يارب يا بنات كلكم تكونو بخير
الشهر اللي فات تقريبا كان عندي سمك فليه، ومش عايزة اقليه قولت اغير
عملته نفس طريقة السبيط وكان ممكن أعملها ني× ني كانت هتطلع حلوة برضه
وعملت معاه رز سمك + جندوفلي + سلطة خضرا + سلطة طحينة عشان الجندوفلي :ok:
وإليكم التاااااااااااااااالي
لكن اعذروني في خطوات كتيرة مش صورتها ولكن اكيد هتعرفوها :014:
كمان في شوية ملاحظات هاقولها في الاخر
(صينية السمك)
::: المكــــونات :::
كيلو سمك فليه
2 حبة بطاطس كبيرة مقطعة حلقات
2 حبة طماطم كبيرة مقطعة مكعبات
1 بصلة كبيرة مقطعة حلقات
حزمة بقدونس وسط مقطعة
ملح + فلفل أسمر (لتتبيل السمك)
عصير ليمونة
دقة سمك مكونة من (7 فصوص ثوم + قرن فلفل أخضر + معلقة صغيرة كمون + نص معلقة صغيرة ملح عشان الثوم يتهرس كووويس + شطة حسب الرغبة وحسب الفلفل الاخضر لو مش حامي) ويدق الخليط كويس جدااااااااا
وناخد من التتبلية معلقة صغيرة مليانة
::: الطريقة :::
اول حاجة غسلت السمك كويس قووووووي وحطيته في مصفى يتصفى
بعدين رصيته على صينية واسعة وتبلته برشة ملح بسيطة وفلفل اسمر بعدين نحط عليه تتبيلية من الدقة
وسبته يشرب من التتبيلة عبال مااشتغلت في باقي الاكلة
في حلة حطيت مية وملح ونزلت البطاطس الحلقات تتسلق بس تفضل جامدة يادوب بس الشوكة تدخل بس مش بسهولة روحت صفيتها وغسلتها بمية باردة عشان مش تستوى اكتر بالسخونية
جبت طاسة كبيرة حطيت فيها شوية زيت لما سخن نزلت البصل الحلقات
وجبت كمية الدقة الباقية وكانت معلقة صغيرة حطيتها على الطماطم وضغطت عليهم باديا كام مرة كده واختلطو مع بعض
لما البصل يا دوب دبل ولسه هيبقى دهبي نزلت عليه بالطماطم
ويادوب بس المية تنشف شوية مش كتير يعني طفي عليها النار واضبطي الملح كويس لكن مش تكتري عشان احنا متبلين السمك بالملح وسالقين البطاطس في مية بملح
بعدين جبت صينية
رصيت فيها حلقات البطاطس، بعدين رصيت فوقها السمك
بعدين جبت الخلطة وصبيتها فوق السمك بالتساوي
بعدين حطيت حوالي ربع كوباية مية بس مش اكتر عشان السمك بينزل مية كتيرة ودخلتها الفرن ورشيت البقدونس على الوش
بعدين سويتها في الفرن وللاسف ما صورتش الصينية لما طلعت :039:
وعمل معاه رز سمك
(الــــــــــــرز البني)
::: المكونات :::
كبايتين رز
كبايتين مية (نفس الكوب اللي عايرنا بيه الرز)
بصلة وسط مبشورة
معلقة كبيرة دقة (فصين ثوم + كمون + شطة + قطعة فلفل اخضر)
طماطماية وسط مبشورة اوعي تضربيها في الخلاط لالالالالالا ابشريها بالمبشرة
::: الطريقــــــــــة :::
في حلة حطيت زيت ونزلت عليه بالبصل
وفضلت اقلب فيه لغاية ما لونه بقى غامق جداااا
بعدين نزلت عليه بالدقة وقلبت تقليبتين كده ورشيت فلفل اسمر حوالي ربع معلقة صغيرة
بعدين نزلت بالطماطم المبشورة + ربع كباية مية
وسبتهم لحد ما اتسبكو كويس خااالص مفيش مية وده شكلها
نزلت عليه بمعيار المية تبع الرز، ولازم المية تغلي
والمية هيكون لونها بني زي لون البصل
ولما المية تغلي اضبط الملح كويس وانزل بالرز
نحط الرز ونغطيه وأول ما المية تغلي حوالي دقيقة اقلب الرز كله تااني وانقله على نار هادية حتى لو المية مش اتشربت
واسيبه يشرب ميته على نار هادية ويستوي براحته يعني هياخد ثلث ساعة او نص ساعة
انا بافتح عليه بعد ربع ساعة وادقوه لو بيقرقش شوية اسيبه يكمل سوا
ومش صورت برضه الرز لما خلص :085:
وعملت جاندوفلي (قواقع بحرية)
بانقعه في المية بخل لمدة يومين عشان يفتح ويطلع الرملة، بعدين بامسك كل واحدة افتحها واغسلها تحت الحنفية زيادة تأكيد
واحطها في حلة واخرط عليها بصلاية كبيرة ورشة فلفل اسمر ورشة كمون وملح وشطة
واقلبه كله على بعض كويس قووووووووي بعدين احطه على النار مع نص كباية مية
وطحينة وسلطة
ودي السفرة :040:
::: الملاحظات :::
1/ ان شاء الله بعد كده مش هاسلق البطاطس هاحطها نية عادي وكله هيستوى في الفرن براحته.
2/ ممكن اعملها ني × ني
اخلط البصل مع الطماطم والدقة وكله كله بالبقدونس كمان من غير اي نارمع شوية زيت كله على البارد واخلطه مع السمك وبعدين ارصه على البطاطس واصب الباقي فوق السمك.
3/ اطفي النار على الخلطة واركن الخلطة على جمب وارش البقدونس عليها واقلبها واصبها فوق السمك عشان يندمج البقدونس مع الخلطة.
ويارب الطبق يكون عجبكم مع التقييماااااااااااااااااااات إن شاء الله يعني :040: :083:
:087:
