الماء +الملح+السكر+الزبدة على النار
-انخلي الدقيق كله
-أول المية ما تغلي اقلبي عليها كمية الدقيق كلها مرة واحدة و قلبي كويساوي لحد العجينة ماتلاقيها تماسكت و مش بتلزق في الوعاء و افضلي قلبي فيهاكدا و قطعيها و قلبي بالمعلقة لمدة 5 دقايق على نار هادية ...
- ارفعي العجينة من على النار و ضعيها في وعاء آخر للعجن....
و ده شكل العجينة قبل ما نضيف البيض
-سيبي العجينة شوية ترتاح كدا 5 دقايق ...و ابدئي بقى ضيفي البيض بيضية بيضة ... يعني افقسي اول بيضة و قلبي العجينة كويس لحد ما تختلط كويس بالبيض و بعدين ضيفي التانية و قلبي و التالتة و هكذا ... لحد ما تلاقي العجينة بقت ناعمة كدا و طرية وعشان تعرفي ان كدا كفاية بيض ... اغرزي الملعقة في العجين و ارفيها حتلاقي العجينة اترفعت معاكي و بعددين سابت المعلقة و نزلت عملت شكل منقار كدا .-..حاولت أصورها ما طلعتش باينة خالص .. بس انت اعملي الحركة في العجينة مرتين كدا حتلاقيها الحتة اللي بترفعيها بتنزل تنحني كدا على شكل منقار..
- بس كدا العجينة جاهزة ... شكليها في صينية مدهونة زبدة و تكوني مشغلة الفرن قبلها بربع ساعة .. و دخليها في الرف اللي في النص ...و تابعيها لحد ما تستوي ... وشها يبقى دهبي كدا .. و لو مسكتي واحدة و شقتيها من النص حتلاقيها فاضية من جوة و العجينة كدا استوت ... (لو عندك قمع بتاع الحلويات شكلي العجينة بيها ..لو ما عندكيش ممكن تعمليها بكيس عادي .. أو بالملعقة بس ادهنيها زيت )..
انا بسيبها في الفرن نص ساعة تقريبا انت ابتدي تابعيها من بعد تلت ساعة كدا لحد ماتلاقيها استوت ... و ده شكلها و هي مستوية....
" target="_blank" rel="nofollow">[/IMG]
http://www.3roos.com/files/ups/2010/144802/51267255992.jpg
طريقة كريمة الحشو :
أنا بسمع انها بقت تتباع جاهزة في المحلات على شكل بودر بتضيفيلها مية وتقلبيها كويس ... بس عمري ما جربت الجاهزة عموما هي اسمها (كريمةالباتسيير ) تقريبا ..
المقادير لو حتعمليها في البيت :
- 2 كوب حليب
-6 ملاعق سكر مطحون
ملعقة نشا
ملعقة دقيق
ملعقة كاستر (ممكن تلغيها)
2 صفار بيض
فانيليا..
الطريقة:
-حطي كوب لبن على النار لحد ما يسخن
-هاتي وعاء و حطي فيه كوب اللبن البارد +البيض+النشا+الدقيق+الكاستر+السكر (او ممكن السكر تحطيه مع اللبن الساخن مش حتفرق)و اضربيهم كويس اوي مع بعضبالمضرب..
-لما اللبن يسخن صبيه على الخليط البارد اللي عملناه (و ما تعمليش العكس )ثم ارفعي الخليط كلللله على نار هادئة و استمري في التقليب لحد الخليط مايتخن كدا و يبقى قوامه شبه الكاستر ... ضيفي فانيليا عشان البيض طبعا .. ولو تحبي ممكن تضيفي ملعقة صغيرة مية ورد (حسب الرغبة برده)
بس كدا الكريمة جاهزة ...
بعد ما الشو ما يبرد.. امسكي واحدة واحدة شقيها زي الساندوتش و احشيهاكريمة و زينيها بالشيكولاتة صوص او لو مش متوفر ممكن بصوص الكراميل .. وحطيها تبرد في التلاجة .. و بالهنا و الشفا:ok:
SIZE=4]
[URL]http://forums.3roos.com/uploader.php?do=details&id=201147" target="_blank" rel="nofollow">http://forums.3roos.com/uploader.php?do=details&id=201146[/URL
[URL]http://forums.3roos.com/uploader.php?do=details&id=201147
SIZE] [SIZE=4]