السلام عليكم ،،
هااااي بنااات ،، شخبااااااركم ؟ وحشتووني ،، بس مادري وحشتكم او لا ؟ :041:
طبعاً صار لي فترة ما نزلت لكم لوكات ولا مناكيرات لأأن اظافري راحت عليهم خلاااص ،، من نزلت لكم صور اظافري ،، قامو يتكسرون وحالتهم حاله وما يطولون 
بليز بنات اذا شفتو شي حلو اذكرووووا الله ،،
بليز بنات اذا شفتو شي حلو اذكرووووا الله ،،
المهم ،، يعني وبعد من زمااان ما نزلت لكم لووكات لأن ابتدينا جامعة 
وهالجامعة ما تخلي الواحد يتفنن ويطلع ابداعاته ويسوي لوكات ،،
وهالجامعة ما تخلي الواحد يتفنن ويطلع ابداعاته ويسوي لوكات ،،
واليوم قلت بوريكم لوك برونزي ،، مع اني ما احب الالوان الترابية والبرونزية ،، بس قلت اجرب واسوي لكم ع الورق ،، و طلع حلو ،، واعتقد ع الطبيعة بكون احلى ،،
يالله عن الهذرة الطويلة ،،
نبدأ بسم الله ،،
طبعاً أول شي هذي العين ،، من رسمي ،،
نبتدي نوزع الكونسيلر و كريم الاساس وبعدها نبدأ نحط الشدو ،،
أول هذا الشدو الابيض استخدمته تحت الحاجب ،،
و الحين هذا الشدو الذهبي ،،
نحطه بداية العين ،،
بهالطريقة ،،
وهذا الشدو نحطة على الجفن المتحرك بعد اللون الذهبي << ماعرف اشرح بس بتشوفون في الصور ،، ^^
وهذا اللون بعد نحطه فوقهم ،،
وهالصورة توضح لكم شلون ،،
وندمج الالوان الي حطيناهم بهالطريقة ،،
وباللون الذهبي أو البرونزي نرسم خط دقيق مرتب تحت العين ،،
و بـ هذا الشدو البني ،،
تحط منه على كسرة العين مثل ما تشوفون في الصورة ،،
تحط منه على كسرة العين مثل ما تشوفون في الصورة ،،
وندمجه بصبعنا ،، << لازم بالصبع ههههههه
نرسم العين من فوق بالكحل السائل ،، أو القلم << الي يناسبكم ،، اهم شي يكون مرتب ،، :014:
ونرسم العين من تحت وتخلي الزاوية الخارجية للعين مفتوحة ،،
ونسحب الكحل مع الشدووو بهالطريقة ،، لاحظو مكان الي حاطة دائرة هني نبتدي نسحب ،، << خوش شرح
ونرسم الحاجب باللون البني الغامج ،، وانا هني استخدمت شدو عادي ،،
وهذي النتيجة النهآئية ،،
وطبعاً لازم اركب العدسة بالفوتوشووب وهالعدسة اسمها قولدن ،،
وهذي النتيجة النهائية مع العدسة ،،
وانتهينا من مكياج العيون وتقدرون تحطون معاه روج بني ،،
مثل هذا يعني ،، أو حتى أحمر يطلع حلووووو معاه ،،
وتقدرون تلبسون مثل هاللبس والاكسسوارات ،،
هاللوك من ذوقي وتصميمي بالفوتوشوب ،، << ممنوع السرقة ،، :083:
وبس ،،
اتمنى كل من يعجبها موضوعي تدعي لي ان ربي يحسن اوضاعي المهنية والعاطفية ،، << على قولة الابراج خخخخخخ
اي ونسيت شي بعد ،،
موضوعي جهدي الشخصي ،، ممنوع نقل الموضوع بأي شكل من الاشكال ،، حرام عليكم ترى
انتظر ردوودكم وتعليقاتكم وانتقاداتكم ،،
وتقييماتكم ،، 
وتحياتي لكم ،،
