حبيت اكتب لكم قصة ولادتي بالتفصيل.. انا من تجمع فبراير واخر دورة لي كانت في 20 /5 وكان موعد ولادتي حسب الدورة في 24/2 فبراير وحسب الالتراتساوند واللي اكدو لي عليه 4 دكتورات وفي مستشفيات مختلفه هو 5 او 6 /3 مارس..
وعشان جذيه كنت متأكده اني ماراح اولد بشهر فبراير:ok:..
المهم بداية قصتي انا وايد متضايقه وملاانه من قعدة البيت لانه زوجي هالايام وايد مشغووول وما يرد البيت الا حزة النوم..
وكنت دايما اقول له ابيك تطلعني مره مع بنتي ومره بروحنا قبل ما اولد لاني بنحرم من الطلعات بعد الولاده وانا زهقانه حددي وما استحمل الحبسه اكثر من جذيه..
تاريخ 25 فبراير قام زوجي وستر على روحه :037:وطلعني بالليل رحنه تعشينا وطالعنا فلم وخليت بنتي البكر عند امي وردينا ..
بقت الطلعه الثانيه وانا كنت مهدده زوجي ان لو ولدت وهو ما طلعني بقتله :085:هههههههه
المهم تاريخ 26 الصبح قام يجيني الم ويروح بس مو منتظم وانا كنت ابي شوية اغراض للحين ما خلصت وكنت مفكره ان هذا طلق كاذب (ريح استقبال) فقال لي زوجي قومي خلنا نطلع ونقضي باقي الاغراض ورحنا فطرنا بكوفي شوب مع بنتنا..
وللعلم كنت بس اتحرك يزيد الالم حتى الناس كانوا يطالعوني بنظرات غريبه ههههههه..
وبعدين رحنا سنتر بوينت علشان اكمل اغراضي وكل هذا كان الصبح وكنت امشي شويه واوقف اتألم وانا اشوف الناس ولسان حالهم يقول ((هذي شكلها بتولد علينا هننييي هههههههه )):060:
المهم خلصنا الضهر ورحنا لبيت حماتي كان يوم جمعه وهي عازمه العائله على الغده... وقلت لعمتي ام زوجي ابغى اتبخر علشان اذا ما كان طلق يروح.. وبخرتني عمتي وخف شوي الالم العصر بس رد رجع المغرب وانا كنت اروح المستشفى من ليلتين علشان تخطيط البيبي لاني طوفت موعدي .. وكانو يبوني ارقد لان تخطيط قلب البيبي مو زين على قولتهم وكان مبين في التخطيط ان عندي طلق .. مارضيت ارقد بالمستشفى وقلت برد البيت وبشتغل على روحي ..
اول شي تعشينا ورحت تمشيت شوي مع زوجي.. وبعدين ردينا البيت وسوت لي امي ماي ورد وزعفران شربته بعد ما قريت فيه بعض الايات القرآنيه.. واكلت 7 تمرات عجوه وشربت ملعقتين زيت الخروع مع عصير برتقال وتبخرت واكلت كم قطعة اناناس وقلت بنام قبل ما يزيد علي الالم.. حطيت راسي لكن الله لا بوريكم نومتي كانت اقل من ساعتين وكل شوي اقعد من الالم غير الكوابييييس المرعبه..
قعدت الساعه خمس الصبح بألم فضيييييع ومنتضم كل اقل من 5 دقايق واسهال ذبحني ضليت قاعده بالحمام الله يعزكم وانا اصيح واتالم في الخمس دقايق 3 مرات تقريبا وما كنت قادره اطلع من الحمام لانه كل ما اقوم يرجع الالم ومع كل طلقه يجيني الاسهال ةهذا بفضل زيت الخروح خلى الطلق حااامي ونظف لي بطني قبل ما اروح المستشفى..
يوم شفت قامت تجيني اللوعه واحس برجع عرفت ان الولاده قربت لانه ببكري قمت ارجع حزة الولاده..وقلت لزوجي يالله قوووم وطلعنا من البيت بهدوء علشان امي ما تحس وتخاف ووصيت اخوي على بنتي ومشينا.. ورجعت قبل ما اركب السياره وقلت الله يستر ما اولد بالطريق وكنت معرقه وبردانه واقول لزوجي لا تفتح النوافذ بردااانه وهو ميت حررر..
المستشفى شوي بعيد بس اشوه كان يوم اجازه ما اتأخرنا ولما وصلت المستشفى على الساعه 8 كنت موصله حددي وقعدت على كرسي متحرك لانه ماقدر امشي وكانوا يبون يفحصوني وما رضيت اقوووم لاني كنت ميته من الالم قلت لهم ودوني الولاده انا خلاااص.. اشوه ان دكتورتي اهي اللي كانت على الكول وكان في حالات ولاده من قبلي وكانت موجوده بس حالات الولاده كلهم كانوا بعدهم في بداية المشوار.. ولما جت فحصتني قالت 6 الى 7 ليييش توج جايه شلون تحملتي الالم؟؟؟
بس انا كنت ابى ما اروح الا وانا بولد خلاص واشوه بسرعه توسعت وبعد كم بوووش ولدت :096:على الساعه عشر اللا ربع بيوم السبت تاريخ 27 فبراير اللي يصادف اجازة المولد النبوي.. والحمد لله ..
صح الولاده وايد صعبه وتميت بالالم يومين والطلق كان وايد حااامي وسريع بس اهون من ولادتي الاولى كان الطلق فيها 3 ايام وبطيييء يذبح..
الحمد والشكر لله ودعوااااتي الخالصه لكل المحرومين يااااارب الله يعطيهم الذريه الصالحه
سامحوني طولت عليكم ..
هذي بنتي واهي ساااخنه اول ما ولدت .. وصورتها الثانيه اليوم بعد ما صارت سمره وصغرت بسبب ابو صفار ههههههه
قولوا ما شاء الله
:029:
