شنو الفرق بين البامبرز العادي والبامبرز البرتقالي !

استخدم العادي

وماعرق البرتقالي يمكن اللي يكون على شكل اندروير يعني ينلبس مثل الاندروير ؟!

اذا هو ما انصحش لأنه مو عملي بالمرة وقت التبديل خصوصا لبيبي الصغير

يمكن تناسب للأطفال الكبار عشان يتعلمون على لبس الاندروير ويتروكون الحفاظ

بس مو متأكدة هذي اللي تقصدينه والا يمكن منزلين شكل يديد وللحين ما دريت فيه !

السلام عليكم

البرتقالي اللي نزل من فترة وهو اسمه نوم ولعب

بس الابيض الجديد ماعندي فكرة عنه ..
قرأت عنه في المنتدى هني على ما اظن عيوب وايد
يقولون بعضهم يسرب والله اعلم
يعني هو يازعم حق النوم لوقت طويل وحق مرحلة الاطفال اللي يلعبون..

مافيه فرق .. بس زيادة السعر !

استخدمي الابيض او العادي الاصفر .

بالنسبة لي انصح بعدم تجربة البرتقالي او اي نوع جديد يطلع غير العادي
وعن تجربة شخصية ان البرتقالي ابدا ما انصح به لان رقيق ويسرب بشكل سريع خارج الحفاظ
وجربت الكلوت بعد نفس الشي اللي هو خاص بالبنات
فأحسن شي العادي

البرتقالي نوم ولعب..

يزعم حق وقت النوم و وقت اللعب وعادي تم الحفاضه الى 9 ساعات..

والابيض..يزعم بالقطن الطبيعي..والعنايه فائقه..

نفس الشي جربت البرتقالي يسرب

والعادي اوكي وايد زين ..

والابيض بعد زين ..

احلى شي الابيض لأنه صج ناعم على بشرة الطفل بس عيب بامبرز معطر .. عشان جذي انا اخذ هجيز

انا استخدم العادي حق ولدي الصغير واشتريت الأبيض اللي بالقطن بس بعدني ماجربته

اما بنتي استخدم لها الكلوت وقت النوم جربت لها تبع بامبرز لكن مو زين يسرب كثيييير
والحين اشتري لها كلوت بيبي جوي الزهري تبع البنات و مرررة ممتاز ويتحمل

بامبرز الابيض جديد ومكتوب عليه بالقطن ومريح (ماجربته للحين)

بامبرز العادي مكتوب عليه (نشاط وحيوية) وهو اللي الكل يستخدمه

بامبرز البرتقالي أرخص من البامبرز العادي ومكتوب عليه (نوم ولعب)
هو نزل في الاسواق من فترة من كم شهر وسعره ارخص من العادي
بس ناس واجد جربوه وماعجبهم يقولون يسرب!! يمكن لانه اضعف من العادي مو كل الاطفال يناسبهم
للأمانة جربته لبنتي وماسرب ابدا معاها وعادي ماحسيت له اي مشكله بالمرة

بس من كم يوم لفت انتباهي دعاية بامبرز (نوم ولعب) اللي المفروض كيسه برتقالي
بس في الدعاية كيسه نفس لون العادي؟؟ احد لاحظ مثلي؟؟

البرتقالي كلش مانصحش فيه

استخدمته لولدي وايد يسرررررب

البامبرز اللي عندنا اصفر و ازرق ما اعرف اذا في ابيض؟؟او برتقال؟؟؟

انا جربته وما عجبني بالمرة ,, ما ادري ليش ما ارتحت له

بعيدا عن التسرب حسيته ما يمتص كمية كبيرة من البول (اعزكم الله)

يعني اقل شي تبان الحفاظة مليانة

فرجعت للعادي

السلام عليكم ..


بالنسبة لي اثنينهم نفس الجودة..

بس العادي فيه رسومات ، والبرتقالي بدون الوان..

من جدي البرتقالي ارخص من العادي..

اما الابيض بعد حسيته أحلى من ناحية جمالية فقط..

ونفس الجودة..

انا جربتهم كلللهم :) احب التجارب


انا اشوف ان البرتقالي يمتص أكثر مخصص للنوم وللعب

والابيض احس فيه كريم مرطب أكثر

انا اشتري على حسب ماالقى في السوبر ماركت

انا ما ارتحت للبرتقالي واجد
و استخدم بامبرز العادي واجد تمام
و حابة اجرب الابيض الجديد " العناية المميزة "
بس مو محصلة رقم 3 في سوبرماركت البحرين كلش

الابيض جديد

انا استخدم البرتقالي بس قبل كنت العادي وابد ما اشوف فيه فرق بينهم كلهم نفس الشي بس زيادة اعلانات وخلاص