بظلم نفسي؟؟؟؟

السلام عليكم ورحمة الله وبركاته...

حبيباتي انا اكتب لكم ودموع القهر مليا عيوني...

هذي مشكلتي...وامانة لا تبخلون علي بالردود ولا تحسونها سخيفة او شي...انا انسانة جدا حساسة وافكر بعقلي قبل قلبي...لكن هالمرة خانني الموضوع..

انا كنت مخطوووووبة وسبحان الله انا وصديقتي تفركشت مواضيعنا...

اليوم بس انتهى الموضوع...وانا والله لحد الان وقلبي معورني مرات ابكي ومرات احمد ربي ومرات احس اني بنجن...

اللي كنت مخطوبة حبيته من كلام هلي عنه...ابوي يعز الولد كثييييييييييييييييييييير والولد ما شفنا منه الا كل خيير..لكن امه للأسف من النوع الغيووووووووور اللي تحب ولادها يظلون لها...البارحة كلمت امي وقالتلها كلام عن مكان الاقامة وقالت امي لها ليه تغيرون رايكم واتفقنا وكل شي انحل وكنا خلاص بنكتب الكتاب والمشكلة انه في دولة ثااانية وانا مابي لان هلي وحيدين هني كيف اتركهم واروح اخليهم لمن؟؟؟

المهم امي قالت لها من اول الموضوع وانتم تخلقون مشاكل لو من الاول ما تبون البنت كان قلتوا ولا علقتوها كل هالفترة وبعدين امي قالت لها والله بالحرف الواحد الله يسامحكم وحسبي الله البنت تعلقت والكل يعرف انها مخطوبة ..

ام الولد قالت كيف تقولين هالكلام وعصبت ونحن ما كنا نلعب و انتهت المكالمة وانا تحطمت...احلامي افكاري راااحت...

كان ابوي يوصل للشاب افكاري وهكذا خلوق ومهذب ويحبني ورايدني ومشكلة الخطبة الطويلة انه كان يدرس فالجهتين قالو اول ما يخلص نكتب الكتاب..وانا يا بنات تعلقت...اذكر كل كلمة قالها ابوي عنه حبيييييييييييته من كل قلبي حبيته فالله...وكان دووم ينقل وجهة نظري له..دوم كنا نتناقش..وامه تقول للشب انها تحبني وانا اشوف المعاملة غير لكني والله كنت امشي..

وبعد هذا هلي قالولي اصبري وروحي معاه البلد واقتنعت وقالولي اليوم اكلم الولد طبعا بحضور امي بس اعرف منه كم شغلة لانه في بلد ثانية...وكلمني وكان محترم جدا واتفقنا...

بعد هذا طلب مني يكلم امي..كلمته امي وقالها امي تقول انك تدعين على خواتي...قعدت تحلف له انه ما صار وقالتله انها بس قالت الله يسامحكم وحسبي الله انهم علقوني وعملوا كل هالمشاكل هذي..

المهم امي قفلت معاه وخلاااص كنه ما في شي..

بعدين قالت امي ابي اتصل على امه يمكن هي فهمت شي غلط اعتذر لها عنه ...قالت نكون احسن منهم وبالفعل اتصلت ولاقت الرد غير طبيعي من ام الولد..قالت لها دعيتي وانا قلت لك عن تفاصيل حفلة كتب الكتاب وانتي كنتي تصارخين...وانا والله يا بنات كنت قاعدة عدال امي وربنا شاهد انها ما جابت سيرة لا حفلة ولا شي...وامي ما صارخت...وقالت لها ع العموم الولد ما يبي البنت خلاااص ما في بينا شي..قالت لها معقوول؟؟قالت هيه خلاص ما يبيها!!!قالت الولد اللي كان يحبها ويغليها وعمل كل شي علشانها؟؟؟قالت هيه ما شي نصيب..

هذا وكان الابو بيجي عندنا اليوم يكملوا التفاصيل وابوي اتصل له قبل ما يعرف بموضوع الام وما رد عليه ...ولما قلنا لبوي قال اعتبروا الموضوع منتهي وانا وقتها تقبلتها وعااادي انه صح خلااص

لكن عقلي يودي ويجيب فيني ...بالاول قالت لبنها شي ما صار وشوهت صورتنا قدامه وانا صدق اكره ما علي احد ياخذ عنا فكرة غلط..والحين اكيد بتكون قايلة لابوه نفس الشي..وانا ما بي حد ياخذ فكرة عنا غلط وهذا اللي قاهرني...وبعدني ابكي ومو مستوعبة الموضوع...

كرهت نفسي والله اخذت قرار اني مابي اتزوج عشان يكون هو زوجي بالجنة ان شاء الله...ما تخيل اظلم شاب واخذه وانا احب غيره ..

الله اعلم الام ما تحبني ...لكني والله الشاهد احبهم على رغم كل شي عملوه لاني حبيت الشاب في الله ..مابي اتزوج غيره واخاف اصدم اهلي بقراري يتعبون ...واكيد يبون يفرحون فيني..

هل بظلم نفسي لو ظليت مو متزوجة؟؟؟وهل ربنا بيحقق مرادي اني اخذه في الجنة؟؟والله تعبت ونقصت 5 كيلو في اسبوعين من الهم...قريت قرآن واستغفرت واستخرت وعارفة ان كل شي قسمة ونصيب لكن هو كيف يفكر فينا الحين؟؟ان نحن ما عنا اصل ومثل ما وصلتله امه الصورة..شوروا علي شسوي؟؟؟مابي ازعل هلي ولا بي اظلم احد وابيه هو زوجي في الجنة...

اسفة طولت عليكم لكن ما عندي حد اشكيله غير الله ثم انتم ...وشكيت لربي لكن كانسانة احب اسمع ارائكم فاكيد انتم عندكم تجارب وبتنصحوني..

اختكم الصغيرة keify:065: