بغيت اطيح وانا حاامل طمنوني....

اختي جان على طوووول رحتي المستشفى تطمنتي


شنوو تنتظرررين؟



وماعليش شر ان شاء الله

مافيج الا العافيه ان شاءالله
بس لازم تروحين الدكتوره تتطمنين لو اي مستشفى بقسم الطوارئ لان مجدر القلق و التفكير مو زين لج

انتي ما طحتي صح ؟


الحامل دايما تفقد توزانها وانا اكثر من مره فحملي الاول طحت ..ومرات زلقت وبغيت اطيح ..واروح اركض المستشفى ويطلع عادي مافيه شي ..


بس اذا خايفه روحي تطمني افضل ..

ياقلبي ماتشوفين شر انتبهي لعمرك انتي حامل تروحين فيها انتي والبيبي شوي شوي علا عمرك وحبه حبه علا الدرج وش معجلك


انشالله مايكون فيك الا الخير بماانك ماطحتي ...


انا تجيني دوخه في الدرج بس عادي والله امشي خطوتين واذا جتني دوخه اجلس علا طول ..


ماادري وش سالفه الدرج يدوخني كني فوق ناطحه سحاب..

خخخخخخخخخخخ..

من جد انا نفسي اعرف السالفه توقعت انه ضغط بس ضغطي تمام بس هاذا الظاهر تبع الوحام مع اني في بدايه الثالث بس


الله يستر علينا يارب وننتبه لنفسنى ...


وتطمني مدامنك ماطحتي ماعليك شر انشالله ...

طمنينى

الحمد الله حبيباتي تطمنت عالبيبي واشكر اهتمامكم ودعواتكم وربي يتمم حملي وحمل كل حاامل .......وصحيح كله احس فاقده توازني

الحمدلله اهم شي تطمنتني على البيبي

وحاولي تنتبهين مره ثانيه

مشكوره اختي عالمرور

الله يتمم لك على خير
كوويس انك تطمنتي
بس انا وحامل فبنتي طحت فالبانيو طيحة قوووووووووية
والحمدلله ماجاها شي وهذي هي جنبي ولسانها اطول منها
خخخخخخخخخخخ

والله حبيبتي انا صارلي مثلك بس ما كنت افتكر انه فيها خطر على الجنين طنشت الموضوع
الين ما نزلت عليه مويه يوم سالت الدكتوره قلتلها من ايش قالت فيه ثقب بكيس المويه قلتلها ايش السبب قالت يمكن انتي معاك الاتهابات ولا شي
تذكرت السالفه وقلتلها قالت يمكن يكون هوه السبب محاولت الطيحه سوت عندك ثقب بالمويه
الله يعافيني ويعافيك