دموعي في عيني والله ماادري شنهو اقول

والله ماادري كيف ابتدي والا شنهو اقول اكيد بتقولون ماعندي سالفه وان عقلي صغير بس ايش اسوي والله المشكله بالنسبه لي صعبه ومضايقتني وايد ابغي افضفض ابغي اطلعها من قلبي ماادري شنهو اسوي والله ودي اصيح:091:والله ساعات اجلس بروحي واسكر باب غرفتي علي وابكي مالي احد اشتكي له الا انتم يابنات المشكله انا يابنات لمن اتضايق والا انفعل كنت اكل بس بطريقة ما حولت انفعالي الى شي ثاني غير الاكل عشان مايزيد وزني الي الشوبينغ والله كل اسبوع انزل السوق واشتري والمشكله اشتري واحط في الدولاب اشياء كثير والله مااستخدمتها حتى ماطلعتها من كيسها دولابي مافي مكان احط شي فيه راح ينتحر موبس ملابس كل شي مكياج اكسسوارات حتى اذا رحت السوبر ماركت اشتري مااقدر اقاوم احاول امسك نفسي مااقدر المشكله الاكبر اني اذا مارحت اتسوق كل اسبوع ماارتاح نفسيا اظل متضايقه ومعصبه ومتنرفزه ومتوتره والله ماادري ويش فيني احس اذا تسوقت ارتاح نفسيا ادور والف في المحلات واتفرج على الناس انسى نفسي وانسى الدنيا ومافيها ماتصدقون شنهو الشعور الي احس فيه المشكله ان زوجي الله يخليه لي مو مقصر معي وكل مااطلب مايقولي لا مع ان حالته الماديه متوسطه الحمدلله بس احس اني زودتها اليوم زعلت زوجي السبب الفلوس والله انه مسكين ابتلى فيني كان خاطري في اسوار ذهب شايفتهم قبل كم يوم وطلبت منه المبلغ والله انه مارفض بس قالي الان ماعندي الفلوس مجهزهم بدخل فيهم مشروع والله شايفته له فتره يجهز له مع ذلك اعطاني الف ريال وقالي هذا الي اقدر عليه الان عصبت عليه وقلت له مايسون شي خلهم عندك والله ماادري وش فيني مع اني اعرف نفسي راح اشتريهم ولا راح البسهم الا مره او اثنين وهو لسى شاري قطعتين ارض وناوي يدخل هاي المشروع عشان يجمع كم ريال عشان يبني لنا بيت نحن ساكين في شقه وهي هديه من ابوه يعني ماندفع اجار الحمدلله بس ماراح نجلس في شقه طول عمرنا لانها بدت تضيق علينا والله زوجي مافي منه بس انا ماادري وش فيني والله اخاف يكون عندي ادمان تسوق واحتاج علاج والله زعل زوجي مني وقالي انت ماتقدرين تعبي وش اسوي انا كذا حاولت اني ابطل هذي العاده بس مااقدر احس غصب عني اسوي كذا مااقدر اتحكم بنفسي بس الحمد لله مانام زوجي الابعد ماراضيته والله مايستاهل اكيد طولت عليكم بس ويش اسوي والله احس اني بصيح والله ماقدر امسك نفسي وناويه اطلب منه الالف الريال بكره مااتوب ولله مااقدر احس شي يتحكم فيني ماارتاح نفسيا الاكذا شنهو اسوي بنفسي والله ان ادموعي تنزل وانا اكتب لكم احس هذا الشي قهري مااقدر اتخلص منه بليز ساعدوني وشورو علي اخاف اذا ظلت على هاي الحاله اخسر زوجي الى متى راح يصبر علي وعلى تصرفاتي هو يتعب ويشقى وانا :091: