برنامج نفاسي .. خلاني وردة في شبابي .. والشذى بأنفاسي بالصور

&

ღღ دريـــم ويــب ღღ

عروس ركن النساء والحمل والولادة

24-03-2010 | 09:15 AM

صبحكم بالخير أمهات وحوامل عروس:065:
زي ماوعدتكم أنزل برنامج نفاسي اللي رجعني وكاني توني عروس ماقد حملت ولا ولدت
قولوا
ماشاء الله تبارك الرحمن:037:

طبعا انا الوالده الله يخليها لي جهزت لي كل شي قبل ولادتي بشهر واشترت كل اغراض نفاسي من دبي والبحرين

أبدأ مستعدين :03:

بس راح أكتب الموضوع على فترات لأن بنتي الله يصلحها كل نص ساعه تقوم من النوم:049:

***

قبل الولادة بشهر

طبعا قبل ولادتك بشهر لازم تكونين مجهزة كل شي تحتاجينه عشان ماتطلعين وقت نفاسك تشترين

أشتري دلة شاي صغيرة ووقت مايجيك الطلق حطيها بالمطبخ او وصي احد يسويها لك
وهي تغلين
قرفة - كمون - زنجبيل
وتحطينهم بالدلة وتشربينهم بعد الولادة على طول ما انتي بالمستشفى تنزل اوساخ الرحم وانتو بكرامة وتشيل نفاخ البطن..

بعد ما تطلعين من المستشفى وتروحين البيت:025:

الاسبوع الاول من النفاس

لازم تلبسين بيجامة دافية داخلية ومعاه شراريب .. انا شريت شورتات ضاغطه ولبستها تحت الروب وشريت اروابي من بي اتش اس وماك اسينسر ومن دبنهامز
واذا جاووني ضيوف البس شيلة ملونة نفس لون الروب

حاولي تشترين ستيانات رضاعه كثيرة ومقاسات اكبر من مقاسك بمرتين

الفطور 7الصباح

بيضتين مسلوقتين + كأس حليب بحلبة محلى بالعسل أو سكر
وهذي شكل الحلبة

اطحنيها وحطيها بعلبة وحطي ملعقة كبيرة بالحليب

الساعة 9 الصبح

تآكلين اللهوم وهو اهم شي في برنامج نفاسي ينظف الرحم ويطرد الاوساخ ويرجع الرحم لوضعه الطبيعي وبنفس الوقت يدر الحليب

مكوناته

( ربع كوب رشاد مطحون + ربع كوب حلبة مطحونه + ربع كوب حبة سودا مطحونه)

هذا شكل الرشاد

خذي ملعقة كبيرة مع كأس برتقال فرش
لازم ضروري
لان عصير البرتقال ، يمشي بطنك ويعطيك نضارة في الوجه لان وقت ماتولد الوحده يجيها امساك
والامساك مو زين للي والدين طبيعي يسوي بواسير:040:

الساعة 10 صباحا

آكل عصيدة تمر + شوربة رشاد احنا نسميها (حسو)

طريقة عصيدة التمر بآخذها من الوالدة اليوم وبكتبها لكم وفوائدها تقوي الظهر من بعد الطلق وتسمن الجسم تعطيه قوة
وكذا شكلها

طريقة الحسو تحطين موية تخلينها تغلي وتحطين المقدار اللي تبينه من الحسو امي تسوي قدر كبير مره يكفي ل 3 ايام وتحطه بالفريزر
وتحطين فلفل اسود وكمون و4 حيات ليمون اسود بس بدون ما تشقينهم عشان مايطلع الطعم مر
وع جنب تقلين بيضة
واذا استوى الحسو تحطين البيضة فوقه وتحركينه بالملعقة
وبالعافية ترى طعمه مره لذيذ وفؤائده كثيرة
يرجع الرحم لوضعه الطبيعي ويشد المنطفة وينطف الرحم من الاوساخ ويدفي البطن
وهذا شكل الحسو
بس انا معاه بيض ولومي اسود

الساعة 12 مساءا

فواكه
تفاحه وموزة
او
كمثرى ويوسف افندى
او عنب و كيوي

اهم شي تاكلين نوعين فواكه وبعد اشربي مويه كاس او كاسين

الساعة 2 ظهرا

الغداء
مطازيز (المرقوق)+ سلطة + شوربة الحلبة بالدجاج
كاس عصير فرش

هذا شكل المطازيز

وطريقة شوربة الحلبة بالدجاج

تحمسين البصل والثوم وتحطين قطع الدجاج تكون مربعات او تحطين دجاج بعظم يعني صدر فخذ وجناح
وتحمسينهم عدل وتحطين مويه كثير وتحطين فلفل اسود وكمون وكزبرة وبهارات الدجاج شوي مره
وليمون اسود
و5 ملاعق كبار حلبة
و5 ملاعق كبار ماش

وهذا شكل الماش طعمه زي العدس

وتحطين كل الخضار اللي تبين
بس انا ما احب الا 3 انواع الجزر والبطاطس والكوسى احسها كذا اخف والذ
والله ان هالشوربة فوائدها كثيرة مره
تورد الخدود وتروي الجسم وتدر الحليب وتقوي الظهر وجراحتك تطيب بسرعه
وحتى شعرك يقل التساقط

وكذا يصير شكلها

انتظروني راجعه لكم :083:

ش

شــــ م ـــــوخ

عروس مشرقة

24-03-2010 | 09:49 AM

مشاءالله الموضوع وايد حلو والاحلى بالصور

مشكوووره

متابعه الموضوع للاخر

ك

كل الحياهـ انت

عروس نشيطة

24-03-2010 | 09:52 AM

:083:

يــأإآآآآآي:ok:

خلاص متى اوووووووووولد :091:
يعطييييييك العافيــه ..
وان شاء الله بجربهـأإآ وبكتبهـأإآ اللحين بس قلت خليني ارد اول :037:

يعطيك الف الف الف عافييييييييه ع المجهوود:025:

م

ماشية بالدرب

عروس نشيطة

24-03-2010 | 10:03 AM

ماشاء الله مرتبه كل شي
انشالله من تقرب ولادتي انقل الموضوع مدري انقله من هسه؟؟

ع

عرووس الدلتا

عروس فضية

24-03-2010 | 10:12 AM

مشكورة يا قمر

s

sweet lady88

عروس ماسية

24-03-2010 | 10:19 AM

ما شاء الله برنامج متكامل

مشكورة يالغلا

نترياااج ^^

*

*ام وسام*

مشرفة سابقة

24-03-2010 | 10:43 AM

راااااااااائع جدا ... وصدقتي في اشياء كثيرة ومرت على بالفعل

مع الخياط احذري من الامساك ... غير ان الامساك بعد الولادة بيجيب بواسير
انا واحدة من الناس اللي اصابها بواسير في النفاس
والحلبة بتدر الحليب بشكل رهييييييييييييييييب ... ما اشاء الله امي كانت كل يوم الصبح كوب حليب بالحلبة وكان الحليب يدر عندي نواااااااااااااااااافير
عصيدة التمر ثابتة عندنا بس تسمن لهذا ما اكثرت منها .. وعندنا بعد عصيدة الحلبة كمان بس بتسمن وما اكثرت منها
الفواكه مفيدة جدا للمراة في الايام دي وبتخفف الوزن الزايد

صحيح برنامجك روووووووووعة وكله اشياء مفيدة بالفعل ومجربة ..
مشكورة حبيبتي على مشاركتنا تجربتك وبحفظه عندي باذن الله في حالة حملت وجاني بيبي تاني

وتستاهلي التقييم

ا

ام حسوني1

عروس مبدعة

24-03-2010 | 10:56 AM

مشكووووووووووورة عزيزتي

&

ღღ دريـــم ويــب ღღ

عروس ركن النساء والحمل والولادة

24-03-2010 | 11:16 AM

شــــ م ـــــوخ
مشكورة عزيزتي ع المرور:065:

كل الحياهـ انت
الله يجعلها لك ولادة سهلة ميسرة حبيبتي:083:

ماشية بالدرب
احفظيه عندك بملف ورد :025:

ملك حياتى

مشكورة ع المرور عمري:072:

sweet lady84
هلا حبيبتي ,, نومت بنتي واللحين بكمل لكم :016:

*ام وسام*
مشكورة حبيبة قلبي ع المشاركة وان شاء الله يارب تبشرينا بخبر حملك قريب يارب:072:

dunja

شكرا عالمرور:025:

N

N O U R

مشرفة سابقة

24-03-2010 | 11:20 AM

برنامجك كتير ائع ومفيد :ok:
تسلمي غلاتي علي طرح تجربتك المفيدة ان شاء الله لما اجربها قريب :040:

جزاكِ الله خيرا

واحلي تقييم لروعتــــــــك :016:

ا

ارجوااا

عروس مشاركة

24-03-2010 | 11:20 AM

مشكووووووره يالغاليه وانا امي بعد تسوي نفس الطريقه الله يخليها لي

ع

عضوة

24-03-2010 | 11:32 AM

للررررررررررررررررفع مشكووورة والله محتاجته كثير لكن هالاشياء ماسمنتك

O

Om NaWaRa

عروس رائعة

24-03-2010 | 11:44 AM

يسلموو

برنامج ولا اروع

واكيد بنستفيد منه بعد الولادة ان شاء الله

ربي يتمم لنا على خير ويسهل ولادتنا بوقتها

جزاج الله خير حبيبتي

:)

&

ღღ دريـــم ويــب ღღ

عروس ركن النساء والحمل والولادة

24-03-2010 | 11:50 AM

عدنا :041:

طبعا حبيت انوه انو تنامون بين فترات الاكل لان النوم مهم جدا جدا لان السهر مع البيبي والرضاعة المتقطعه كل وقت تهلك الوحده
الله يكون بعونا جميعا

الساعة 4 عصرا

كانت ماما تسوي لي شاي بالقرفة + معجنات بيتزا وسميوسة لحم
او
دلة قهوة فيها مسمار لان المسمار ينظف الرحم
مع تمر + القيمات بدبس

هذا شكل المسمار يسمونه قرنقل

اهم شي الاكل وقت النفاس لان الجوع يخرب الوحده

الساعة 8 وقت العشى

رز حساوي مع خضروات ولحم (اهل الخليج يسمونه مفلق) ونحط معاه حلبة مره لذيذة هالاكلة ومقوية للجسم
وتمشي البطن لان الرز الحساوي نخاله
وهذا شكله

وراح اسأل ماما واكتب لكم طريفة طبخه
+ شوربة كويكر بالطماطم
وكذا يصير شكلها والكل يعرف طريقتها سهلة

+ عصير موز وفراولة بالحليب
+ تبولة

طبعا انا عندي ثلاجة صغيرة بغرفة نومي وامي وابوي الله يحفظهم معبينها لي حليب بالشوكولاته وحليب السعودية وحليب بالفراولة
وزبادي انواع واشكال

عشان كل ما عطشت ولا جعت اشرب
لان الوحدة بعد الولادة تفقد سوائل كثيرة وحتى مع الرضاعة الطبيعية تحسين بعطش
ودايم خلي عند راسك جيك موية معتدل الحرارة عشان تشربين منه

وبما انك نفاس لا تفكرين راح تنامين بعد العشى وماتصحين الا 7 على الفطور:037:
لا يا عيني راح تاكلين غصب ولا بيجيك ضرب مثلي من امي:041:
كنت افضل النوم على الاكل

بما انا كانت ولادتي برمضان فا الساعة 12 بالليل
امي تسوي لي ثريد يمممي هالاكلة اموت فيها
وهي تتكون من خبز رقاق مع مرقة خضار باللحم
وهذا شكلها

+
كوب لبن
+ تمر بالسمسم

وبعدها عاد الوالده الله يعطيها الف عافية تستأذن تروح تنام لان تكون دايخة رمضان ونفاس يا عيني:025:

هذا النظام حبيبات قلبي تستمرون عليه اسبوع اوكي
وممكن تسوون تغيرات من ناحية الغدا والعشى اما الباقي خلوه زي ماهو
يعني تسوون كبسه لحم - كبسة دجاج- برياني روبيان
مضروبة روبيان
هذا شكل مضروب الروبيان

تسوون قبوط
وهذا شكله يشبه المطازيز بس انه محشي لحم

هريس
وهذا شكله

جريش
وهذا شكله

سليق

رز ابيض مع سمك مقلي

ابتعدو عن الخرابيط اكل ايطالي ولا صيني ولا همبرجر وهوت دوق والله ان يخرب الوحده
ويخلي جسمها خاوي وعظامها هشه
وقلبها كله يدق من فقر الدم

لأن انتي يبي لك قوة وكالسيوم عشان ترجعين بصحتك لبيتك وزوجك وتقومين في بنتك وعشان لا حملتي مره ثانية يكون عودك قوي

وفي نقطة نسيتها
لا تنسين فيتاميناتك اهم شي
الحديد والكالسيوم تاكلينها لمدة شهرين
:083:

بصلي الظهر وراجعه لكم

ن

نوادر العرب

عروس فضية

24-03-2010 | 12:15 PM

(موضوع جدا رائع تسلمين على الطريقة وتستاهلين احلى تقيم)

ض

ضئ القمر

عروس ماسية

24-03-2010 | 12:26 PM

ق

قلب ريلها

عروس نشيطة

24-03-2010 | 01:27 PM

موضوع جدا روعه

وكنت محتاجه مثل هالموضوع

الحين انتي خلصتي نفاسك (مثل ما امبين من رمضان نفاسك)

شنو النتايج ؟

&

ღღ دريـــم ويــب ღღ

عروس ركن النساء والحمل والولادة

24-03-2010 | 01:35 PM

حبيباتي انا ما خلصت بكتب لكم كل شي بالتفصيل من ناحية الاكل والعناية بالجسم والعناية بالمنطقة الحميمة وعن الرياضة والبطن كل شي
بس لاني بسافر اليوم لاهلي ادعولي اوصل بالسلامة من اروح لهم .. بكتب جميع الوصفات من ماما واكتبها لكم انتو غاليين علي

p

princes_lolo

عروس رائعة

24-03-2010 | 02:22 PM

مشكورة

ر

ريحانة القدس

مشرفة سابقة

24-03-2010 | 02:30 PM

غاليتي دريم الحمدلله على سلامتك .
وما شاء الله موضوعك رائع وشامل ويستحق التميز..